Шахтёрын кечыже

Шахтёрын кечыже
Шахтёрын кечыже
	Файл:Aug-5-sun.png
Тӱрлылык	Профессионал пайрем
Кече	ий еда, сорла тылзын пытартыш рушарнян
	РУВИКИ.Медиаште медиафайл-влак

25.08.24

31.08.25

30.08.26

29.08.27

27.08.28

Шахтёрын кечыже — профессионал шахтёр-влакын пайремышт, тудын историйже Совет Ушем жапыште тӱҥалын; СССР шаланымекат, Российыште, Белоруссийыште, Эстонийыште, Узбекистаныште, Казахстаныште, Украиныште да Киргизийыште августысо пытартыш рушарнян палемдалтеш.

Пайрем историй

1935 ий 30–31 август йӱдым Ирмино олаште, «Рӱдӧ-Ирмино» шахтыште, варажым шахтёр Алексей Стаханов «22-шо съезд лӱмеш» рекордым шынден (7 тонн тонн мландышӱй олмеш 102 тонным луктын) тиде стаханов толкынлан шочаш амалым пуэн. Пайрем Совет Ушемын кумдыкыштыжо палемдалтеш.

Официальнын пайремым 1947 ий 10 сентябрь СССР-ыш мландышӱй йӧнозанлык министр-влак Д. Г. Оника да А. Ф. Засядькон темлымышт почеш пеҥгыдемдыме. Шахтёрын икымше пайремже 1948 ий 29 августышто лийын. Талук тӱҥалтыште министр «Шахтёрын пайремжылан ямдылалтме нерген» кӱштыкым луктын.

Тушто палемдалтын: мландышӱй йӧнозанлыкын чыла пашаеҥже-влак пайремым паша сеҥымаш дене, илыме верым саемдыме дене вашлийшаш, паша дициплиным пеҥгыдемдашлан, пашаште у машинам кучылташлан, шахтым уэмден чоҥашлан мо ыштышашым палемдыме, поснак тыршен пашам ыштыше-влакым суапландырашлан материалым ончылгоч ямдылыме нерген каласыме. Москошто Шахтёрын кечыж годым пайремле погынымашым эртарыме, туштыжо 1949 ийыште пашаште у сеҥымашке шуаш обязательствым лукмо.

Шахтёрын кечыже южо ола ден посёлоклан тӱҥ пайрем улеш да садлан калык ош кава йымалне кугу пайрем концерт дене пайремла: Анжеро-Судженск, Антрацит, Артём, Брянка, Воркута, Горловка, Гуково, Джебарики-Хая, Донецк, Дровяная, Заполярный, Инта, Караганда, Кемерово, Кировск, Кировск/Голубовка (Луганская область), Киселёвск, Копейск, Кохтла-Ярве, Краснодон, Молодогвардейск, Кривой Рог, Ленинск-Кузнецкий, Луганск, Макеевка, Междуреченск, Назарово, Нерюнгри, Новая Чара, Новокузнецк, Новошахтинск, Павлоград, Первомайск, Першотравенск, Прокопьевск, Свердловск, Ровеньки, Североуральск, Снежное, Селидово, Соледар, Стаханов, Суходольск, Терновка, Торез, Торецк, Шарыпово, Шахтёрск, Шахтинск, Шахты, Шерловая Гора, Экибастуз, Мыски.

Берёзовскыште, Горловкышто, Добропольеште, Донецкыште, Киселёвскыште, Краснокаменскыште, Макеевкыште, Прокопьевскыште, Солигорскыште, Соль-Илецкыште, Сосенскыште (Калуга кундем), Торезыште, Черемховыште, Шахтыште, Шахтинскыште (Караганда кундем) Шахтёр олан кечыжат, Шахтёр кечыжат (Олан кечыже Шахтёрлан пӧлеклалтеш) иканаште пайремлалтеш.