Сырам шолтышын кечыже

Сырам шолтышын кечыже — Российыште ий еда июньын кокымшо шуматкечынже эрта.

Пайремын тӱҥ шонымашыже — российысе сырам шолтымо йӱлам пеҥгыдемдымаш, сырам шолтышын профессийжым да чапшым нӧлтымаш да тыгак элыште сырам подылмо шотым (тӱвырам) вияҥдаш.

Пайрем нерген

Историй

Сырам шолтышын кечыжым 2003 ий 23 январьыште Санкт-Петербургышто Российысе сырам шолтышо ушем каҥашын пунчалже дене тӧнежлыме^[1]. Тиде коммерцийдыме организаций сыра шолтышо да алкоголян продукцийым ыштен лукшо-влакым ушен. Ушемыш тӱрлӧ поган да куатан ыштыквер-влак пурат: мини-сыра шолтымо гыч тӱҥалын сатум ыштен лукшо кугу йӧнозанлык марте.

Российыште сырам шолтышын кечыже ий еда июньын кокымшо шуматкечынже палемдалтеш. Тиде пайремым официальнын пеҥгыдемдыме огыл да кугыжаныш кӱкшытыштӧ огеш палемдалт, туге гынат тудо шке аланыштыже, шолтышо-влак коклаште кумдан чапланен^[2].

Илыш-йӱла

Российысе сырам шолтышын пайремже але пеш самырык, но сырам шолтышо-влак шке пашаштым чапландарымаште чолган тыршат. Пайрем амал дене сырам шолтышо завод-влак толшо-влаклан омсам почыт, экскурсийым, паша конференцийым, семинарым, фестивальым (мутлан, Октоборфест) увертарат, тыгак конкурсым да моло акцийым эртарат^[3].

Тиде кечын ыштыкверлаште сырам шолтышо пашан эн сай пашаеҥжым саламлат, тӱвыра, модыш, спорт пайремым эртарат. Пайрем деч ончыч вуйлатыше-влак пашаеҥ-влакым саламлат, премий дене, пӧлек да таумут дене суапландарат. Пайрем вашеш конференцийым, презентацийым да экскурсийым эртарат, тушто отрасльын пӱсӧ йодышыжо-влакым каҥашат^[4].

Пайрем тыгай ӱжыкмут дене эрта «Пытара айдемым пиво огыл, пытара айдемым вӱд».

Профессийын лӱмлӧ еҥже-влак

Руш сырам шолтышо-влак коклаште икмыняр лӱмлӧ еҥ уло. Николай Синебрюхов сырам шолтышо купеч лийын, XIX курымышто илен. Тудо Финляндийыште «Sinebrychoff» шке заводшым кучен, но верысе калык тиде мутым каласен кертын огыл, садлан сыраже «Koff» лӱм дене чапланен.

Иван Дурдин тыглай руш кресаньык лийын, тыгак XIX курымышто илен. Крепостной лиймыж годым, тудо шке озаж деч утлен да Москошко пашам кычал каен, тыгай пашам Москосо сырам шолтышо мер ушемын кевытыштыже муын. Кум ий жапыште тудо тунар оксам ыштен налын, кудыж дене шкенжым веле огыл, уло ешыжымат крепостной улмо деч утараш ситен. Тыглай сырам ужалкалыме паша гыч тӱҥалын, тудо Санкт-Петербургышто Сыра заводым вуйлатыше марте кушкын, а вара тудын озаже лийын. Латвич ий жапыште тудо сырам шолтышо шке империйжым чоҥен. Александр II кугыжа шкежак "Дурдин деч лӱҥгӧвуяным" кӱкшын аклен.

Иван Дурдин — Иван Дурдинын изирак уныкаже лийын да кочажын паша йӱлажым умбакыже шуен. Тудо еш империйын кумдыкшым утыр шарен, Рыбинскыште «Богемия» сыра заводым чоҥен. Тыгак Иван шке сыра сортым шонен луктын — «Каульбахское» маналтеш.

Тыгак ончо

Палемдымаш

↑ Ботякова О.А. День пивовара (неопр.). Российский этнографический музей. Дата обращения: 22 ага 2024.
↑ В июне отмечают день пивовара: когда и как появилось производство пива в России (неопр.). LIFE (10 пеледыш 2023). Дата обращения: 22 ага 2024.
↑ День пивовара (неопр.). «Мир космоса». Дата обращения: 22 ага 2024.
Комсомольская правда. Дата обращения: 22 ага 2024.

[1] Ботякова О.А. День пивовара (неопр.). Российский этнографический музей. Дата обращения: 22 ага 2024.

[2] В июне отмечают день пивовара: когда и как появилось производство пива в России (неопр.). LIFE (10 пеледыш 2023). Дата обращения: 22 ага 2024.

[:0-3] День пивовара (неопр.). «Мир космоса». Дата обращения: 22 ага 2024.

[4] Комсомольская правда. Дата обращения: 22 ага 2024.

[1]

[2]

[3]

[4]