Кадровикын кечыже
| Кадр пашаеҥын кечыже | |
|---|---|
 | |
| Тӱрлылык | Профессионал |
| Официал | официал |
| Ышталтын | 2005 ий |
| Палемдат | ий еда |
| Кече | 24 ага, 12 шыжа |
| Кылдалтын | Россий МВД дене |
Кадр пашаеҥын кечыже — айдемым пашаш налме да паша нерген йодышыжым тӧрлаш полшышо пашаеҥын пайремже. Российыште официал огыл улеш, идалыкыште кок гана палемдалтеш: 24 майыште да 12 октябрьыште.
Историй
Дате-влак коктынат историй документ-влак дене кылдалтыныт.
1835 ий 24 майыште пашам ыштыше да пашам пуышо еҥ-влак коклаште икымше регламент пунчал лектын: «Фабрикысе заведений ден пашазе, тарлалт-влак кокласе кыл нерген»[1].
1918 ий 12 октябрьыште Калык комиссариат «Совет пашазе-кресаньык милицийым организацийым почмо нерген инструкцийым» луктын. Вараракше лачак милицийыште кадр дене пашам ыштыше икымше пашаеҥ-влак лектыныт[2].
«Кадр специалист» ой СССР-ыште шочын: кадр пашаеҥ-влак Пашаче книгам сереныт, пашаеҥын личный делажым вӱденыт, паша тӧртыкым тичмашын шуктымым эскереныт.
2005 ийыште Россий кӧргысӧ кадр конгрессыште 24 май кечым Кадр пашаеҥын кечыже семын палемденыт — тыгодым историйлан эҥертеныт да чыла аланысе пашаеҥ-влакым шотыш налыныт. 12 октябрьыште Кадр пашаеҥын профессионал пайремым эн ончычак МВД-ын пашаеҥже-влак палемдат, туге гынат ты кечым идалыкеш кок гана пайремлымаш моло тӱрлӧ аланыште тыршыше-влакымат авалтен[3].
Кадр пашаеҥын эше ик кечыже уло, тудыжым персоналым виктарыме шотышто специалист-влак гына палемдалтыт: сентябрьын кумшо шуматкечыже.
Южо компанийыште компаний негызлыме кечын кадр пашаеҥ-влакым саламлат[4].
Пайремын посна йӱлаже уке; чӱчкыдын тиде кечын йыргешке ӱстел але конференций эртаралтыт, кадр пашам вияҥдымаште инноваций йодышым каҥашат.
Профессийын ойыртемже
Кадр пашаеҥын шуктышаш сомылжо[5]:
- паша книгам вӱдаш да аралаш;
- пашазылан инструкцийым ямдылаш;
- паша договорым да пашазын картычкыжым возаш;
- кадр политикым ямдылаш да илышыш пурташ;
- кадр резервым ышташ да туныктымо, угыч ямдылыме, квалификацийыштым нӧлтымӧ пашам шотышто кучаш;
- отпускым да штат расписанийым возаш;
- командировко, больнице, декрет кагаз-влакым сераш;
- паша тӧртыкын шукталтмыжым эскераш.
Тунемме вер-влак
2024 ийлан Российысе кадр пашаеҥ-влакым ямдылыше лу эн сай вуз-влакын лӱмышт тыге радамлалтын[5]:
- Санкт-Петербургысо кугыжаныш университет (СГПУ);
- В. Я. Горин лӱмеш Белгородысо кугыжаныш ял-озанлык университет;
- Тувасе кугыжаныш университет;
- РФ Президент пеленысе калык озанлык академийын кугыжаныш службыжын да виктемжын институтшо;
- Кемеровысо кугыжаныш университет;
- Российысе у университет;
- Сибирьысе бизнес ден информаций технологий институт;
- Ставропольысо кугыжаныш ял-озанлык университет;
- Кечывалвел-Урал кугыжаныш университет;
- Тюменьысе кугыжаныш университет.
Тыгак ончо
Палемдымаш
- ↑ Елена Слободян (24 мая 2014), Почему в России День кадровика отмечают дважды?, <https://aif.ru/dontknows/eternal/1175177?ysclid=lvunz3fhdl218646308>. Тергыме: 6 ага 2024.
- ↑ Арина Романова, День кадровика 2024: какого числа, история и традиции праздника, <https://www.kp.ru/family/prazdniki/den-kadrovika/?ysclid=lvunxoisbo373894793>. Тергыме: 6 ага 2024.
- ↑ 24 мая — День кадрового работника: история и традиции праздника, 2023-05-23, <https://iz.ru/1516632/2023-05-23/24-maia-den-kadrovogo-rabotnika-istoriia-i-traditcii-prazdnika>. Тергыме: 6 ага 2024.
- ↑ Двойной профессиональный праздник: день кадровика в России. Profkadrovik.ru. Тергыме кече: 6 ага 2024.
- ↑ 1 2 Рудакова Анна. День кадровика 2024: когда отмечается в России. Кадровое дело (24 вӱдшор 2024). Тергыме кече: 5 пеледыш 2024.