Офицерын кечыже
| Офицерын кечыже | |
|---|---|
 | |
| Ышталтын | 2019 ийыште |
| Палемдат | ий еда |
| Кече | 21 сорла |
Офицерын кечыже — элын пӱтынь вий кышкарын команде радамыште улшо-влак лӱмеш, 21 августышто палемдыме паша пайрем. Пайремым кугыжаныш тӧртык дене пеҥгыдемдыме огыл, кугыжаныш пайремлан ок шотлалт[1], но пашам ыштыше да отставкыште улшо офицер-влак кумдан палемдат.
Историй
Офицер чаплӱм Российыште икымше гана XVII курымышто, Пётр I вуйлатымыж годым лектын. Иван Бутурлиным икымше офицерлан шотлат — тыгай лӱмым тудо 1687 ийыште налын. Тудын лӱмжӧ Преображен полкын команде радамыштыже эн тошто кагазыште сералтын, ты полк Семёновысе полк дене пырля руш офицер корпусын шепкажлан шотлалтеш[2]. Ондак тушко дворян тукым гыч гына логалын кертыныт. Варажым лӱмлӧ тукым гыч лекме ойыртем тӱҥ негыз лиймым чарнен, мутлан, XIX курым мучаште Шочмо Эл ончылно суапым шуктымо утларак аклалтын[3].
Кызытсе пайрем «Российын офицерже-влак» мер организацийын темлымыжлан кӧра шочын. Тудын ӱшанъеҥже-влак 21 августышто, Россий Федерацийын кугыжаныш флаг кече деч ончыч, палемдаш темленыт. Тылеч посна 1943 ий 21 августышто СССР Калык Комиссар-влак Советын суворов училищым ыштыме нерген пунчалым пеҥгыдемден, туштыжо ончыкылык офицер-влак чаплӱмыш икымше ошкылым ыштат.
«Российын офицерже-влак» президиумын председательже, Российын Геройжо Сергей Липовой, пайремлан официал статусым пуымо пашам шотаҥдараш палемдыме ман каласен[4]:
Кызытсе жапыште Офицерын кечыже да Сӧйын ветеранже — калык пайрем, мемнан пашана темлымашым сайлан шотлаш, йодышым умбакыже вӱдаш, тек ончыкыжым ме нине кече-влакым кугыжаныш кӱкшытыштӧ палемдаш тӱҥалына.
Офицерын чап кодексше
Паша порыс деч посна чаплӱм офицер-шамычым эре икояным ыштен (чапын кодексше), тиде умылымаш шкем шот дене кучымо (мораль), парым, лӱмнер, чынлык умылымаш-влакым иктеш ушен[5]. Офицер-влак кодексын йӱлажым пудыртен, пырля служышо-влакын пагалымашыштым йомдарат гын, угыч нунын пагалымашыштым пӧртылташ путырак йӧсӧ лиеш[6].
Пайремлымаш
Офицерын кечыж годым гарнизон да Тӱвыра культур пӧртлаште пайрем концертым эртарат, служымо порысым шуктымо годым колышо-влакым шарнен, чапкӱ да мемориал деке пеледышым пыштат. Пашам ыштыше, канышыште улшо офицер-влакым, пырля пашам ыштыше-влак, родо-тукымжо, лишыл еҥышт саламлат да служитлымыштлан тауштат[7].
Тыгак ончо
Палемдымаш
- ↑ День офицера России 2024: когда отмечают, история и традиции праздника, 2024-08-09, <https://ren.tv/longread/1013599-den-ofitsera-rossii-2023-data-istoriia-i-traditsii-prazdnika>. Тергыме: 21 сорла 2024.
- ↑ 21 августа — День офицера России: история, традиции, поздравления, 2024-08-20, <https://iz.ru/1745296/2024-08-20/21-avgusta-den-ofitcera-rossii-istoriia-traditcii-pozdravleniia>. Тергыме: 21 сорла 2024.
- ↑ Романова, Евгения (2024-08-21), День офицера — 21 августа: история, традиции и идеи для поздравлений, <https://www.5-tv.ru/news/491922/den-oficera-21avgusta-istoria-tradicii-iidei-dla-pozdravlenij/>. Тергыме: 21 сорла 2024.
- ↑ Круглый стол «День офицера и День ветеранов боевых действий» - ОФИЦЕРЫ РОССИИ, 2019-12-23, <https://www.oficery.ru/2019/12/23/kruglyj-stol-den-oficzera-i-den-veteranov-boevyh-dejstvij-2/>. Тергыме: 21 сорла 2024.
- ↑ День офицера России 2024: какого числа, история и традиции праздника, <https://www.kp.ru/family/prazdniki/den-ofitsera-rossii/>. Тергыме: 21 сорла 2024.
- ↑ «Честь офицера» не просто слова!, <https://89.mchs.gov.ru/deyatelnost/press-centr/novosti/5086631>. Тергыме: 26 сорла 2024.
- ↑ День офицера России 2024: какого числа, история и традиции праздника, <https://www.kp.ru/family/prazdniki/den-ofitsera-rossii/>. Тергыме: 21 сорла 2024.