18 сорла

←
→
Сорла
← →Сорла
	2026 ий

18 сорла (18 август) — григориан кечышот почеш идалыкын 230-шо (кужемдыме ийлаште — 231-ше) кечыже. Идалык пытыме марте 135 кече кодеш.

Йошкар-Олаште ☀️ Кече 4 шагатат 18 минутлан лектеш, 19 шагатат 18 минутлан шинчеш. Кечын кужытшо 🕒 14 шагатат 59 минут.
🌒 Кушшо тылзе (4.84 тылзе кече).

Пайрем да шарныктарыше кече-влак

Россий — Географын кечыже (руш. День географа).
Азербайджан — Пограничник кече (руш. День пограничника).
Казахстан — Пограничник кече (руш. День пограничника).
Житник Евстигней (руш. Евстигней Житник).
Товар кече (руш. День топора).
Пино-нуар аракан тӱнямбал кечыже (руш. Международный день вина Пино-нуар).
Воштылшо суксын кечыже (руш. День смеющихся ангелов).
Ончылгоч ужын моштымо кече (руш. День интуитивной прозорливости).
Фахитын кече (руш. День фахиты).
Тӱшка йылмын кечыже (руш. Дeнь oбщeгo языкa).
Гелийым почмо кече (руш. День открытия гелия).

Лӱмгече

Католик лӱм-влак: Агапит, Флор, Лавр.
Православий лӱм-влак: Анфир, Викентий, Евдокий, Евсигний (Евсигней, Евстигней), Евфимий (Ефим), Иоанн, Иов, Ириней (Ириний, Риний), Кандидий, Кантидиан, Кантидий, Максимилиан, Понтий, Сивел, Симон, Фавий (Фабий), Феоктист (Феоктистий, Фекстист), Фетис, Дария (Дарья), Евдокия (Авдотья), Мария, Нонна (Нона), Христина (Кристина, Христинья).

Эртынчык-влак

Тугак ончо: Категорий:Сорла тылзын 18 кечысе событий-влак

1782 ий — Пётр Первый кугыжалан чапкӱм шогалтыме. Калыкыште тиде чапкӱ «Медный всадник» лӱмым налын.
1958 ий — Америкыште руш писатель Владимир Набоковын «Лолита» кумдан палыме романже лектын.

Шочыныт

Тугак ончо: Категорий:Сорла тылзын 18 кечынже шочшо-влак

1923 ий — Алексей Фёдорович Гвоздев, Кугу Ачамланде сарын участникше, Совет Ушемын Талешкыже.
1925 ий — Софья Георгиевна Тугаринова, российысе скульптор да керамист, СССР Сӱретче-влак ушемын йыжыҥъеҥже.
1932 ий — Аркадий Фёдоров, марий серызе, туныктышо, Россий Серызе-влак ушемын йыжыҥъеҥже (2007).
1940 ий — Леонид Михайлович Шарнин, шанче-технолог, технике шанче доктор, Россий Федерацийысе кӱшыл школын сулло пашаеҥже. Шернур кундемыште шочын. Паша корныжо Озаҥысе техник университет дене кылдалтын: тыште тудо тыглай инженер гыч проректор марте шуын. Пилот-модель комплексыште Леонид Михайлович кугу специалист.
1947 ий — Леонид Васильев, руш серызе, артист, охотовед, Россий Серызе-влак ушемын йыжыҥъеҥже (1997).
1949 ий — Игорь Иннокентьевич Ельмекеев, профсоюз да партий пашаеҥ. У Торъял кундемыште шочын. Паша корныжо Йошкар-Оласе чоҥышо ушемыште тӱҥалын, вара партий пашашке куснен. Медведево районысо Ленин лӱмеш колхоз профкомын вуйлатышыжлан тыршен. Умбакыже республикысе комитетышке куснен. 2003-шо ий гыч Российысе Аграрный партийын марий пӧлкажын вуйлатышыжлан пашам ышташ тӱҥалын.
1955 ий — Татьяна Николаевна Михеева, кугыжаныш пашаеҥ, Россий Федерацийын сулло юристше, юридический шанче доктор. Медведево район Новый посёлкышто шочын. Ончычсо паша корныжо министр-влак ушемыште шуйнен, вара юстиций министерствышке куснен: тыште тудо министр сомылымат шуктен. 1997-ше ийыште «Мариэнерго» ушем вуйлатышын правовой йодыш-влак шотышто алмаштышыже лийын. Умбакыже Марий кугыжаныш университетыште тыршаш тӱҥалын. «За заслуги перед Марий Эл» 2-шо степенян орден, «Марий Элын Юристше» премий дене палемдалтын.
1956 ий — Надежда Викторовна Климина, администраций вуйлатыше, Марий Элысе калык илышкыл аралтышын сулло пашаеҥже. Икмыняр ий Волжск оласе школышто туныктышылан тыршыме деч вара администрацийыште илышкыл аралтыш йодыш шотышто специалистлан пашам ыштен. 2001—2017-ше ийлаште Марий Элысе калык илышкыл аралтыш министрлан тыршен. Калык просвещенийын отличникше, Российысе паша министерствын почётан пашаеҥже. Шуктен шогымо пашажлан шуко кугыжаныш чап танык дене палемдалтын.

Коленыт

Тугак ончо: Категорий:Сорла тылзын 18 кечынже колышо-влак

1986 ий — Фёдор Дмитриевич Навозов, совет партий пашаеҥ, КПСС Марий обкомын икымше секретарьже (1942—1945).

Калык пале

Кечывалым кече онча гын, каслан пыл погынаш тӱҥалеш.
Кечывалым ояр, а кас велеш пыл погынаш тӱҥалеш гын, йӱрым але игече вашталтмым вучыман.
Евстигнейын кечыже. Тиде кечын шож ложаш дене киндым кӱэштыныт. Тыгак шоган ден шем киндым кочкыныт, чай олмеш пурам йӱыныт.
Тиде кечым ончен, декабрь могай лийшашым мужедыныт. Тыгак вес палым эскереныт: тиде кечын пасушко лектын, кугу йӱкын кычкырленыт, йӱксавыш тораште солна гын, ояр игече лиеш, лишне гын, йӱрым вучман.