Торгайыше пашаеҥын кечыже
| Торгайыше пашаеҥын кечыже | |
|---|---|
 Кочкыш йӧрвар кевытын торгайышыже | |
| Тӱрлылык | Профессионал |
| Ышталтын | 2013 ий 17 майыште |
| Палемдат | ий еда |
| Кече | сӱрем тылзын нылымше шуматкечыже |
| Кылдалтын | торгайымаш дене |
Торгайыше пашаеҥын кечыже — торгайыме аланысе пашаеҥ-влакын ий еда сӱрем тылзын нылымше шуматкечынже палемдыме пайремышт.
Пайремын тӱҥ шонымашыже — торгайыше пашаеҥ-влакын суапыштым шотлымаш, нунын профессионал пашаштлан тауштымаш, кугыжанышын экономикыжлан торгайымашын кӱлешан улмыжым ончыктымаш.
Пайрем историй
Торгайыше пашаеҥын кечыжым икымше гана СССР Кӱшыл Каҥаш Президиумын кӱштыкшӧ дене 1966 ийыште палемдыме[1]. Тунам тудым июльын нылымше рушарнянже пайремленыт[2].
1988 ий 1 ноябрьыште у кӱштык лектын, тудын дене келшышын торгайыше пашаеҥ-влакын кечыштым коммунал-илем озанлык да илышйӧным тӧрлышӧ пашаеҥ-влакын кечышт дене иктеш ыштеныт[3]. Тыге калыкын Торгайыше, илышйӧным асулымо да коммунал озанлык пашаеҥ-влакын кечышт шочын. Тудым ий еда март тылзын кумшо рушарнянже палемдаш пунчалыныт[4].
2013 ийыште Торгайыше, илышйӧн асулык кечым да Коммунал-илыме озанлык пашаеҥ-влакын кечыштым кок посна пайремыш савыреныт. Пайремын раш кечыже Россий президентын кӱштыкшӧ дене пеҥгыдемдалтын — тиде июльын нылымше шуматкечыже[5]. ЖКХ пашаеҥ-влакын да илышйӧн асулык кече-влаклан ончычсо кечымак — мартын кумшо рушарняжым — арален коденыт[6].
Йӱла
Торгайыше пашаеҥ-влак кечын тиде аланыште тыршыше-влак саламлымашым налыт — ужалыше, кассир, амалкалче, менеджер, сату пашаеҥ, консультант да моло специалист-влак. Тиде кечын ты аланысе пашаеҥ-влакын сай пашаштлан тауштат. Еҥ-влак торгайыме пашам ыштыше йолташ-влакышт дене вашлийыт. Лишыл еҥ-влакым саламлаш йыҥгыртат[7].
Торгайыме пашаеҥын кечыжым пайремлыме йӱлаш тыгак пайрем мероприятий ден ӱстел йыр чумыргымаш пурат, туштыжо торгайымаш, суаплык пашам шуктышо пашаеҥ-влак, нунын родо-тукымышт, йолташышт да лишыл еҥышт погынат.
Эн сай пашаеҥ-влаклан чап грамотым, таумут серышым, пӧлекым кучыктат. Организаций-влак премий дене суапландарат, корпоратив-влак эртаралтыт[8].
Пайрем СНГ-се моло элыштат палемдалтеш[9].
Кылдалтше пайрем-влак
Майын кокымшо шуматкечынже Чын торгайымашын Тӱнямбал кечыжым палемдат (англ. World Fair Trade Day)[10].
15 март — Потребитель-влакын праваштым аралыме Тӱнямбал кече (англ. World Consumer Rights Day), ООН тӧнежлен.
Историй факт
- Кокла курымлаште торгайыме пашам тӱҥ шотышто пӧръеҥ-влак виктареныт, но тачысе тӱняште шуко отрасльын специалистшылан ӱдырамаш-влак шотлалтыт.
- Акрет Русьын тӱҥ торгайыме корныжо «Варяг тӱшка гыч грекыш» маналтын[11]. Славян-влак янлык да вольык коваштым, мӱйым ужаленыт да куэмым, яндам да шергакан кӱым налыныт.
- XVII курым тӱҥалме деч ончыч Москошто Йошкар площадьым Торг маныныт — тиде кумдан палыме ужалыме-налме вер лийын[12].
- 1893 ий декабрьыште Йошкар площадьыште Кӱшыл торгайыме радам (ГУМ) — Европын ик эн кугу пассажше, вес семынже леведышан торгайыме урем — почылтын[13].
Палемдымаш
- ↑ 22 июля — День работника торговли в России: когда отмечается и кто празднует. «МИЦ «Известия» (21 сӱрем 2023). Тергыме кече: 25 пеледыш 2024.
- ↑ День работника торговли. Федеральная служба государственной статистики. Тергыме кече: 25 пеледыш 2024.
- ↑ День работника торговли в России. ТАСС (22 сӱрем 2023). Тергыме кече: 25 пеледыш 2024.
- ↑ Указ Президиума ВС СССР от 01.11.1988 О внесении изменений в Законодательство СССР о праздничных и памятных днях. Портал "Сейчас.ру". Тергыме кече: 25 пеледыш 2024.
- ↑ Указ Президента РФ от 7 мая 2013 г. N 459 "О Дне работника торговли". Информационно-правовой портал "ГАРАНТ.РУ" (20 ага 2013). Тергыме кече: 25 пеледыш 2024.
- ↑ О празднике "День работников торговли, бытового обслуживания населения и жилищно-коммунального хозяйства". Министерство труда и социальной защиты Российской Федерации (27 ӱярня 2020). Тергыме кече: 25 пеледыш 2024.
- ↑ 22 июля — День работника торговли. Информационный центр "Вольская жизнь" (22 сӱрем 2023). Тергыме кече: 25 пеледыш 2024.
- ↑ Департамент экономического развития Курганской области. Департамент информационных технологий и цифрового развития Курганской области. Тергыме кече: 25 пеледыш 2024.
- ↑ День работников торговли. ГУ "Республиканская научно-техническая библиотека". Тергыме кече: 25 пеледыш 2024.
- ↑ Ульяна Светачева. День работников торговли в 2024 году: история и традиции праздника. Комсомольская правда. Тергыме кече: 25 пеледыш 2024.
- ↑ Татьяна Григорьева. Кто инициировал путь "из варяг в греки"? Портал «Культура.РФ». Тергыме кече: 25 пеледыш 2024.
- ↑ Красная площадь. История. История Москвы. Тергыме кече: 25 пеледыш 2024.
- ↑ История ГУМа. ГУМ. Тергыме кече: 25 пеледыш 2024.