Транспорт пашаеҥын кечыже

РУВИКИ — эрыкан энциклопедий гыч материал

Транспорт пашаеҥын кечыже — транспортын тӱрлӧ отрасльыштыже ыштыше пашаеҥ-влакын профессионал пайремышт, 20 ноябрьыште палемдалтеш[1][2]. РФ Транспорт шотышто министерствын кӱштыкшӧ дене 2020 ийыште пуртымо[3].

300-шӧ №-ан «Профессионал пайремым палемдыме нерген — Транспорт пашаеҥын кечыже» кӱштыкеш[4] 2020 ий 10 августышто РФ правительство председатель В. Мишустин кидпалым пыштен[1][5]. Ондак транспортын тӱрлӧ сферыштыже ыштыше пашаеҥ-влакын лӱмын ыштыме пайремыштым гына палемденыт: Кӱртньыгорно пашаеҥын кечыже, Граждан авиаций кече, Теҥыз да эҥер флотысо пашаеҥын кечыже, Автомобилистын кечыже[6], но нуно пӱтынь отрасльысе пайрем кечым палемдыме нерген ик гана веле огыл йодыныт[7][6].

Датым ойырымаш

Пайремым эртарыме тиде кече теве молан сайлалтын: ты кечын 1809 ийыште Александр I кугыжанышыште транспортын тӱрлӧ йӧнжым шот дене кучылтмылан мутым кучышо, Вӱд, сухопутный коммуникаций виктемым да тудын кышкарыштыжак шогышо корно кыллан мутым кучышо Инженер-влак корпусым да институтым почмо нерген увертарен. Тылеч ончыч Российыште Россий империйын Вӱд коммуникаций департаментше гына лийын. Варарак, 1865 ийыште, Россий империйыште Александр I почмо тӧнеж-влак негызеш Россий иперийын корно кыл шотышто инистерствыже шочын[1][5].

Транспорт сферын да профессионал пайремын кӱлешлыкше

Статистикылан келшышын, 2020 ийыште Россий экономикын 400 утла ыштенлукшо да ыштенлукдымо отрасльже-влак транспорт кышкарын пашаж дене чак кылдалтын. Транспорт аланыште 2020 ийлан 4 миллион утла еҥ тыршен[8], нуно ты пайрем кечым увертарымеке, шке профессий пайремыштым пайремлат[4][9]. Тиде кечын пайремым палемдыше-влак коклаште корно озанлык пашаеҥ, эҥер да теҥыз судно пашаеҥ, кӱртньыгорно транспорт да метрополитен пашаеҥ, юж транспорт пашаеҥ, автомобиль транспорт пашаеҥ-влак, тыгак чыла отрасльлаште пашам ыштыше полышкалыше персонал-влак улыт[1].

Оҥай факт

Россий пайремым увертарыме ийын Россий банк транспорт отрасльысе пашаеҥ-влак лӱмеш «Транспорт сферын пашаеҥже» шарныктыше оксам луктын[10][11].

Окса «Человек труда» серий дене лектын, 10 теҥгеаш номинал лийын, тиражше — 1 млн[10]. Окса нумизмат коллекцийын номерже дене шергакан.

Ондак Россий банк тыгак лӱмгече вашеш оксам луктеден — «Транссибирь магистральлан — 100 ий», «Бамым чоҥаш тӱҥалмылан — 40 ий» да молат[10][12].

Палемдымаш

  1. ↑ 1 2 3 4 20 ноября – главный профессиональный праздник транспортников (руш.). mintrans.gov.ru. Тергыме кече: 1 пургыж 2023.
  2. ↑ В России появится День работника транспорта (руш.). РБК. Тергыме кече: 1 пургыж 2023.
  3. ↑ Приказ Министерства транспорта Российской Федерации от 10.08.2020 № 300 "Об установлении профессионального праздника - Дня работника транспорта". Официальный портал правовой информации РФ (7 идым 2020). Тергыме кече: 20 кылме 2023.
  4. ↑ 1 2 В России появился новый праздник – День работника транспорта (неопр.). ФКУ «Росдормониторинг» (5 сорла 2020). Тергыме кече: 1 пургыж 2023.
  5. ↑ 1 2 В России отмечается День работника транспорта. www.vzsar.ru. Тергыме кече: 1 пургыж 2023.
  6. ↑ 1 2 РЖД Транспортная безопасность. Награждение сотрудников. rzd-tb.ru. Тергыме кече: 1 пургыж 2023.
  7. ↑ День работника транспорта отмечается 20 ноября | Королёв - последние новости. in-korolev.ru. Тергыме кече: 1 пургыж 2023.
  8. ↑ 20 ноября - День работника транспорта (руш.). rudnya-tribuna.ru. Тергыме кече: 1 пургыж 2023.
  9. ↑ В России отмечается день работника транспорта (неопр.). Газета «Караван Ярмарка» (20 кылме 2022). Тергыме кече: 1 пургыж 2023.
  10. ↑ 1 2 3 Выпущена в обращение памятная монета «Работник транспортной сферы» (руш.). mintrans.gov.ru. Тергыме кече: 1 пургыж 2023.
  11. ↑ Работник транспортной сферы | Банк России. www.cbr.ru. Тергыме кече: 1 пургыж 2023.
  12. ↑ Серебро Ивана Грозного и монеты Римской империи. Где найти коллекционные артефакты в Москве (руш.). Ведомости.Город. Тергыме кече: 1 пургыж 2023.
"https://mhr.ruwiki.ru/w/index.php?title=Транспорт_пашаеҥын_кечыже&oldid=1150449" гыч налме