Россий Федерацийысе калыкле гвардий войскан ведомствыдыме оролжын кечыже
| Ведомствыдыме оролын кечыже | |
|---|---|
| Тӱрлылык | Ведомствыдыме оролын службыжым ыштыме кече |
| Вес семын | Ведомствыдыме оролымашын кечыже |
| Палемдат | Россий Федераций |
| Кече | 29 Шыжа |
| Пайремлымаш | 29 шыжа |
| Йӱла | Пайрем кечын ойыртемалтше пашаеҥ ден подразделений-влакым палемдымаш |
| Кылдалтын | Совет Ушем Министр-влакын Каҥашыже «Промышленностьышто, чоҥымаште да моло калык озанлыклаште оролыше пашаеҥ-влакым кучылтмаш да министерство ден ведомство-влакын озанлыкыштым оролыме пашам саемден виктарен колтымо шотышто». |
Россий Федерацийысе калыкле гвардий войскан ведомствыдыме оролжын кечыже — Россий Федерацийысе калыкле гвардий войскан структур подразделенийже-влакын профессий пайремышт, кудышт поснак кӱлешан да режиман объект-влакын погыштым, посна айдемын да юридический лицан поянлыкыштым кутырен келшыме почеш (договор почеш) оролат, тыгак мер шотым оралымаште, преступленийым чарыме да административ правам пудыртылмым эскерымаште, шуктен толмаште мутым кучышо-влакын пайремышт. Российыште ий еда, 29 октябрьыште палемдалтеш[1].
Историй ден пайрем
1952 ий 29 октябрьыште Совет Ушем Министр-влакын Каҥашыже «Промышленностьышто, чоҥымаште да моло калык озанлыклаште оролыше пашаеҥ-влакым кучылтмаш да министерство ден ведомство-влакын озанлыкыштым оролыме пашам саемден виктарен колтымо шотышто» пунчалым луктын. Тиде пунчалым лукмо кече совет Российыште ведомствыш пурыдымо оролын шочмо кечыже лийын. Тиде кече ты аланысе чыла пашаеҥ-влаклан пайрем кечыш савырнен, варажым профессионал пайрем семын йӱлаш пурен[2].
Пайрем офицал статусшо уке гынат, РФ МВД вуйлатыше-влак ведомствыдыме орол-влак подразделений пашаеҥ-влакым ты кечын саламлаш огыт мондо[3]. Тиде пайрем деч россий политик-влакат ӧрдыжеш огыт код, тидлан ӧршаш уке: вет ты кышкарыште ятыр тӱжем пашаеҥ-влак сайлыше улыт. Тыге Муртаза Губайдуллович Рахимов ведомствыш пурышо оролыме пашаче ден ветеран-влакым тыге саламлен:
Тендан кышкардам оролымо у йӧн да арвер дене улаҥдарыме, кӱлеш транспорт, курал да лӱмын лукмо йӧн дене пойдаралтын. Тиде МВД-ын моло подразделенийышт дене кылым чак кучымаште да правам аралыше орган-влакын преступлений ваштареш чолган шогаш, граждан-влакын илышыштлан лӱдыкшыдымӧ йӧным ышташ полша. Те права шотым да мер лӱдыкшыдымылыкым пеҥгыдемдымашке сай надырым пыштеда.
Тендан кажне кечын тыршен шуктымо пашаланда ак — еҥ-влакын ӱшанышт да моктымышт, нуно тендан поро пашадам кӱкшын аклат. Ӱшанем, те ончыкыжымат ончыланда шогалтыме задачым честь дене шукташ тӱҥалыда[4].
Башкир ончылъеҥын мутшым Россий МВД-ын Архангельскысе филиалын «Оролымаш» ФГУП-ын директоржо Михаил Хомин пеҥгыдемда, тудо 2009 ий 27 ноябрьысе Архангельск кундемысе журналист-влак дене «Ведоствыдыме орол-влакын кечышт» вашеш вашлиймаште каласен: 13 ий жапыште ведомствыш пурыдымо орол-влакын аралыме ик пачерымат аген огытыл. Ту пресс-конференцийыштак Архангельск УВД пелен УВО вуйлатыше тугай случай нерген каласкален, кунам ведомствыш пурышо охранын пашаеҥже-влак правонарушенийым чарен шогалтеныт, кеч преступленийын жертвыже-влак нунын клиентышт лийын огыл да нунын суаплыкыштлан окса тӱлалтын огыл. ОВО-ын тӱҥ обязанностьыштым ончыде, шагал еҥже пала: 1993 ий гыч кызыт марте (Российыште жапыште), калыкле гвардийын ОВО войскаже йӱдым мер шотым аралымаште писын полышым пуышо тӱҥ подразделений улеш, нуно мер илыш шотым йӱд оролымаш верч мутым кучат.
Палемдымаш
- ↑ [www.calend.ru/holidays/0/0/755/ День работников службы вневедомственной охраны МВД — 29 октября. История и особенности праздника в проекте Календарь Праздников 2010]
- ↑ День ВОХР (службы вневедомственной охраны МВД) — 29 октября 2010 — это поздравления, подарки, открытки, картинки, стихи и сценарии празднования… Архивная копия от 26 шыжа 2009 на Wayback Machine
- ↑ Замминистра внутренних дел поздравил сотрудников вневедомственной охраны с их профессиональным праздником : Псковская Лента Новостей / ПЛН
- ↑ Службе вневедомственной охраны МВД России — 55 лет — БАШИНФОРМ.ru — новостная лента Башкортостана
Тыгак ончо
- Кӱртньыгорно транспорт ведомствын оролжын кечыже
Кылвер-влак
- [www.calend.ru/holidays/0/0/755/ День работников службы вневедомственной охраны МВД]
- День ВОХР (службы вневедомственной охраны МВД)
- ВОХР берет под защиту квартиры и автомобили