Россий Федерацийын таможньо пашаеҥын кечыже
| Россий Федерацийын таможньо пашаеҥын кечыже | |
|---|---|
 | |
| Тӱрлылык | Кугыжаныш пайрем |
| Ышталтын | 1995 ий 4 августышто |
| Палемдат | Россий Федераций |
| Кече | 25 шыжа |
| Кылдалтын | икгай таможньо устав лекме дене |
Россий Федерацийын таможньо пашаеҥын кечыже — Россий Федераций таможньысо чыла пашаеҥ-влакын кугыжаныш профессионал пайремышт. Тиде кече Россий Федерацийыште ий еда, 25 октябрьыште палемдалтеш[1].
Историй ден пайрем
«Россий Федерацийын таможньо пашаеҥын кечыже» — таҥастараш гын, самырык профессионал пайрем, тудо Совет Ушемын шаланымекыже, 1995 ий 4 августышто Россий Федераций икымше президентшын «Россий Федераций таможньын кечым палемдыме нерген» 811-ше №-ан указше дене пеҥгыдемдалтын[2]. Ондак СССР-ыште «Совет таможньын кечыже» лийын, тудо 29 майыште палемдалтын, (кызыт тиде кечын «Таможньо службысо ветеранже-влакын кечыштым» (тергаш лийдыме ссылке) палемдат[3].
«Россий Федерацийысе таможенник кечыжым» лач тиде кечын палемдаш Россий президентын пунчалже тыглай шочын огыл, молан манаш гын, 1653 ий 25 октябрьыште Руш кугыжанышыште Алексей Михайлович Романов кугыжан кӱштыкше почеш Иктешлыше Торговый устав шочын: «Москошто да моло олалаште таможньо пошлиным тӱлымӧ нерген, мыняр налмым, могай сатулан ончыктыман»[4].
2006 ийыште президент Владимир Путин «Россий Федерацийын таможньо кечылан пӧлеклалтше саламлымаштыже каласен:
Таможньо кече дене пашаеҥ да ветеран-влакым саламлем. Эртыше 11 ий жапыште Российын Федерал таможньо службыжо элнан экономике лӱдыкшыдымылыкшым пеҥгыдемдымашке, калыке поянлыкым аралымашке сай надырым пыштен. Таче тудо, чынак, йотэл-влак дене торгайымаште, бюджет парышым ешарымаште кугыжаныш велым тӧрлен шогышо пайдале механизмлан шотлалтеш.
Тиде изи цитате кызытсе Российысе таможньын тӱҥ пашажам раш почын пуа.
Палемдымаш
- ↑ 25 Октября. День таможенника Российской Федерации. Международный день борьбы женщин за мир. Праздник каждый день. RedDay.RU Архивысе копий 4 шорыкйол 2011 гыч
- ↑ Указ Президента РФ от 4 августа 1995 г. N 811 «Об установлении Дня таможенника Российской Федерации». Тергыме кече: 24 вӱдшор 2019. Архивировано из оригинала 24 вӱдшор 2019 ий.
- ↑ Официальный сервер Республики Бурятия :: Новости (недоступная ссылка)
- ↑ Кулешова С.Ю. Торговый устав 1653 года. museum.customs.ru. Тергыме кече: 25 шыжа 2017. Архивлыме 27 шыжа 2017 ий.