Миграций службо пашаеҥын кечыже

РУВИКИ — эрыкан энциклопедий гыч материал
Миграций службо пашаеҥын кечыже
День работника миграционной службы.jpg
Тӱрлылык Профессионал пайрем
Ышталтын 2007-ше ий 4-ше июнь
Палемдат  Россий
Кече 14 пеледыш

Миграций службо пашаеҥын кечыже (руш. День работника миграционной службы) — Россий Федераций Элгӧргӧ паша министерствын паспорт да миграций учётым эртарыше пашаеҥже-влакын профессионал пайремышт. Ий еда 14-ше июньышто палемдалтеш. РФ Президентын 2007-ше ий 4-ше июньысо 701 №-ан кӱштыкшӧ дене пеҥгыдемдыме[1].

Пайрем нерген каласкалымаш

«Миграций службо пашаеҥын кечыже» профессионал пайремым Российыште 1992—2000 ийлаште лийше, а вара 2004—2016 ийлаште шкевуя пашам ыштыше ведомство — Федерал миграций службо  (руш.) (мар. лӱмеш лӱмдымӧ. Тудым йӧршешлан петырыме деч вара пашажым МВД-н тӱрлӧ подразделенийлаштыже тыршыше пашаеҥ-влак шукташ тӱҥалыныт, нунат шке профессионал пайремыштым палемдат. Нуно миграций сферыште тергымашым эртарат да российысе ден йотэл граждан-влаклан документым ямдылаш тӱрлӧ семын полшат.

Нине специалист-влакын шуктымо пашашт[2][3]:

  • паспорт-влакым ямдылымаш да пуымаш;
  • граждан-влакым регистраций дене учётыш шогалтымаш;
  • РФ гражданстве нерген йодыш-влак;
  • йотэл граждан да гражданстве деч посна илыше еҥ-влаклан визым пуымаш;
  • йотэл граждан-влаклан РФ территорийыште жаплан илаш да пашам ышташ документ-влакым пуымаш;
  • йотэл граждан да гражданстве деч посна илыше еҥ-влакым миграций дене учётыш шогалтымаш;
  • тӧртыкым пудыртышо миграцийым ончылгоч кораҥдыме да чарыме шотышто ошкыл-влакым илышыш шыҥдарымаш да молат.

Миграций службо пашаеҥын кечыже миграций сферыште лӱдыкшыдымылыкым шуктымашын кӱлешлыкше нерген ушештараш ӱжеш да тиде аланыште тыршыше специалист-влакын пашаштым аклыме символлан шотлалтеш[4].

Историй

Миграций йодыш-влакым виктарымаш

СССР-ыште миграций учёт МВД-н кид йымалныже лийын[3].

1991-ше ий 14-ше декабрьыште Россий Федерацийын Паша да калыклан паша вер шотышто министерствыже пелен Калык миграций паша шотышто комитетым чумырымо, тудлан калыкын кӧргӧ миграцийже дене кылдалтше йодыш-влакым да беженец-влак дене пашам ӱшанен пуымо[5].

1992-шо ий 14-ше июньышто тиде комитет негызеш Российысе Федерал миграций службым (ФМС) почмо, тудын пашаже эн ончыч паша миграцийым виктарымаш дене кылдалтын. Тудо жапыште паспорт ден визым МВД-н паспорт да визе службыжо пуэден[6].

Россий президентын 2000-ше ий 17-ше майысе 867 №-ан кӱштыкшӧ ФМС-ым петырен, тудын негызеш РФ-ын федераций, калыкле да миграций политике паша шотышто министерствым чумырымо[7], тудо 2001-ше ий октябрь марте пашам ыштен, тидын деч вара тудын миграций политике дене кылдалтше пашажым Россий МВД-лан кучыктымо[8]. 2002-шо ий 23-шо февральыште МВД-н рӱдӧ аппаратшын структурыштыжо Федерал миграций службым почаш пунчалым лукмо[9].

2004-ше ий мартыште ФМС угыч кугу полномочиян[10], кучемыштыже улшо икмыняр тӧнежан да кундемысе орган-влакан шкевуя органыш савырнен, шке тамгаже, ведомствысо суаптарже-влак лийыныт[6]. Службо 2016-шо ий 5-ше апрель марте пашам ыштен, тидын деч вара шуктымо сомылжым угыч МВД-лан пуымо. Министерстве кышкарыште посна подразделенийым — Миграций йодыш шотышто тӱҥ виктемым  (руш.) (мар. — почмо[6].

2023-шо ий декабрьыште «Владимир Путин дене идалыкын лектышыже» вашлиймаште РФ президент миграций шотышто йодыш-влакым «чыла могырым» виктараш посна органым ышташ кӱлмӧ нерген увертарен[11]. 2024-ше ий декабрьыште Владимир Путин дене вияш линийыште угыч миграций дене кылдалтше йодыш-влак йоҥгеныт. Президент тиде пашам МВД кышкарыште пеҥгыдемдаш кӱлмӧ нерген увертарен да ешарен[12]:

«Тушто посна кугу подразделенийым, посна рӱдерым ышташ кӱлеш: але МВД кышкарыште, але МВД пелен, тушко экономике ведомство-влак гыч еҥ-влакым колташ кӱлеш — тыге ышташ кӱлеш, чылажымат шотыш налын, моло министерстве, ведомство да, мутат уке, регион-влак дене пеҥгыде кылым кучен.»

2025-ше ий 2-шо апрельыште РФ президент «Миграций сферыште кугыжаныш виктарымашым саемдыме нерген» кӱштыкшӧ дене Россий МВД-н Миграций йодыш шотышто тӱҥ виктемжым петырен. Тудын негызеш РФ МВД-н гражданстве да йотэл граждан-влакым регистрироватлыме йодыш шотышто службым почмо[13].

Пайрем

2007-ше ий 4-ше июньышто Российын президентше Владимир Путин «Миграций службо пашаеҥын кечыжым пеҥгыдемдыме нерген» кӱштыкыш кидпалыжым пыштен[1]. Пайремлыме кечылан 14-ше июньым — 1992-шо ийыште Российын Федерал миграций службыжым ыштыме кечым — ойырымо.

2007-ше ийыште профессионал пайремым икымше гана палемдыме, вара тудо ий еда эртаралтше йӱлаш савырнен[4].

Йӱла

МВД-ын миграций тергымаш дене кылдалтше йодыш-влакым виктарыше пашаеҥже-влак профессионал пайремыштым паша верыште палемдат, молан манаш гын, вет тиде кече каныш кече огыл.

Йӱла почеш тиде кечын ведомствысо да профессионал суаптар-влак дене палемдыме церемоний-влак[3], пайрем концерт[14] да отрасльын ветеранже-влак дене вашлиймаш-влак эртат[15].

Тӱшка увер йӧн-влак (СМИ) МВД-ын миграций йодыш шотышто подразделенийже-влакын вияҥме корнышт да сеҥымашышт нерген материал-влакым ямдылат.

Кылдалтше кече-влак

Россий МВД-н миграций йодыш шотышто подразделенийже-влакын кечышт (11-ше сентябрь)[16].

Палемдымаш

  1. ↑ 1 2 Указ Президента Российской Федерации от 04.06.2007 г. № 701, <http://www.kremlin.ru/acts/bank/25617>. Тергыме: 11 пеледыш 2026. 
  2. ↑ Главное управление по вопросам миграции (руш.). xn--b1aew.xn--p1ai. Тергыме кече: 11 пеледыш 2026.
  3. ↑ 1 2 3 14 июня — День работника миграционной службы России: история и традиции, 2024-06-13, <https://iz.ru/1711815/2024-06-13/14-iiunia-den-rabotnika-migratcionnoi-sluzhby-rossii-istoriia-i-traditcii>. Тергыме: 11 пеледыш 2026. 
  4. ↑ 1 2 14 июня – День сотрудника миграционной службы. Министерство общественной безопасности Челябинской области (14 пеледыш 2023). Тергыме кече: 11 пеледыш 2026.
  5. ↑ Вопросы Комитета по делам миграции населения при Министерстве труда и занятости населения Российской Федерации. pravo.gov.ru. Тергыме кече: 11 пеледыш 2026.
  6. ↑ 1 2 3 Федеральная миграционная служба РФ. Досье - ТАСС, <https://tass.ru/info/3178995>. Тергыме: 11 пеледыш 2026. 
  7. ↑ Указ Президента Российской Федерации от 17.05.2000 г. № 867, <http://www.kremlin.ru/acts/bank/15504>. Тергыме: 11 пеледыш 2026. 
  8. ↑ [file:///C:/Users/Наташа/Downloads/istoricheskaya_spravka_o_podrazdeleniyakh_po_voprosam_migratsii.pdf Историческая справка о подразделениях по вопросам миграции]. xn--80anwj.xn--j1adp.xn--b1aew.xn--p1ai. Тергыме кече: 11 пеледыш 2026.
  9. ↑ Указ Президента Российской Федерации от 23.02.2002 г. № 232, <http://www.kremlin.ru/acts/bank/17875>. Тергыме: 11 пеледыш 2026. 
  10. ↑ Постановление Правительства РФ от 13.07.2012 N 711 "О вопросах Федеральной миграционной службы" | ГАРАНТ. base.garant.ru. Тергыме кече: 11 пеледыш 2026.
  11. ↑ Итоги года с Владимиром Путиным, 2023-12-14, <http://www.kremlin.ru/events/president/news/72994>. Тергыме: 11 пеледыш 2026. 
  12. ↑ Итоги года с Владимиром Путиным, 2024-12-19, <http://www.kremlin.ru/events/president/transcripts/statements/75909>. Тергыме: 11 пеледыш 2026. 
  13. ↑ Чемодан, вокзал, надзор, 2025-04-02, <https://www.kommersant.ru/doc/7623626>. Тергыме: 11 пеледыш 2026. 
  14. ↑ Георгий Полтавченко поздравил с профессиональным праздником работников миграционной службы - Официальный сайт Администрации Санкт‑Петербурга (руш.). gov.spb.ru. Тергыме кече: 11 пеледыш 2026.
  15. ↑ Вечер ветеранов миграционной службы 2024, Мышкинский район — дата и место проведения, программа мероприятия., <https://www.culture.ru/events/4716068/vecher-veteranov-migracionnoi-sluzhby>. Тергыме: 11 пеледыш 2026. 
  16. ↑ Приказ МВД России от 11 сентября 2017 г. № 710 Об объявлении Дня подразделений по вопросам миграции системы МВД России”, <https://www.garant.ru/products/ipo/prime/doc/71693272/>. Тергыме: 11 пеледыш 2026. 

Кылвер-влак

"https://mhr.ruwiki.ru/w/index.php?title=Миграций_службо_пашаеҥын_кечыже&oldid=1235935" гыч налме