Инкассаторын тӱнямбал кечыже
| Пӱтынь Российысе инкассаторын кечыже | |
|---|---|
 Инкассатор пашаште | |
| Тӱрлылык |
Российысе  |
| Официал | Пӱтынь Российысе инкассаторын кечыже |
| Кече | 1 сорла |
Пӱтынь российысе инкассаторын кечыже — ий еда 1 августышто палемдалтеш. Тиде кечын 1939 ийыште Совет Ушемын Кугыжаныш Банкыштыже инкассаций Службым ыштеныт[1]. Профессионал пайремым инкассатор ден банк пашаеҥ-влак ыштат.
Историй
IX курым тӱҥалтыште инкассатор-влакын тӱҥалтыш порысыштым князь ден бояр-влак шуктеныт, нуно оксам да погым наҥгайыме годым корнышто поянлыкым ороленыт. XVI курымышто сурож купеч-влакын караваныштым шуко чотан тарлыме дружине оролен, тудым «Уна вуй» купеч элитын поян ӱшанъеҥже вуйлатен[2].
Октябрь революций деч ончыч кажна поянлыкым оролымаште посна верым кугыжаныш почто ден фельдъегер службо айлен. Посна еҥын окса поянлыкшым оза-влак шкеак араленыт[3].
Октябрь революций деч вара Совет Ушемысе инкассаций организацийыште кугу вашталтыш лийын. Тӱҥалтыште тиде пашам Кугыжаныш политике управленийыште контрреволюций да саботаж ваштареш кучедалме шотышто ОГПУ ЧК-ан (Чрезвычайной Комиссии по борьбе с контрреволюцией и саботажем при Объединенном государственном политическом управлении) органже-влак шуктеныт, а вара СССР-ын фельдъегер кылын службыжышкыжо куснен[4].
1939 ий 1 августышто Булганин Николай Александровичын — СССР Кугыжаныш банкын председательжын инкассацийын службыжым ышташ кӱштышӧ приказше почеш у вашталтыш лийын, тудо инкассаций службым СССР кгыжаныш банк пелен чумыраш кӱштен[1].
Оҥай факт
- Инкассаторлан армийыште служитлыше але МВД-ын службым эртыше пӧръеҥ 21 ияш гыч гына лийын кертеш.
- Инкассатор лӱмын ямдылыме курсым эрта, тушто лӱяш туныктат да тӱрлӧ ситуацийлаште шкем кучымо модель-влак дене палыме лийыт.
- Инкассатор-влак тӱшкаште бронежилет да лӱйкалыше курал (тӱҥ шотышто Макаров пистолет ден Калашников автомат) уло, тудын нелытше 12 килограмм наре[5].
- Инкассатор-влак полицейский-влакын йодмышт почеш машина гыч лекташ правашт уке. Тидын олмеш нуно документ-влакым янда гоч ончыкташ улыт але ДПС постыш, районысо полиций пӧлкаш эртышаш улыт[6].
- Окса грузым шупшыкташ инкассатор-влак лӱмын ыштыме купюр сумкам, тыгыде оксалан мешакым да инкассатор баул, банкомат-влаклан лӱмын ыштыме купюр кассетым, кучылтыт. Окса сумкан нелытше 15 килограммыш, а инкассатор баул 50 килограммыш шуын кертеш[7].
- Купюрым аралаш сумкам вӱд деч аралыше чоткыдо куэм гыч ыштат, тергыше-аралыше сомылым шуктышо кӱртньӧ петыртыш дене шыҥдарат. Кусарыме деч ончыч окса сумкашке пломбым шындат.
- Окса мешак-влакат шижде пураш лийме деч икмыняр тӱрлӧ аралтыш йӧнандаралтеш, тидын шотыштак пломбым, термоиндикаторым, аралыше лентым да индивидуал номерым кучылтыт[8].
Тачысе сӱрет
Инкассаторын кечыже каныш кечылан ок шотлалт. Тудо утларакшым инкассатор ден банк пашаеҥ-влак коклаште корпоратив мероприятий семын палемдалтеш, тыгак сай пашаеҥым премий да чап грамоте дене суапландарат[5][8].
Тыгак ончо
Российысе банк пашаеҥын кечыже
Палемдымаш
- ↑ 1 2 Максим Богодвид. Всероссийский день инкассатора. РИА (1 сорла 2012). Тергыме кече: 24 кылме 2023.
- ↑ Анастасия Анушевская. Инкассатор: возможности и табу профессии. Аргументы и Факты (1 сорла 2014). Тергыме кече: 25 кылме 2023.
- ↑ 1 августа - Всероссийский день инкассатора. Грозный ТВ (1 сорла 2018). Тергыме кече: 25 кылме 2023.
- ↑ Российские инкассаторы отмечают профессиональный праздник. Банки.ру (1 сорла 2012). Тергыме кече: 25 кылме 2023.
- ↑ 1 2 Тайны профессии: инкассатор. Амурская правда, новости Благовещенска и Амурской области (18 кылме 2014). Тергыме кече: 25 кылме 2023.
- ↑ Чем еще интересна работа инкассатора? https://mbradio.ru/. Тергыме кече: 25 кылме 2023.
- ↑ Леонид Позняк. Сумка с деньгами у инкассатора весит до 15 килограммов, а мешок – до 50! Комсомольская правда (18 кылме 2014). Тергыме кече: 25 кылме 2023.
- ↑ 1 2 Ульяна Светачева. День инкассатора в 2024 году: история и традиции праздника. Комсомольская правда. Тергыме кече: 25 кылме 2023.