ЗАГС органласе пашаеҥ-влакын кечышт

ЗАГС органласе пашаеҥ-влакын кечышт
ЗАГС органласе пашаеҥ-влакын кечышт
Палемдат	18 декабрь
Кече	1917 ий 18 декабрьыште
Кылдалтын	«Граждан мужыраҥме, икшыве-влак да илыш-йӱла акт книга-влакым вӱдымӧ нерген» декрет дене

ЗАГС органласе пашаеҥ-влакын кечышт (руш. День работников органов ЗАГСа) — айдемын граждан-правасе статусшым кагазеш пеҥгыдемдыше пашаеҥ-влакын идалыклан ик гана эртыше паша пайремышт. 18 декабрьыште палемдалтеш.

Эртымгорно

Октябрь революций деч ончыч айдемын илыш-йӱла актыштым серыме пашам черке-влак шуктеныт. Черкыеҥ шке калыкшым менчатлен, тынеш пуртен да колымекыже мурен ужатен, тидын нерген черкысе метрике книгаште серен шоген.

Метрике книга

1917 ий 18 декабрьыште РСФСР-ысе Калык комиссар-влакын каҥашышт (руш.) (мар. «Граждан мужыраҥме, икшыве-влак да илыш-йӱла акт книга-влакым вӱдымӧ нерген» декретым пеҥгыдемден, тудын почеш граждан-влак мужыраҥмым да икшывын шочмыжым серыкташ оласе, район, уезд але волостьысе земстве виктер пеленсе мужыраҥме да шочмо нерген возымо пӧлкаш мийышаш улмаш. Туштак административ да суд кучемлашкат йодмашым налыныт, тыгак колышым ончышо граждан-влакланат колымыж нерген актым возашлан туш мийыман улмаш.

Декретым пеҥгыдемдымеке, Москошто 8 ЗАГС пӧлка почылтын. 1918 ийын икымше пелыже граждан илыш-йӱла актыштым серыктымаште черке формо гыч свет йӧныш куснымо жап лийын^[1].

Кызытсе Российыште еш кӧргысӧ кыл 1995 ий 8 декабрьыште Кугыжаныш Думын пеҥгыдемдыме «РФ-н Еш кодексше» почеш сералтеш^[2]^[3].

2018 ий 1 октябрь гыч ЗАГС-ын чыла архивше Федерал увер кышкар дене ушалтын^[4].

Кажне ийын, ЗАГС орган-влакын пайрем кечынже, нине тӧнеж-влакын вуйлатышышт пашаеҥ-влакым пайрем ӱстел йыр погат, ойыртемалтше пашаеҥ-влакым чаптанык дене але оксадар дене палемдат^[5].

Пайрем официаллан огеш шотлалт.

2018 ийысе шотлымаш почеш, Москошто 41 ЗАГС орган пашам ышта: 34 ЗАГС пӧлка, 6 мужыраҥме полат да архив-увер пӧлка. ЗАГС орган-влак еҥ-влакын шым тӱрлӧ илыш-йӱла актым серат: шочмашым, мужыраҥмым, мужыр лиймым кӱрлмым, ача улмым пеҥгыдемдымаш, икшывым ончаш налмым, лӱмым вашталтымым да колымым^[1].

Палемдымаш

↑ ¹ ² 18 декабря в России отмечается День образования органов ЗАГС (неопр.). Сайт Москвы (18 теле 2018). Тергыме кече: 25 сорла 2025.
↑ 18 декабря сотрудники органов ЗАГС отмечают свой профессиональный праздник — День работников органов ЗАГС (неопр.). Администрация Некоузского муниципального района (17 теле 2018). Тергыме кече: 25 сорла 2025.
↑ Какой сегодня праздник. 18 декабря - День работника органов ЗАГСа (неопр.). Российская газета (18 теле 2021). Тергыме кече: 25 сорла 2025.
↑ День работников органов ЗАГСа — 2022: история и традиции праздника (неопр.). Известия (17 теле 2022). Тергыме кече: 25 сорла 2025.
↑ 19 сотрудников органов ЗАГС Нижегородской области получили награды в свой профессиональный праздник (неопр.). Официальный сайт Правительства Нижегородской области (18 теле 2023). Тергыме кече: 25 сорла 2025.

Кылвер-влак

18 декабря — День работников органов записи актов гражданского состояния (руш.). admmegion.ru.
Все начинается с ЗАГСа… Органам записи актов гражданского состояния России исполнилось 105 лет (руш.). sovetskaya-adygeya.ru.

[:0-1] ¹ ² 18 декабря в России отмечается День образования органов ЗАГС (неопр.). Сайт Москвы (18 теле 2018). Тергыме кече: 25 сорла 2025.

[2] 18 декабря сотрудники органов ЗАГС отмечают свой профессиональный праздник — День работников органов ЗАГС (неопр.). Администрация Некоузского муниципального района (17 теле 2018). Тергыме кече: 25 сорла 2025.

[3] Какой сегодня праздник. 18 декабря - День работника органов ЗАГСа (неопр.). Российская газета (18 теле 2021). Тергыме кече: 25 сорла 2025.

[4] День работников органов ЗАГСа — 2022: история и традиции праздника (неопр.). Известия (17 теле 2022). Тергыме кече: 25 сорла 2025.

[5] 19 сотрудников органов ЗАГС Нижегородской области получили награды в свой профессиональный праздник (неопр.). Официальный сайт Правительства Нижегородской области (18 теле 2023). Тергыме кече: 25 сорла 2025.

[1]

[2]

[3]

[4]

[5]