Россий Федерацийысе прокуратур пашаеҥын кечыже

«Россий Федерацийысе прокуратур пашаеҥын кечыже»
«Россий Федерацийысе прокуратур пашаеҥын кечыже»
Тӱрлылык	профессионал пайрем
Ышталтын	Россий Федерацийын Президентше Борис Ельцин
Палемдат	Россий
Кече	29.12.1995
Пайремлымаш	12 шорыкйол, ий еда
Кылдалтын	Пӧтр I-ын указше

Пӧтр I-ын генерал-прокурорын должность нерген указше 27 апрельыште (8 майыште) 1722 ий

Прокуратур пашаеҥын кечыже — прокуратурышто служитлыше да пашаеҥ-влакын профессий пайремышт — ий еда 12 январьыште палемдалтеш^[1].

«Россий Федерацийысе прокуратур пашаеҥже-влакын кечыштын» историйже

Ягужинский П. И. — Российын икымше генпрокуроржо

«Россий Федерацийысе прокуратур пашаеҥ-влакын кечышт» Российыште 1996 ий гыч Россий Федерацийын Президентше Б. Н. Ельцинын 1995 ий 29 декабрьысе 795-ше №-ан «Россий Федерацийысе прокуратур пашаеҥже-влакын кечыштым палемдыме нерген» кӱштыкшӧ дене келшышын палемдалтеш.

«Россий прокуратурысо пашаеҥ-влакын кечыштым» палемдыме кечым россий кугыжанышым вуйлатыше тыглай ойырен огыл. 1722 ий 12 (23) январьыште Россий империйын императоржо Петр Великийын^[2] лӱмжӧ дене Правительство сенатыште икымше гана генерал-прокурорын постшым тӧнежлыме, тыге россий прокуратурын институтшо шочын^[3].

2007 ийыште РФ президент Владимир Путин Россий генпрокуратылан шке серышыштыже ведомствын 285-ше ий теммыж лӱмеш тыге возен:

...тендан ведомство кугыжанышын ӱшанле эҥертышыже улеш, тӧртык ден права шотын принципше-влакым чоткыдын арала. Прокурор корпусын эн сай представительже-влак эреак кугу компетенций дене ойыртемалтыт, службо порыслан да илыш шот-радамлан ӱшанле улыт.
Шерге: прокуратур пашаеҥ-влакын тенийысе тукымжат профессий йӱлам переген ашна да шукемден толеш. Тендан тыршымашда да радамлын илымыда деч шуко шотышто шога элысе граждан-влакын тӧртыкысӧ праважым ден илышыжым аралымаш, россий кугыжанышын татулыкшо, осал паша да коррупций ваштареш кучедалмашын пайдалыкше^[4].

Тиде ой элнан кызытсе илышыштыже прокурор пашаеҥ-влакын верыштлан раш акым пуа.

«Прокуратур пашаеҥ кече» моло эллаште

Беларусь: Прокуратур пашаеҥ-влакын кечышт республикыште ий еда 26 июньышто палемдалтеш.

Украина: Прокуратур пашаеҥ-влакын кечышт ий еда 1 декабрьыште палемдалтеш.

Палемдымаш

↑ Указ Президента РФ от 29.12.1995 № 1329 «Об установлении Дня работника прокуратуры Российской Федерации» / КонсультантПлюс.
↑ ПСЗРИ. № 3877.
↑ [www.calend.ru/holidays/0/0/3/ День работника прокуратуры РФ — 12 января. История и особенности праздника в проекте Календарь Праздников 2010].
↑ День работников прокуратуры Российской Федерации — 12 января — Правительство Курганской области Архивысе копий 17 пургыж 2010 гыч.^{[важыште уке]}

Тыгак ончо

Кылвер-влак

[1] Указ Президента РФ от 29.12.1995 № 1329 «Об установлении Дня работника прокуратуры Российской Федерации» / КонсультантПлюс.

[2] ПСЗРИ. № 3877.

[3] [www.calend.ru/holidays/0/0/3/ День работника прокуратуры РФ — 12 января. История и особенности праздника в проекте Календарь Праздников 2010].

[4] День работников прокуратуры Российской Федерации — 12 января — Правительство Курганской области Архивысе копий 17 пургыж 2010 гыч.^{[важыште уке]}

[1]

[2]

[3]

[4]