Саргуралзын кечыже
| Саргуралзын кечыже | |
|---|---|
 | |
| Ышталтын | 2011 ий 3 декабрьыште |
| Палемдат | ий еда 19 сентябрьыште |
Саргуралзын кечыже — Российысе обороно йӧнозанлыкыште тыршыше пашаеҥ-влакын профессионал пайремышт. Россий Федераций президентын 2011 ий 3 декабрьыште лекше 1578-ше №-ан «Саргуралзын кечыжым ыштыме нерген» кӱштыкшӧ дене пеҥгыдемдыме.
2012 ий гыч тӱҥалын, ий еда 19 сентябрьыште палемдалтеш. Пайрем кечым православий черкын сарзе-влакын кавасе аралышыже Михаил архангеллан вуйсавыме кечым шотыш налын, ойыреныт.
Пайрем историй
Саргурал пашан мастарже-влакын профессионал пайрем кечыштым тыглай ойырен налме огыл: 19 сентябрьыште православий еҥ-влак Михаил архангелын кечыжым палемдат, тудо саргуралым ыштыше-влакын аралышыжлан шотлалтеш. Профессионал пайремым эртарышаш кечым палемдыме годым «Москосо Кремль» тоштер комплекс] моско Кремльысе саргурал палатын пашаж нерген историй справкым ямдылен пуэн. Палатын почылтмо кечыже раш пале огыл. «Саргурал» лӱмым икымше гана ушештарыме документ кагаз 1508 ийысе улеш, тыге маныныт саргуралым ыштыше, налше, аралыше, ачалыше еҥым — тыге пайрем тылзе раш палемдалтын[1].
Саргуралзын кечыже пеш самырык, тудым 2010 ийыште негызленыт. Профессионал пайремым палемдаш Ижевскысе, Ковровысо, Тулысо Климовскысо саргуралзе-влак шкеак темленыт. 2010 ий майыште премьер-министр В. В. Путин «Ижмашыш» паша визит дене миен, саргуралым ыштен лукшо цех-влакын пашашт дене, пашаеҥже-влак дене палыме лийын да Россий машиностроитель-влак ушемын еҥже, кумдан палыме конструктор Михаил Тимофеевич Калашников дене вашлийын. М. Калашников элын саргуралым ыштен лукшо кугу ешыж лӱм дене Саргуралзын кечыжым палемдаш кӱлмӧ нерген тыланымашым ойлен, ӱшандарыме ойжо тыгай лийын: тиде кечын элын тӱрлӧ кундемласе саргуралзыже-влак вашлийын мутланат, моштымашышт дене пайлалт, вашкылым кучат[2]. Вараже рашемын, Россий Федерацийын Правительствышкыже тиде темлымаш дене Россий саргурал ушем вуйлатыше-влак ондак лектыныт улмаш. Обороно да йӧнозанлык кышкарысе чыла пашаеҥын, ачамланде саргуралым ыштен лукшо пашазе-влакын, саргурал пашам вияҥдыме да руш саргуралын йӱлажым шымлыме историй дене кылдалтше чыла пашаеҥын профессионал пайремым Россий Федераций президент Д. Медведевын 2011 ий 3 декабрьысе «Саргурал кечым палемдыме нерген нерген» кӱштыкшӧ дене тӧнежлыме[3].
Российысе Саргуралзе кечын кӱлешлыкшым Россий Федераций президентше Д. А. Медведевын кӱштыкыштыжо палемдыме:
Кугыжанышын эрыкшым аралаш йӧным ыштымаште саргуралзе-влакын надырыштым пагален аклымаш
Пайремым эртарыме тӱҥ шонымаш-влак: уста самырык еҥ-влакым саргурал пашашке ушымаш, тиде сферыште вияҥме у корным кычалмаш да илышыш пуртымаш, саргуралын утралак виян йӧнжым кычал ямдылымаш. Ий еда 19 сентябрьыште профессионал пайрем дене саламлымашым саргыралым ышташ ямдылыше, конструктор, инженер-саргуралче-влак, тыгак руш сарзе арсеналын саргурал пашажым да йӱлажым шымлыше историк-влак налыт. Тиде кечын митинг, концерт, пайрем таҥошкылмаш да профиль вашлиймаш-влак эртат[1].
Палемдымаш
- ↑ 1 2 День оружейника в России, 20190919T0455, <https://ria.ru/20190919/1558763126.html?ysclid=lygx0wq49n501399788>. Тергыме: 11 сӱрем 2024.
- ↑ Мастера оружейных дел. Самые известные отечественные конструкторы стрелкового оружия - ТАСС, <https://tass.ru/armiya-i-opk/9490409?ysclid=ly8k6begtt57186022>. Тергыме: 11 сӱрем 2024.
- ↑ Указ Президента Российской Федерации от 03.12.2011 г. № 1578, <http://www.kremlin.ru/acts/bank/34357>. Тергыме: 11 сӱрем 2024.
Литератур
- Дегтярев М. Дню оружейника — быть! // Журнал «Калашников». — 2012. — № 1. — С. 8—9.
Кылвер-влак
- [www.calend.ru/holidays/0/0/2966/ Статья «День оружейника в России»] на calend.ru