Чумыр российысе книгагудын кечыже
| Чумыр российысе книгагудын кечыже | |
|---|---|
 | |
| Вес семын | Книгагудын кечыже, Книгагудызын кечыже |
| Ыҥ | Тӱвырам, шанчым да просвещенийым вияҥдымаште книгагудын надыржым, тыгак илышыште тудын рольжым палемдаш |
| Ышталтын | Россий Федераций президент Б. Н. Ельцинын 1995 ий 27-ше майысе кӱштыкшӧ дене |
| Ыштыше | В. Н. Зайцев — Российысе книгагудо ушемын президентше, Российысе калыкле книгагудын директоржо |
| Кече | 27 ага |
| Кылдалтын | Российыште чылалан пайдаланаш лийме икымше кугыжаныш книгагудым — Императорский публичный книгагудым — негызлыме дене |
 РУВИКИ.Медиаште медиафайл-влак | |
Чумыр российысе книгагудын кечыже — российысе книгагудо пашаеҥ-влакын пайремышт. Ий еда 27 майыште палемдалтеш[1].
Пайремын ик кӱлешан задачыже — тӱвырам, шанчым да просвещенийым вияҥдымашке книгагудын надыржым палемдаш, тыгак мер илышыште тудын тӱҥ вержым шарныкташ.
Саламлымашым книгагудын чыла пашаеҥже, книга эксперт да литератур критике-влак налыт[2].
Пайрем историй
Официальнын пайрем, кугыжаныш кӱкшытыштӧ, Российысе калыкле книгагудын директоржо, Россий книгагудо ассоциацийын президентше Владимир Николаевич Зайцевын темлымыж дене Россий Федераций президент Борис Николаевич Ельцинын кӱштыкшӧ дене увертаралтын[3].
Чумыр российысе книгагудын кечыжым палемдыме нерген» 539-ше №-ан кӱштыкыштӧ палемдыме:
«...ачамланде просвещенийым, шанчым да тӱвырам вияҥдымаште россий книгагудын надырже кугу да умбакыжат мер илышыште нунын верыштым нӧлтен шогаш кӱлеш…».
Туштак умылтаралтеш: Чумыр российысе книгагудо кечылан молан лач 27 майым ойырымо:
.jpg)
«... 27 майыште палемдаш, 1795 ийыште Российыште чылалан пайдаланаш лийме икымше кугыжаныш книгагудылан негызым пыштымым шотыш налын — Император публичный книгагудлан, кызыт Российысе калыкле книгагудо».
Россий Федераций виктерлан, Россий Федерацийын субъектше-влакын сомылшуктызо кучем органыштлан да верысе шкевиктем орган-влаклан президент Ельцин темлен:
«... Книгагудын кечыжым эртарыме кышкарыште Россий Федерацийыште илышйӧн-политике да историй-тӱвыра илышыште книган вержым нӧлтымашке, тыгак книгагудын вияҥмыж дене кылдалтше йодышым тӧрлымашке виктаралтшаш».
Мероприятий
Книгагудылаште, лудмо зал ден моло тунемме тӧнежыште тиде кечын еҥ-влакын илышыштышт у лудшо-влакым ушымашке да книган рольжым нӧлтымашке виктаралтше тӱрлӧ мероприятий эртаралтеш[4].
Пайрем Россий калыкле книгагудын Тӱҥ полатыштыже мутланымаш дене тӱҥалеш, тыште книгагудо пашаеҥ-влаклан грамотым, дипломым кучыктат.
Чумыр Российысе книгагудын кечыжым палемдымаш йӱла почеш Пашковын пӧртыштыжӧ, Российысе кугыжаныш книгагудышто эрта.
Кажне ийын талукын у темыже увертаралтеш. 2024 ийыште тыгай темым ойырен налме: «Книгагудысо еш – йӱлам аралена»[5].
Россий кугыжаныш книгагудышто 2024 ий 27 майыште самырык-влаклан «РГБМ верысе самоуправлений кече» лийын. Акцийын еҥже-влак лудшын билетшым возен онченыт, сайтлаште онлайн-консультант пашам шуктеныт, RFID-технологий дене пайдаланеныт (радиочастотная идентификация), книгагудо фондым шканышт почыныт, регистрацийыште, йот йылме, гуманитар да мер шанче, сылнымут да сымыктыш залыште, тыгак книгам аралыме да «Сем подвалыште» пашам ыштен онченыт. Книгагудо пашаеҥыш савырнаш 14 ий деч кугурак кажне кумылан еҥлан йӧн лийын. Лудшо билет кӱлын огыл, но ончылгоч регистрацийым эртен, анкетым возыман ыле.
Ятыр книгагудышто книга-иллюстраций ончер-влак эртат. Йоча книгагудо-влак лудшыштлан икмыняр мероприятийым темлат: шинчымашым нӧлтышӧ да театраҥдыме урокым да лекцийым, мастарлык классым эртарат да диафильмым ончаш темлат.
Оҥай факт-влак
- 1902 ийыште, Екатерина II Император публике книгагудым негызлымыж деч вара пел курым наре эртымеке, Кыргызстаныште чылалан книгам налын лудаш лийме книгагудо почылтын. Тиде тудо кечынак григорий календарь почеш — 27 майыште лийын.
- 2009 ийыште, тыгак 27 майыште, Санкт-Петербургышто Синодын полатыштыже Президент Б. Н. Ельцин лӱмеш книгагудым почмо, тыште кызыт эн ончыл цифр технологий кучылталтеш.
- Кыргыз Республик Виктерын 2008 ий 17 июньысо 308-ше №-ан пунчалже дене элыште тиде кечым Кыргыз книгагудо кече семын увертарыме да 2009 ий гыч тӱҥалын, Кыргыз ден Российысе книгагудо пашаеҥ-влак ты пайремым ик жапыштак палемдат.
Тыгак ончо
Палемдымаш
- ↑ День библиотекаря 2024: история и традиции праздника. Комсомольская правда. Тергыме кече: 27 ага 2024.
- ↑ 27 мая отмечают: Общероссийский день библиотек и День города Санкт-Петербурга. Сетевое издание «Саха Парламент» (27.05.24). Тергыме кече: 27 ага 2024.
- ↑ [1]. Владимир Николаевич Зайцев (1938—2010) // Российская национальная библиотека. Новости. 06.12.2016
- ↑ Павел Иванов. День библиотек и фестиваль сыра в Англии: какие праздники отмечают в России и мире 27 мая. Вечерняя Москва (27 ага 2024). Тергыме кече: 27 ага 2024.
- ↑ Общероссийский день библиотек отпразднуют награждением лучших библиотекарей, выставками, лекциями, мастер-классами и концертами. Министерство культуры Российской Федерации (Минкультуры России) (23 ага 2024). Тергыме кече: 27 ага 2024.