Радио кече

РУВИКИ — эрыкан энциклопедий гыч материал
Тергыме статья
Радио кече
1958 CPA 2155.jpg
Кече 7 ага
Логотип РУВИКИ.Медиа РУВИКИ.Медиаште медиафайл-влак
Н. Сысоевын сӱретше почеш СССР-ын почто маркыже, 1989 ий
Севастопольышто А. С. Поповын радиом шонен лукмыжлан 100 ий темме лӱмеш чапкӱ

Радио кече — Российыште 7 майыште палемдыме кылым кучымо чыла отрасльысе пашаеҥ-влакын профессионал пайремышт[1]. 1895 ийыште лач тиде кечын радиом шонен лукмылан шотлена[2]. СССР-ыште СССР Совнаркомын «А. С. Поповын радиом шонен лукмыжлан 50 ий темме лӱмеш» 1945 ий 2 майысе пунчалже дене пеҥгыдемдыме[3]. Варажым СССР-ын Кӱшыл Каҥаш Президиумын 1980 ий 1 октябрьысе кӱштыкшӧ дене келшышын «Радио кече, Кылын чыла отрасльлысе пашаеҥже-влакын пайремышт» лӱмым налын[4].

Российыште веле огыл[5][6], тыгак Болгарийыште[7], Арменийыште[8], Киргизийыште[9] да Беларусь Республикыште официал пайремлан шотлалтеш[10].

Пайрем историй

1895 ийыште Александр Степанович Попов Пётр Николаевич Рыбкин ден пырля кӱдырчан разряд-влакым мӱндырчак кучен кертше (регистрироватлыше) приборым ыштен. Попов тудым «грозотметчик» / «кӱдырчымпалыше» манын лӱмден[2].

Уверым пуышо арвер системым калык ончылно икымше гана 25 апрельыште (7 май) 1895 ийыште Руш физике-химий обществын мутланымаштыже ончыктеныт[11][12]: кӱдырчӧ йӱк шотеш тораште огыл верланыше чытырналтше Герцын вибраторжо лийын. Калык ончылно ойлымо «Металл порошокын электромагнит чытырналтме дене кылже» докладыштыже Попов каласен: «Ӱшанлын каласен кертам: мыйын арверемым умбакыже вияҥдена гын, писе электрике колебаний полшымо дене тудым сигналым мӱндырчын пуаш кучылташ лиеш, тидлан ситыше куатан колебанийым лукшо источникым муаш кӱлеш». Лач тиде кечым радиом шонен лукмо кечылан шотлат[2].

СССР-ыште Радион кечыжым икымше гана 1925 ийыште палемденыт. Тунам радиом шонен лукмылан 30 ий темме лӱмеш келыштарыме пайрем эртаралтын[13][14]. Гульельмо Маркони тыгаяк схеман радиом ыштен да тудлан патентым налын, варажым радиом ыштен лукмо компанийже дене чапланен, тудын суапшым тыгак тунамсе тӱрлӧ савыктышыште палемденыт, но Поповын приоритетше утларак палемдалтын[13]. Тудо ийыштак «Радион йолташыже» журналыште Российысе радиоинженер-влак ушемын пагалыме еҥже Алексей Петровский тыгай тыланымашым ойлен: тек 7 май «чыла радистын пайремже» лиеш [15][16].

Радиом ыштымлан 40 ий темме годым тиде лӱмгечылан пӧлеклалтше тӱрлӧ мероприятий-влак эртеныт, тӱрлӧ савыктышыште Поповын кугу надыржым палемденыт.

10 ий эртымек, Радион кечыжым официально пеҥгыдемденыт. CCСР Совнаркомжын 1945 ий 2 майысе «А. С. Поповын радиом ыштымыжлан 50 ий теммым пайремлыме нерген» пунчалыштыже каласыме[3]:ССР Ушемын Калык комиссар-влак Каҥашыже руш шанчызе А. С. Поповын радиом шонен мумо кечыжлан 1945 ий 7 майыште 50 ий темме лӱмеш палемден: <...> 4. Калыкын тӱвыра да политике илышыштыже да элым аралымаште радион кӱлешан улмыжым шотыш налын, ачамланде шанче ден техникын сеҥымашыжым чапландараш да радиом йӧратыше-влакын радамыш ушнаш кумылаҥдаш манын, 7 май ий еда палемдыме «Радион кечыже» манын увертараш.

Тунамак А. С. Попов лӱмеш Шӧртньӧ медальым ыштеныт[17][18], тудым «радио пашаште кугу шанче шымлымашлан да иктаж-мом шонен лукм пашалан» кучыктеныт. Тыгак «Чапланыше радист» оҥысо тамгам ыштеныт да электрокыл да радиотехник специальность дене пашам ойырышо студент ден аспирант-влаклан лӱман стипендийым увертареныт[19][3]. СССР Кӱшыл Совет Президиумын 1980 ий 1 октябрьысе кӱштыкшӧ почеш пайрем тыгай лӱмым налын: «Радио Кече, кыл кучымо пӱтынь отрасльысе пашаеҥ-влакын пайремышт»[4].

Пайремлымаш

7 майыште Радио кечым Российысе студент, туныктышо, радиотехнике да коммуникаций дене кылдалтше тунемме тӧнежласе выпускник-влак, тоштер пашаеҥ, тыгак радиом йӧратыше-влак палемдат[5][6].

2024 ийыштеРоссийысе олалалте телебашне-влак пайрем иллюминацийым чӱктент. Останкин телебашньыште радиотолкын ден микрофоным сӱретлыман «Радио кече дене» роликым колтеныт. Симферопольышто башньын медиафасадыштыже А. С. Поповын чурийжым ончыктеныт. Воронеж, Грозны, Нижнего Новгород, Саратов, Челябинск да моло оласе телебашньылаште «7 май — Радио кече» манын возымо лийын[20].

Радио кечым тыгак Болгарийыште (болг. Ден на радиото и телевизията[7] 1968 ий гыч[21]), Арменийыште[8], Киргизийыште[9] да Беларусь Республикыште палемдат[10], 2023 ийыште профессионал пайрем лӱмеш ты аланысе пашаеҥ-влакым суапландареныт, тыгак «БелГИЭ» электрокыллан мутым кучышо республикысе унитар предприятийын пашаеҥже-влакым кумылаҥденыт[22][23]. 2009 ийыште пайрем лӱмеш Google радио сынан дудлым (каракульым)савыктен[24].

Российысе йӱла

Екатеринбург

Екатеринбургышто УГТУ-УПИ-н радиотехник факультетын студент ден туныктышыжо-влак ий еда тӱрлӧ пашам шуктат, кугу пале семын йӱлаш пурышто факультет гыч Александр Степановичын Поповын чапкӱж деке таҥошкылмаш шотлалтеш[25][26][27]. Пайремлан тичмаш арня ойыралтеш, университетын администрацийже тӱрлӧ проект пашам студент-влак коклаште веле огыл эртара, а школышто тунемше-влакымат уша, нунылан тиде тунемме верын историйже да туныктымо программыже-влак дене палыме лияш йӧным ышта. Йӱла почеш чапкӱм мушкыт, а радиошто 7 май кечын концерт программе лиеш. Таҥошкылмаш пайрем салют дене мучашлалтеш. 2020 ийыште ий еда лийше таҥошкылмаш COVID-19 пандемийлан кӧра лийын огыл, кок ий гыч тиде йӱлам уэштареныт[28].

Пайрем арня мучаште эн сай студент проект-влакын ончерышт эрта: шӱдӧ таҥасыше кокла гыч ойырат, иктешлымашке ончышо-влаклан аклаш 30-40 наре пашам луктыт. Ончерыш тиде аланысе ыштыквер-влакын директорыштым ӱжыт, нуно конкурсышто ушнышо-влаклан ваштареш ойым ыштат. Ты жапыштак вакансий ярмиҥга эрта, тидыже студент-влаклан ончыкылык паша верым муаш але практике да стажировко нерген кутырен келшаш йӧным ышта[25].

А. С. Попов лӱмеш Екатеринбургысо тоштерыште Радио кече йӱлаш пурышо Почмо омса форматыште эрта, тиде жапыште радиолан пӧлеклалтше экскурсийым яра эртарат: тудын ышталтмыже, вияҥмыже да тачысе тӱняште верже нерген каласкалат[6].

Таганрог

Таганрогысо Радиотехник системе да виктарымаш институтышто тунемше-влаклан да ончыкылык студент-влаклан ты теме дене икмыняр мероприятий эрта: бакалавриат да специалитет-влак ончыко Студент клубын артистше-влак лектыт, тыгак викторине ден фотоконкурс-влак эртарат. Школышто тунемше-влак гын ИТА ЮФУ Политехник тоштерыш экскурсийыш логал кертыт[29].

Рязань

Рязаньысе кугыжаныш радиотехник университетыште тыгак Радио кечым пайремлыме шке йӱлашт уло: тиде тунемме заведенийын выпускник ден студент-влак чӱчкыдынак тӱҥ тунемме корпус воктеке погынат да икте-весыштым «Попов ылыжын» мут дене саламлат[30][31][32] 2020 ийыште пайрем онлайн-трансляций формо дене эртен[33].

Моско

1971 ийыште Москосо физике-технике институтышто Радио кечылан пӧлеклалтше радиотехник конструкций ден компьютер программе-влак конкурсым эртареныт. Ты конкурсышто радиотехник ден кибернетике факультетын студентше-влак веле огыл, тыгак тиде тунемме верын моло подразделенийже-влакат вийым терген кертыт. Призёр ден сеҥыше-влак стипендий ден премий дек талукаш ешартышым налыныт[34]. Пытартыш ийлаште тиде пайремым ий еда Радиотехник ден компьютер технологий шотышто физтех-школа эртара (ФРКТ)[35], ты школ радиотехник да кибернетике факультет негызеш ышталтын[36]. Тыге, 2023 ийыште «Микроконтроллер ден радиотехник шотышто конкурс проект-влакым» эртен[37][38].

2024 ий 30-31 майыште Москошто Радио кечын «Радиоэлектронике устройство ден инфокоммуникаций технологийлан системе» Российысе 79-ше конференций эртаралтын[39].

2025 ийыште ВДНХ-ште «Россия» Калыкле рӱдерште Радио кечылан пӧлеклалтше пайрем мероприятий лийшаш. Тидын деч посна мастарлык-класс, артист, радиовӱдышӧ-влакын выступленийышт лийыт, тыгак пӧлекым модылташ тӱҥалыт. Пайремым уремысе тӱҥ сценыште конерт дене мучашлат.

Томск

Томскышто Радио кечым пайремлыме йӱла 1986 ийыште шочын, тунам Томскышто радио да электрон технике институт почылтын, тыште радиотехнике факультетым почмо. Тылеч вара ий еда 7 майыште студент-влак шочмо оласе уремлаште таҥошкыл эртеныт. Пайрем 2001 ийыште оласе статусым официально налын[40]. Тудо «РадиоВООМ» фестиваль лӱмжым нумалеш[41][42].

1988 ийыште эше ик йӱла шочын: тиде кечын томскысо студент-влак тӱшкагудын индешымше пачашыж гыч пашалан йӧрдымӧ чыла тошто электроникым луктын кудалташ тӱҥалыныт[43]. Тиде мероприятий «Технике прогресс» лӱмым налын. Луктын кудалтыме компьютерым, лампан телевизорым, мониторым да моло техникым ончышо-влак поген налын огыт шукто гын, тунемме тӧнежын пашаеҥже-влак погат да уэштарен сатум лукмашке колтат[44]. 2016 ийыште 500 наре луктын кудалтыме электронике лийын — кудалтыме техникын ты чотшо рекордыш савырнен[43].

Тыгак Томскышто Радио кечын, ТУСУР студент олан спорт кумдыкыштыжо йӱлаш пурышо радиоярмарке эрта, тыште ий еда кажне факультет тӱрлӧ конкурсым да моло модмашым эртара[44][42].

Санкт-Петербург

1995 ий гыч Кронштадтыште Попов лӱмеш скверыште ий еда Радио кечылан пӧлеклалтше митинг эрта[45].

Санкт-Петербургышто Петроград могырышто улшо скверыште Александр Степанович Поповлан чапкӱ ончылно ий еда оласе мероприятий эрта, тыште кыл кучымо отрасльысе чыла пашаеҥым саламлат. Пайремым Санкт-Петербургысо кугыжаныш электротехнике университет, тыгак проф. М. А. Бонч-Бруевич лӱмеш Санкт-Петербургысо телекоммуникаций шотышто кугыжаныш университет, А. С. Попов лӱмеш кыл кучымо рӱдӧ тоштер, А. С. Поповын пачер-тоштерже да тӱрлӧ мер организаций-влак пырля эртарат. 2015 ийыште тиде пайрем радиом шонен лукмылан 120 ий темме лӱмеш пӧлеклалтын[46].

2015 ий 7 майысе А. С. Попов лӱмеш ЦМС «XIX курым мучашсе радиокыл» залыште тутыш экспозиций А. С. Поповлан пӧлеклалтше мемориал оҥам почыныт да Тӱнямбал электрокыл ушемын 150 ий темме лӱмеш савыкталтше лӱмгечан почто маркым почыныт. Тыгак А. С. Попов лӱмеш «Телеграфного аппарат деч I-phon да I-pad марте» VIII шанче лудмаш почылтын[47].

Лийше событий-влак

2024 ий 7 майлан А. С. Попов лӱмеш ЦМС-ыште — «Радиойӧратымашлан 100 ий темме ончер» почылтын, тыгак А. С. Попов лӱмеш «Радио: шанче да технике поянлык» XIV шанче лудмаш эртен[48].

2024 ий 30-31 майыште Москошто «Радиоэлектрон чоҥалтмаш да радиокоммуникаций технологийлан системе» российысе 79-ше конференций эртен[49].

Моло пайрем-влак

Радио кечым тыгай пайрем-влак дене лугаш ок кӱл: Радио тӱнямбал кечыже — 13 февральыште палемдалтеш[50]; Телекоммуникаций тӱнямбалысе кечыже - 17 майыште палемдалтеш[51]; Радиойӧратышын тӱнямбал кечыже — 18 апрельыште палемдалтеш[52]; Радио, телевидений да кыл пашаеҥ-влакын кечышт — 16 ноябрьыште палемдалтеш[53][54]; Сарзе связистын кечыже — 20 октябрьыште палемдалтеш[55].

Тӱвыраште

2001 ий 24 майыште «Радио кече» спектакльын премьерже лийын, тушто «Квартет И» актёржо-влак тӱҥ рольым модыныт[56][57]. 2008 ийыште режиссёр Дмитрий Дьяченко «Радио кече» спектакль негызеш тыгаяк лӱман фильмым сниматлен[58].

Палемдымаш

  1. ↑ Зелевич Е. П., Зудков П. И., с. 4.
  2. ↑ 1 2 3 Берг А. И., с. 8.
  3. ↑ 1 2 3 Постановление СНК СССР от 02.05.1945 N 939 "Об ознаменовании 50-летия со дня изобретения радио А.С. Поповым". КонсультантПлюс. Тергыме кече: 29 ӱярня 2024.
  4. ↑ 1 2 Указ Президиума ВС СССР от 01.10.80 N 3018-X "О праздничных и памятных днях". Контур.Норматив. Тергыме кече: 29 ӱярня 2024. Архивлыме 18 кылме 2020 ий.
  5. ↑ 1 2 День радио. ФКУ «Цифровая культура». Тергыме кече: 29 ӱярня 2024.
  6. ↑ 1 2 3 Музей радио имени А. С. Попова на один день объединил более 100 любителей радио со всей страны. Cвердловский областной краеведческий музей. Тергыме кече: 29 ӱярня 2024.
  7. ↑ 1 2 7 май - Международен ден на радиото и телевизията (болг.). БНТ (7 ага 2017). Тергыме кече: 29 ӱярня 2024.
  8. ↑ 1 2 7 мая отмечается День радио. Panorama.am (7 ага 2012). Тергыме кече: 29 ӱярня 2024.
  9. ↑ 1 2 Сегодня — профессиональный праздник День радио и работников связи. Национальная Телерадиовещательная корпорация Кыргызской Республики (7 ага 2021). Тергыме кече: 29 ӱярня 2024.
  10. ↑ 1 2 Поздравление с Днем работников радио, телевидения и связи. Пресс-служба Президента Республики Беларусь (7 ага 2023). Тергыме кече: 29 ӱярня 2024.
  11. ↑ Из истории изобретения и начального периода развития радиосвязи, с. 11.
  12. ↑ 50 лет радио, с. 10.
  13. ↑ 1 2 Борисова Н. А., с. 99.
  14. ↑ 7 мая в нашей стране отмечается День радио. Об истории изобретения радио. Российское историческое общество (7 ага 2023). Тергыме кече: 29 ӱярня 2024.
  15. ↑ Меркулов В. Д. Первые радиолюбительские журналы. Виртуальный компьютерный музей. Тергыме кече: 29 ӱярня 2024. Архивлыме 8 теле 2021 ий.
  16. ↑ 7 мая — День радио! Журнал «Электросвязь» (30 вӱдшор 2020). Тергыме кече: 29 ӱярня 2024.
  17. ↑ Золотая медаль имени А.С. Попова. РАН. Тергыме кече: 29 ӱярня 2024.
  18. ↑ Золотая медаль имени А.С. Попова - Медали. Федеральное государственное бюджетное учреждение науки Физический институт имени П. Н. Лебедева Российской академии наук. Тергыме кече: 29 ӱярня 2024.
  19. ↑ Попов А.С. – изобретатель радио. Санкт-Петербургский государственный электротехнический университет «ЛЭТИ» им. В.И.Ульянова (Ленина) СПбГЭТУ «ЛЭТИ». Тергыме кече: 29 ӱярня 2024.
  20. ↑ Телебашни в городах России включат праздничную иллюминацию в День радио. ТАСС (2 ага 2024). Тергыме кече: 25 вӱдшор 2024.
  21. ↑ Боряна Райчева. Международен ден на радиото и телевизията (болг.). eurocom.bg. Тергыме кече: 29 ӱярня 2024.
  22. ↑ Награды к профессиональному празднику – Дню работников радио, телевидения и связи. Республиканское унитарное предприятие по надзору за электросвязью «БелГИЭ» (5 ага 2023). Тергыме кече: 29 ӱярня 2024.
  23. ↑ Награды к профессиональному празднику – Дню работников радио, телевидения и связи. Республиканское унитарное предприятие по надзору за электросвязью «БелГИЭ» (5 ага 2023). Тергыме кече: 29 ӱярня 2024.
  24. ↑ Alexander Popov’s Invention of the Radio. Google.com (7 ага 2009). Тергыме кече: 29 ӱярня 2024. Архивлыме 8 пеледыш 2021 ий.
  25. ↑ 1 2 День радио 2022. УрФУ им. первого Президента России Б. Н. Ельцина. Тергыме кече: 29 ӱярня 2024.
  26. ↑ Незабудка. Коммерсантъ (1 ага 2017). Тергыме кече: 29 ӱярня 2024.
  27. ↑ В Екатеринбурге шествие радиофаковцев к памятнику Попову возглавит Виктор Кокшаров. Комсомольская правда (7 ага 2010). Тергыме кече: 29 ӱярня 2024.
  28. ↑ Елена Аносова. Пенная вечеринка удалась! В Екатеринбурге весело помыли памятник изобретателю радио. e1.ru (6 ага 2022). Тергыме кече: 29 ӱярня 2024.
  29. ↑ День радио с ИРТСУ. ИРТСУ ЮФУ. Тергыме кече: 29 ӱярня 2024.
  30. ↑ В День радио сообщество Радиоуниверситета почтило память А. С. Попова. Рязанские ведомости (7 ага 2023). Тергыме кече: 29 ӱярня 2024.
  31. ↑ Марина Фокина. "Попов воскрес!!!". МК в Рязани (7 ага 2010). Тергыме кече: 29 ӱярня 2024.
  32. ↑ 7 мая – День Радио – наш праздник. Рязанский государственный радиотехнический университет имени В.Ф. Уткина (7 ага 2019). Тергыме кече: 29 ӱярня 2024.
  33. ↑ Рязанский радиоуниверситет отметит День радио онлайн. Аргументы и факты (6 ага 2020). Тергыме кече: 29 ӱярня 2024.
  34. ↑ День Радио. Московский физико-технический институт. Тергыме кече: 29 ӱярня 2024.
  35. ↑ Конкурс радиотехнических конструкций "День радио - 2019". Московский физико-технический институт (государственный университет) (7 ага 2019). Тергыме кече: 30 ӱярня 2024.
  36. ↑ Физтех-школа радиотехники и компьютерных технологий. ФРТИ. Тергыме кече: 30 ӱярня 2024.
  37. ↑ День Радио! ФРКТ (7 ага 2023). Тергыме кече: 30 ӱярня 2024.
  38. ↑ День Радио. ФРКТ (23 ага 2023). Тергыме кече: 30 ӱярня 2024.
  39. ↑ Всероссийская конференция (с международным участием). "Радиоэлектронные устройства и системы для инфокоммуникационных технологий (РЭУС-ИТ 2024)". Российское НТОРЭС им. А. С. Попова. Тергыме кече: 29 ӱярня 2024.
  40. ↑ 7 мая – День Радио. Федеральное государственное бюджетное образовательное учреждение высшего образования «Томский государственный университет систем управления и радиоэлектроники» (6 ага 2009). Тергыме кече: 29 ӱярня 2024.
  41. ↑ Анастасия Андрюхова. Летающие мониторы, мини-шествие и много улыбок: как ТУСУР отметил День радио. ООО «Редвикс Медиа» (7 ага 2023). Тергыме кече: 29 ӱярня 2024.
  42. ↑ 1 2 Ярмарка, парад факультетов и концерт: ТУСУР отметит День радио. Федеральное государственное бюджетное образовательное учреждение высшего образования «Томский государственный университет систем управления и радиоэлектроники» (3 ага 2023). Тергыме кече: 29 ӱярня 2024.
  43. ↑ 1 2 В 2016 году в День радио студенты ТУСУРа планируют установить рекорд Гиннеса по сбросу с высоты старой техники. Томский государственный университет систем управления и радиоэлектроники. Тергыме кече: 29 ӱярня 2024. Архивлыме 1 теле 2017 ий.
  44. ↑ 1 2 Анастасия Кирсанова. Мини-шествие, сброс техники из окон и концерт известной группы: как ТУСУР отметит День радио. ООО «Редвикс Медиа» (3 ага 2023). Тергыме кече: 29 ӱярня 2024.
  45. ↑ 7 мая в 12.00 в сквере имени А.С. Попова состоится митинг, посвященный Дню Радио. Администрация Санкт‑Петербурга (5 ага 2016). Тергыме кече: 29 ӱярня 2024.
  46. ↑ 120-летие изобретения радио А.С. Поповым. Центральный музей связи имени А. С. Попова. Тергыме кече: 29 ӱярня 2024.
  47. ↑ День радио в ЦМС имени А.С. Попова. Центральный музей связи имени А.С. Попова. Тергыме кече: 29 ӱярня 2024.
  48. ↑ План основных мероприятий ЦМС имени А.С. Попова на 2024 год. Центральный музей связи имени А. С. Попова. Тергыме кече: 29 ӱярня 2024.
  49. ↑ Всероссийская конференция (с международным участием). "Радиоэлектронные устройства и системы для инфокоммуникационных технологий (РЭУС-ИТ 2024)". Российское НТОРЭС им. А. С. Попова. Тергыме кече: 29 ӱярня 2024.
  50. ↑ 13 февраля — Всемирный день радио. ООН. Тергыме кече: 29 ӱярня 2024. Архивлыме 22 теле 2016 ий.
  51. ↑ Наименее развитые страны нуждаются в цифровых инвестициях. ООН. Тергыме кече: 29 ӱярня 2024.
  52. ↑ Всемирный день радиолюбителя отмечают 18 апреля. Наука.рф (18 вӱдшор 2023). Тергыме кече: 29 ӱярня 2024.
  53. ↑ Украина отмечает День работников радио, телевидения и связи. РИА Новости (16 кылме 2004). Тергыме кече: 29 ӱярня 2024.
  54. ↑ Протокол. Коммерсантъ (17 кылме 2005). Тергыме кече: 29 ӱярня 2024.
  55. ↑ Алексей Лапшин. День военного связиста отмечается 20 октября. Парламентская газета (20 шыжа 2023). Тергыме кече: 29 ӱярня 2024.
  56. ↑ 24 марта 2001 года состоялась премьера спектакля "День Радио". Информационный портал "Новый ракурс" (24 ӱярня 2018). Тергыме кече: 29 ӱярня 2024.
  57. ↑ День Радио. Театр "Квартет И". Тергыме кече: 29 ӱярня 2024.
  58. ↑ День радио (2008). Кинопоиск. Тергыме кече: 29 ӱярня 2024.

Литератур

Кылвер-влак

"https://mhr.ruwiki.ru/w/index.php?title=Радио_кече&oldid=1151959" гыч налме