Пӧртарверым ыштышын кечыже

Пӧртарверым ыштышын кечыже
Тӱрлылык	Профессионал
Официал	официалдыме
Ышталтын	2010-ше ийлаште
Палемдат	ий еда
Кече	пеледыш тылзын 2-шо шуматкечыже

Пӧртарверым ыштышын кечыже — профессионал пайрем, Российыште арверым ыштымаште тӱрлӧ профессиян еҥ-влак тыршат. Пайремым XXI курымын колымшо ийла тӱҥалтыште увертарыме, июньын кокымшо шуматкечынже пайремлалтеш.

Историй

1990 ийлаште СССР шаланымеке, пӧртарверым ыштен лукшо аланыште моло отрасль семынак кризис толын. Пӧртарверым ыштыше-влаклан полышым пуымо семын 1997 ийыште Мебель да пушеҥгым обрабатыватлыше йӧнозанлык предприятий-влакын коммерций дене кылдалтше огыл Ассоциацийышт ышталтын, тудо ты сферыште тыршыше тӱрлӧ пашаеҥ-влакым иктеш ушен. Ассоциацийын шочмыжо тичмаш профилян ушемым ышташ тӱҥалтыш лийын.

2020-шо ийла тӱҥалтыште Ассоцийыште шкенжын профессионал пайремжым ышташ пунчалым луктын, тидлан июньын кокымшо шуматкечын палемдыме. Тиде кечылан арвер ончер ямдылалтеш, пашаште ойыртемалтше еҥ-влакым суапландарат — премийым, грамотым да дипломым кучыктат, тыгак тӱрлӧ профессийын представительже-влак коклаште таҥасымашым эртарат. Тиде кечым пайремлыше специалист-влакын радамыш пурат:

• инженер-конструктор-влак;
• столяр;
• монтажник;
• погышо;
• дизайнер;
• художник;
• ургызо.

Оҥай факт

• 2014 ийыште тӱняште эн кужу диваным Саратовышто ыштыме, Гиннессын рекорд книгашкыже пуртымо. Тудын кужытшо ик меҥге утла лийын, тушто иканаште 2500 еҥ шинчен кертын. Диванын акше 10 миллион теҥгеш шуын. Рекордым регистрироватлыме деч вара диваным ронченыт да посна ужаш дене ужалкаленыт; ужалыме окса суапле фондыш колталтын.
• Пӧртарвер урем Санкт-Петербургышто, Пензыште, Челябинскыште, Оренбургышто, Петрозаводскыште да Тихвиныште уло.
• Пӧртарвер изурем Санкт-Петербургышто Да Великий Лукиште уло; Пӧртарвер кум Пачашан подъезд Пензыште: 1-ше, 2-шо да 4-ше.

Тыгак ончо

• Столяр

Палемдымаш