Металлургын кечыже
| «Металлургын кечыже» | |
|---|---|
 | |
| Тӱрлылык | профессионал пайрем |
| Ышталтын | СССР Кӱшыл Советын Президиумжо |
| Палемдат |
 Россий Украине Казахстан Белоруссий |
| Кече | 1957 ий 28 идым |
| Пайремлымаш | кажне ийын, сӱрем тылзын 3-шо рушарнян |
 Медиафайлы на РУВИКИ.Медиа | |
| 16.07.23 |
| 21.07.24 |
| 20.07.25 |
| 19.07.26 |
| 18.07.27 |
Металлургын кечыже — ий еда эртаралтше профессионал пайрем, Российыште, Белоруссийыште, Украиныште, Казахстаныште палемдалтеш.
Историй
1957 ий 28 сентябрьыште, СССР-ын экономикыжым уэмден вияҥдымаште совет металлургий йӧнозанлыкын надыржым шотыш налын, СССР Кӱшыл Советын Президиумжо Металлургын кечыжым увертарен, тудо июльышто кумшо рушарнян пайремлалтеш[1]. Тидын нерген кӱштык 1980 ий 1 октябрьыште[2] да 1988 ий 1 ноябрьыште[3] Кӱшыл Совет дене пеҥгыдемдалтын. Пайрем металлургий предприятий-влак улман олалаште (Нижний Тагил, Старый Оскол, Норильск, Новокузнецк, Магнитогорск, Череповец, Челябинск, Таганрог, Липецк, Мончегорск да моло вереат) кумдан палемдалтеш.
СССР шаланыме деч вара, Металлургын кечыже ты пашан экономикыштыже кугу верым айлыше чыла эллаштат пайрем семын аралалт кодын. Украиныште пайремым 1993 ий 3 июньысо 187/93-шо №-ан кӱштык дене пуртымо. Казахстаныште Металлургын кечыже Президентын 2003 ийысе кӱштыкшылан келшышын палемдалтеш. Белоруссийыште — президентын 1998 ий 26 мартысе 157-ше №-ан «Белоруссий Республикыште кугыжаныш пайрем, пайрем да шарныктыш кече-влак нерген» кӱштыкше дене келшышын эрта. Белоруссийыште металлург кече ий еда июльысо кумшо рушарнян палемдалтеш.
Россий чаплӱм-влак радамыште «Россий Федерацийын сулло металлургшо» лӱм уло.
Нумизматике
2020 ий 30 июньышто Российысе Банк йӧнозанлыкын ик эн тӱҥ отрасльжылан пӧлеклалтше, руда да вес сырье гыч иктеш металлым ыштен лукшо металлург-влак лӱмеш «Металлургий йӧнозанлыкын пашаеҥже» 10 теҥгеаш оксам луктын[4].
Тыгак ончо
Нефть да газ промышленность пашаеҥын кечыже
Палемдымаш
- ↑ Празднование дня металлурга. Дата обращения: 7 теле 2011. Архивировано 2 сӱрем 2014 ий.
- ↑ Указ Президиума ВС СССР от 1 октября 1980 года № 3018-Х «О праздничных и памятных днях»
- ↑ Указ Президиума Верховного Совета СССР от 1.10.1988 № 9724-X «О внесении изменений в законодательство СССР о праздничных и памятных днях»
- ↑ Работник металлургической промышленности. Дата обращения: 11 сӱрем 2020. Архивировано 12 сӱрем 2020 ий.