Изобретательын да рационализаторын кечыже

«Изобретательын да рационализаторын кечыже»
Тӱрлылык	профессионал пайрем
Вес семын	«Шонен лукмын кечыже»
Палемдат	Россий
Пайремлымаш	ий еда, пеледыш тылзын пытартыш шуматкечыже
Йӱла	Эл вуйлатыше деч саламлымаш да кумылаҥдыш

«Изобретательын да рационализаторын кечыже» — Россий Федерацийыште ий еда, июньын пытартыш шуматкечын палемдыме шонен лукшын да пайдалын кучылташ йӧным ыштыше-влакын профессий пайремышт.

Историй

СССР Кӱшыл Советын Президиумын 1979 ий 24 январьысе кӱштыкше дене Совет Ушемыште тиде пайрем официал статусым налын да июнь тылзын пытартыш шуматкечынже пайремлыме «Всесоюзный день изобретателя и рационализатора» семын пеҥгыдемден.

Тунам Совет Социалист Республик-влак чыланат СССР административын ужашыже лийыныт, «Изобретатель ден рационализатор кечым» пырля палемденыт, но Совет Ушемын пужен ыштыме да шаланыме деч вара сӱрет весемын. Эрыкан лиймеке, южо ондаксе совет республик тиде пайремым вес кечыш кусарен, южышт тудын лӱмжым вашталтеныт, южышт тудым пайремлымым йӧршеш чареныт. Туге гынат, россий кучем тиде йӱла арален кодышашлык ман шотлен, да «Изобретатель ден рационализатор кече» июньын пытартыш шуматкечынже палемдалтеш. Тиде кечын ондакысе семынак Россий шанче академийын (РАН) лӱмын ыштыме комиссийже утларак чолга пашаеҥ-влаын лӱмыштым «Россий Федерацийын сулло изобретательже» да «Россий Федерацийын сулло рационализаторжо» чаплӱм дене палемдаш темла.

Тыгак, июньын пытартыш шуматкечынже «Изобретательын да рационализаторын кечыштым» Беларусь Республикыштат палемдат.

Тыгак ончо

• Шонен лукшо да шот-радам дене кучылтшо еҥын кечыже

Палемдымаш