Атом йӧнозанлыкысе пашаеҥын кечыже
Атом йӧнозанлыкысе пашаеҥын кечыже — Россий Федерацийын атом промышленностьыштыжо тыршыше чыла пашаеҥын профессионал пайрем. Ий еда 28 сентябрьыште палемдалтеш.
Пайрем историй
«Атом йӧнозанлыкыште ыштыше пашаеҥ-влакын кечышт» пайремым Россий Федераций президентын В. В. Путинын 2005 ий 3 июньысо 633-шо №-ан «Атом йӧнозанлыкын пашаеҥын кечыже нерген» Кӱштыкше дене тӧнежлыме. Тиде указыште каласыме:
Профессионал пайремым — Атом промышленность пашаеҥын кечыжым — увертараш да тудым 28 сентябрьыште палемдаш[1].
Пайремлык кечым тыглай ойырымо огыл. Тиде кечын 1942 ий 28 сентябрьыште СССР Обороно кугыжаныш комитет «Уран пашам шотыш кондымо нерген» кӱштымашым луктын. Тушто ойлалтын:
СССР Шанче академийлан атом энергийым уранын ядрожым шырпештарыме йӧн дене кучылтмо шотышто шымлыме пашам уэш тӱҥалаш да уран бомбым але уран топливым ышташ лийме нерген докладым 1943 ий 1 апрельыште Кугыжаныш обороно комитетлан пуаш.
Тидым илышыш шыҥдарашлан кӱштымаште возалтын:
а) Шанче академий пелен лӱмын атом ядран лабораторийжым почаш... в) 1943 ий 1 апрель марте уранын томжым шырпештарыме лабораторийыште 235-ше №-ан уранын томжым шырпештараш лийме нерген шымлаш... 1942 ий 1 ноябрь марте СССР Iанче академийлан эре куатым луктын шогышо ик грамм радийым да лабораторийысе центрифугым ышташлан 30 грамм платиным пуаш[2].
Тыгеракын, 28 сентябрь кечым СССР да Российысе атом энергетикын чынак шочмо кечыже манаш лиеш.
Тыгак ончо
Палемдымаш
- ↑ Указ Президента РФ от 03.06.2005 г. № 633 «О Дне работника атомной промышленности» — ОАО Атомный страховой брокер. Дата обращения: 28 идым 2009. Архивировано 3 сӱрем 2007 ий.
- ↑ «Атомный проект СССР. К 60-летию создания ядерного щита России». Выставки. Архивы России. Дата обращения: 28 идым 2009. Архивировано 17 шорыкйол 2013 ий.