Наледыше да тендер пашаеҥын кечыже
| Наледыше да тендер пашаеҥын кечыже | |
|---|---|
 | |
| Тӱрлылык | Официал огыл |
| Палемдат | Россий |
| Кече | 5 апрель |
| Пайремлымаш | кажне ийын |
| Кылдалтын | 2013 ийысе 44-ФЗ №-ан Федерал тӧртык |
Наледыше да тендер пашаеҥын кечыже (руш. День закупщика и тендерного специалиста) — наледыме (закупок) аланыште тыршыше-влакын официалдыме паша пайремышт, Российыште кажне ийын 5 апрельыште палемдалтеш[1].
Эртык
Пайремын эртыкше 2013 ий 5 апрельыште «Кугыжаныш да муниципал кӱлешлык сатум, пашам, асулык пуымым ситарышаш верч контракт кышкар нерген» 44-ФЗ №-ан Федерал тӧртыкымпеҥгыдемдыме дене кылдалтын, тудо кугыжаныш да муниципал кӱлешлыкым ситарашлан сатум, паша да асулык-влакым наледыме, шотышто контракт-влакым ыштыме да ты пашам шуктымо радамым рашемда.
Кагазым тыгай шонымаш дене пеҥгыдемыме — наледмашын сай могырыш нӧлтымаш, посна аланыште чын уверым шарымаш да оксам шолыштмо йогыным (коррупцийым) чараш.
Кугыжаныш наледмашым эртарыше пашаеҥ олмо 2012 ийыште, «Южо юридический еҥын сатум, пашам, асулыкым наледымыж нерген» 223-ФЗ №-ан тӧртыкын вийым налме деч вара, шочын. Кок ий гыч 44-ФЗ №-ан тӧртык пашам ышташ тӱҥалын, тидлан кӧра кугыжаныш наледымашын кугытшо ятырлан кугемын, да тидым шуктышо пашаеҥ-влак кӱлеш лийыныт. Кугыжаныш наледмаш дене тендер-менеджер тендер-влакым кычалеш, тыгак наледыме паша планым ямдыла, сатун сайлыкшым да йодшылан келшен толмыжым терга[2].
Тыге, кугыжаныш наледмаш аланыште пашам ыштыше пашаеҥ-влакын лекмышт паша пайремым шочыктен, тиде кечыже тӧртыкым пеҥгыдемдыме кечылан келыштаралтын. Тиде кечынак тендер пашаеҥ-влакымат саламлыме йӱла уло, вет тиде пашан ӱшанъеҥышт ты алан дене чак кылдалтыныт[3].
Тыгак пайремлымашке тиде паша аланым вияҥдыше да полшышо ассоциаций ден паша ушем-влак ушнат.
Йӱла-влак
Тиде кечын наледымаш да тендер-влакын кӱлешан йодышыштлан пӧлеклалтше семинар, конференций да йыргешке ӱстел-влак эртаралтыт. Компаний-влак иктешлымашым ыштат да тӱҥ вияҥме корным палемдат.
Тӧнеж-влак пайрем вашлиймашым, эн сай пашаеҥ-влакым саупландырымашым да шинчымашым нӧлтымӧ тренинг-влакым эртарат. Тыгак конкурс, тест да викторин-влак эртаралтыт[4].
Тиде кечын наледымаш да тендер виктер аланысе эн сай мастар еҥлан пӧлеклалтше статья да материал-влак савыкталтыт[5].
Палемдымаш
- ↑ 5 апреля - День закупщика. УФАС России. Тергыме кече: 26 сорла 2025.
- ↑ Специалист по государственным закупкам - ИМЭС, 2023-02-17, <https://imes.su/abiturientam/professii/professii-napravlenija-gosudarstvennoe-i-municipalnoe-upravlenie/spetsialist-po-gosudarstvennym-zakupkam/>. Тергыме: 26 сорла 2025.
- ↑ 5 апреля. День в истории - события, даты (руш.). ГТРК «Саха» (5 вӱдшор 2024). Тергыме кече: 26 сорла 2025.
- ↑ День закупщика и тендерного специалиста! (руш.). ast-consulting.ru. АСТ-Консалтинг. Тергыме кече: 26 сорла 2025.
- ↑ День закупщика и тендерного специалиста в России - 5 апреля (руш.). Какой сегодня праздник?. Тергыме кече: 26 сорла 2025.
