Тӱвыра пашаеҥын кечыже (Россий)
Тӱвыра пашаеҥын кечыже — РФ-се тӱвыра пашаеҥ-влакын профессионал пайремышт. Ий еда 25 мартыште палемдалтеш. Культур пашаеҥ-влак манме умылымашке усталык шӱлышан пашам шуктышо, сымыктышын еҥже-влак, тыгак тӱвыра поянлыкым аралыше да ты погым калык деке намиен шогышо пашаеҥ-влак пурат.
Историй
2007 ий шошым тунамсе Российысе тӱвыра министр Александр Сергеевич Соколов шке ойыштыжо палемден: Россий Федерацийын икмыняр кундемыштыже тӱвыра пашаеҥ-влакын тӱрлӧ жапыште эртарыме порфессий кечышт уло[1]. Министр Соколов палемден: ты пайремлан кугыжаныш статусым пуаш да тудым моло профессионал пайрем-влак деч ойыркалаш кӱлеш.
Ту ийынак, кеҥежым, 27 августышто, очыни, Александр Сергеевичын мутшым колыштын, Россий Федерацийын президентше Владимир Владимирович Путин «Культур пашаеҥын кечыж» нерген кӱштыкеш кидым пыштен. Тиде кече пӱтынь тӱвыра пашаеҥ-влаклан, кӧ ондак российысе печать кечым, историй вер-влакын шарныктышышт да историй кечым, тоштер кечым, писательын кечыжым, театр кечым, книга да автор права шотышто тӱнямбал кечым да молымат пайремлен — чылаштланат профессий пайрем лийын.
Тӱвыра пашаеҥ-влакын кечыштым икымше гана Моско кундемын Наро-Фоминск районыштыжо пайремленыт. Журналист, поэт да композитор Игорь Герасимовын да режиссёр Оксана Акацкован темлымашаштым Наро-Фоминск район тӱвыра виктежым вуйлатыше, РФ тӱвыран сулло пашаеҥже Ольга Тихонова сайлан шотлен, Тӱвыра пашаеҥын кечыжым икымше гана 14 февральыште 1996 ийыште, Чыла йӧратыше-влакын кечыж годым, пайремленыт. «Почылтшо шӱм» премий тӧнежленыт, тиде кечын Наро-Фоминскысе пытартыш 15 ий жапысе уста тӱвыра пашаеҥым суапландаралтыныт.
Тӱвыра пашаеҥ-влакын кечышт идалыкысе кечышот радамыште каныш кечылан ок логал гын, каныш кечылан ок шотлалт.
Палемдымаш
- ↑ [www.calend.ru/holidays/0/0/2257/ День работника культуры России — 25 марта. История и особенности праздника в проекте Календарь Праздников 2010]
Тыгак ончо
- Тӱвыра пашаеҥын кечыже
- Тоштерын тӱнямбал кечыже
- Памятник ден историй вер-влакын тӱнямбалысе кечыже
- ФГУП ГТК «„Культура“ телеканал»
- Россий Федерацийын тӱвыра министерствыже