Сварщикын кечыже
| Сварщикын кечыже | |
|---|---|
 | |
| Тӱрлылык | Профессионал |
| Официал | официалдыме |
| Ышталтын | 1990 ийлаште |
| Палемдат | ий еда |
| Кече | ага тылзын пытартыш кугарняже |
Сварщикын кечыже — сварке дене кылдалтше специалист-влакын пайремышт. Российыште май тылзын пытартыш кугарняжын официально огыл пайремлалтеш. Раш кечыже уке, мер калык пайремым палемдыме йӱлам 1990 ийлаште илышыш шыҥдарен.
Историй
1802 ийыште руш шанчызе Василий Петров, кок электродым ушен, электричестве пӱгӧ умылымашым почын, температуржо С дене 8000° градусыш шуын, тиде кӱртньым левыкташ йӧным ыштен. 80 ий гыч кок руш шанчызе Н. Г. Славянов ден Н. Н. Бенардос иканаште гаяк кӱртньӧ ужаш-влакым молекуляр кӱкшытыштӧ вашталтен, электричестве пӱгӧ дене ушаш лийме йӧным почыныт[1].
Сварщик-влак икымше гана Санкт-Петербургышто XIX курым мучаште «Металлым электричество дене обрабатыватлыше руш ушемыш» тӱшкан чумыргеныт. Российыште сварщик-влак профессионал пайремыштым 1990 ийыште гына палемдаш тӱҥалыныт. Пайрем официальный огыл, садлан сварке дене специалист-влакын пашам ыштыме производствышто гына палемдат. Пайрем пашаче сварщик-влакым моторын саламлыме, тауштыме серышым, премийым да моло наградым пуымо дене сылне[2].
Оҥай факт
- Сварщиклан икымше чапкӱм 2009 ийыште Северск олаште Сибирьысе химий комбинат лабораторийын кудывечыштыже шогалтыме. Чапкӱ кӱртньӧ-бетон дене ыштыме[3].
- Сварщиклан чапкӱм тыгак Армавирыште, Калугыште, Изи Слудаште (Коми), Ростов-на-Донушто, Кривой Рогышто, Качыринбургышто, Бремерхафеныште (Германий), Хювинкяаште (Финляндий) шогылтыме[4].
- Сварщик профессийым налаш колледжым але профтехучилищым тунем пытараш кӱлеш. Туныктымо программе 2–3 ийым айла[5].
- Сварщик-влакын пашашт моткочак кӱлешан да эреак сайын тӱлалтеш. Но тазалыклан эҥгек ышталтме нергенат шарныман: пашаште шинчалан кугу нелылык да йӱлышӧ пуракым шӱлымӧ деч эреак аралалтман.
Тыгак ончо
Палемдымаш
- ↑ Лукин Михаил Анатольевич. Научно-технический уровень сварочного производства в современной России // Вестник Псковского государственного университета. Серия: Экономика. Право. Управление. — 2014. — № 4.
- ↑ День Сварщика отмечают сегодня в России. «Учебный Центр» ИТЦ ПТМ. Тергыме кече: 6 ага 2024.
- ↑ Ульяна Светачёва, День сварщика 2024: какого числа, история и традиции праздника, <https://www.kp.ru/family/prazdniki/den-svarshhika/>. Тергыме: 6 ага 2024.
- ↑ День сварщика. История и факты. Российский университет кооперации (27 ага 2022). Тергыме кече: 6 ага 2024.
- ↑ История и традиции празднования Дня сварщика в 2024 году. Оренбургское региональное телевидение. Тергыме кече: 6 ага 2024.