Парашютистын кечыже
Парашютистын кечыже — совет ден россий профессионал ден парашютизмым йӧратыше-влакын официал огыл пайремышт ий еда 26 июльышто палемдалтеш[1].
Пайрем тыгак южо совет кугыжанышыштат, тидын шотышто Украиныштат палемдалтеш[2][3].
Пайрем историй
1929 ийыште ВВС РККА комбриг Леонид Григорьевич Минов «Амторг» ужалкалыше совет организаций пелен «Ирвин» компанийын заводыш логалын, тыште тудо заводын ыштен лукмо утарыше парашют нерген пален налын да икмыняр гана тӧрштен. СССР-ыш пӧртылмекыже, Минов ВВС РККА-н парашют дене тӧршташ ямдылыме шотышто инструктор лиеш, да 1930 ий кеҥежлан Москосо сарзе округын 11-ше авиаций бригадыштыже шке кумылын тунемше 30 еҥлан теорий могырым ямдылалташ полшен[4].
1930 ий 26 июльышто Воронеж воктене 5 совет лётчик ден механик (Мошковский, Егоров, 3ахаров, Коваленков, Кухаренко, Мухин, Поваляев, Пойдус, Филиппов, Фрейман, Черкашин) Миновын вуйлатымыж почеш икымше гана самолёт гыч тӧрштен. Тӧршташлан Миновын США гыч кондымо «Ирвин» компанийын парашютшо-влак кучылталтыныт[5]. Чылаже 26 гыч 29 июль марте, сборым эртарыме жапыште, парашют дене 59 гана тренировко да ончыктымо тӧрштымаш лийын.
1930 ийыште налме икымше опыт Совет Ушемыште парашютизмым умбакыже вияҥдаш йӧным ыштен. 1931 ий мучаште совет парашютист-влак 600 наре тренировко да палдыртарыше тӧрштымым ончыктеныт[6]. Тиде спорт моткоч писын кумдан шарлен, оласе тӱвыра да каныме парклаште «парашют вышке-влакым» чоҥеныт, тушеч чыла кумылан-влак тӧрштен кертыныт[7].
Палемдымаш
- ↑ В России отмечают День парашютиста // Аргументы и факты.
- ↑ 26 липня - День парашутиста (недоступная ссылка) (укр.) // Інститут лідерства та соціальних наук.
- ↑ День парашутиста (недоступная ссылка) (укр.) // Федерация парашютного спорта Украины.
- ↑ Советский парашютизм: как все начиналось.
- ↑ Парашютное дело в СССР. спецназ.орг. Архивировано из оригинала 28 шыжа 2012 ий.
- ↑ [www.calend.ru/holidays/0/0/2636/ День парашютиста] // calend.ru.
- ↑ День парашютиста // Вести ФМ.