Москосо транспорт кече
| Москосо транспорт кече | |
|---|---|
 | |
| Тӱрлылык | Профессионал пайрем |
| Ышталтын | 2017 |
| Ыштыше | Москосо виктер |
| Палемдат | ий еда |
| Кече | июлын кокымшо шуматкечыже |
Москосо транспорт кече — Москосо транспорт пашаеҥ-влакын профессионал пайремышт. Ий еда июльын кокымшо шуматкечынже палемдалтеш. Рӱдолаште пайрем лӱмеш тематике ончер да экскурсий, ретротранспорт парад да моло сымыктыш мероприятий-влак эртаралтыт[1][2].
Пайремым негызлыше — Моско виктер.
Пайрем историй
Москосо транспорт кечым негызлаш шонымашым мер ушем-влакын ӱшанъеҥышт каласеныт. Нуно Москосо трамвай кече да Москосо автобус кече уло гынат, транспорт отрасльысе пашаеҥ-влаклан ик профессионал пайрем укелыкым палемденыт[3]. Москон мэрже Сергей Собянин тиде шонымашым пеҥгыдемден да Моско оласе думышто «Моско олан пайремже нерген» тӧртыкыш келшен толшо вашталтышым пурташ темлен. Пайремым 2017 ий 1 мартыште пеҥгыдемден[1].
Москосо транспорт кече оласе метро транспортын да мланде ӱмбалсе транспорт пашаеҥ, таксист ден кӱртньыгорно пашаеҥ, каршеринг ден велопрокатын операторжын, ГАИ-н, да ола мучко коштын кертме лӱдыкшыдымылыклан йӧным ыштыше моло специалист-влакын профессионал пайремышт лийын[4]. Пайремын цельже — рӱдоласе транспорт кышкырышке оласе граждан-влакын тӱткышыштым виктарен, вияҥмашын у корнышкыжо нӧлтымаш[5].
Икымше пайрем мероприятийым чапландарен, Моско оласе транспорт инфраструктурым вуйлатыше Максим Листов каласен:
Москосо транспорт кече тӱрлӧ транспорт пайремым иктыш уша да ий еда июльын кокымшо шуматкечын палемдалтеш. У пайрем — кугу ешым чумырен, чыланыштым — транспорт цехын пашаеҥ-влакланат, москосо пассажир-влакланат... Москошто калыклан ончыкташ автобус парк-влак, трамвай депо, метрополитенын электродепожо, Аэроэкспресс да ЦОДД-н эскерыше рӱдерже почылтыныт. Транспорт комплексын тӱрлӧ верлашкыже шинчымашым нӧлтышӧ экскурсий-влакым эрташ тӱҥалыт. Чыла москвичым ешыж дене пагален ӱжына.
Москосо транспорт кечым икымше гана пайремлымаш 2017 ий 8 июльышто лийын. Пайрем икымше конки лӱман мер транспортын шочмыжлан 145-ше ий темме дене кылдалтын[6].
Пайрем программе
Москосо транспорт кече деч ончыч ий еда кокла лектышым иктешлымаш ышталтеш: транспорт кышкарым вияҥдымашке могай сеҥымашке шумо, могай вашталтыш лийме нерген мутланат. Тыгак олаште илыше-влаклан тӱрлӧ шӧрынан мероприятий-влак программе ямдылалтеш. Экскурсий ден мастер-класс, тематике ончер, тошто трамвай ден автомобиль парад-влак эртат. 2019 ийыште академик Сахаровын проспектыштыже ГИБДД-ын «Каскад» пилот тӱшкажын выступатлымашыже лийын[7].
2022 ийыште Москосо метрополитенын оҥго линийже дене «Шоҥшо-3», «Номеран», «Русич», «Сокольник», «Ока», «Сокольники», «Москва» поезд-влакын ретро да тачысе машина модель-влакышт эртеныт. Йӱдвел эҥер вокзалыште композитор да музыкант Кирилл Рихтер выступатлен, а «Новослободская» моско метрополитен станцийыште Руш классике театрын артистше-влак — «Йӱксӧ ер» балетын ужашыже-влак ончыктеныт[8][9].
2022 ий гыч ий еда Моско транспорт кече лӱмеш «Ретрейс» электротехникым ончыктышо оласе кугу фестиваль эртаралтеш.
2023 ийыште «Шым чоҥгамбалне» авторалли эртен, туштыжо ретроавтомобиль оза-влак чумыргеныт, нуно ончылгоч ямдылыме корно дене, рӱдолан историй районлаштыже кудал эртеныт[2]. Оласе-влаклан «Метрошто сем» проектын музыкантше-влак, тыгак Моско метрополитенын Академий хоржо выступатлалтыныт.
Кажне ийын пайрем программе у формат дене пойдаралтеш[10].
Тыгак ончо
Палемдымаш
- ↑ 1 2 Закон города Москвы «О внесении изменения в статью 1 Закона города Москвы от 22 сентября 2004 года N 56 "О праздниках города Москвы"». Электронный фонд правовых и нормативно- технических документов (2017). Тергыме кече: 26 пеледыш 2024.
- ↑ 1 2 День Московского транспорта. Комсомольская правда. Афиша. Тергыме кече: 26 пеледыш 2024.
- ↑ 8 июля пройдет День московского транспорта. Официальный сайт Мэра Москвы (28 пеледыш 2017). Тергыме кече: 26 пеледыш 2024.
- ↑ Сергей Собянин поздравил горожан с Днем московского транспорта. Официальный сайт Мэра Москвы (11 сӱрем 2020). Тергыме кече: 26 пеледыш 2024.
- ↑ Мосгордума утвердила День московского транспорта. Москва24 (1 ӱярня 2017). Тергыме кече: 26 пеледыш 2024.
- ↑ Отмечаем День московского транспорта! За рулём. Тергыме кече: 26 пеледыш 2024.
- ↑ День московского транспорта. Московский транспорт. Тергыме кече: 26 пеледыш 2024.
- ↑ Московский Транспорт. День Московского транспорта: большой концерт Кирилла Рихтера и Richter Trio на СРВ. YouTube (24 сӱрем 2021). Тергыме кече: 26 пеледыш 2024.
- ↑ Анна Лоскутова. Танцы в метро: артисты Русского классического театра балета выступили на станции «Новослободская». Москва Центр (11 сӱрем 2022). Тергыме кече: 26 пеледыш 2024.
- ↑ День московского транспорта: Мэр Москвы поздравил работников отрасли. Официальный сайт Мэра Москвы (9 сӱрем 2022). Тергыме кече: 26 пеледыш 2024.
Литератур
- Солдатенко И. А. Результаты развития транспортного комплекса Москвы в 2010—2020 гг. // Экономическое развитие России. 2021. № 2. 55—60.
- Петрова Д. В. Современные подходы к организации мониторинга пассажиропотоков общественного транспорта городских агломераций // International Journal of Open Information Technologies. 2020. № 1. 47—57.
Кылвер-влак
- День московского транспорта: Мэр Москвы поздравил работников отрасли (2022)
- День Московского транспорта: большой концерт Кирилла Рихтера и Richter Trio на СРВ (2022)
- В столице учредили День Московского транспорта. Статья в Российской газете
- Закон города Москвы от 1 марта 2017 года № 5 «О внесении изменения в статью 1 Закона города Москвы от 22 сентября 2004 года N 56 „О праздниках города Москвы“»
- День Московского транспорта. Статья в Личном блоге Мэра Москвы