27 сорла

← → Сорла
Шч Кш Вр Из Кг Шм Рш           1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

27 сорла (27 август) — григориан кечышот почеш идалыкын 239-ше (кужемдыме ийлаште — 240-ше) кечыже. Идалык пытыме марте 126 кече кодеш.

Йошкар-Олаште ☀️ Кече 4 шагатат 39 минутлан лектеш, 18 шагатат 57 минутлан шинчеш. Кечын кужытшо 🕒 14 шагатат 18 минут.
🌕 Тичмаш тылзе (13.84 тылзе кече).

Пайрем да шарныктарыше кече-влак

•  Россий — Российысе кинон кечыже (руш. День российского кино).
• — Боксын тӱнямбал кечыже (руш. Международный день бокса).
• Михей Тиховей (руш. Михей Тиховей).
• Нефть кече (руш. День нефти).
• Бананым йӧратышын кечыже (руш. День любителей бананов).

Лӱмгече

• Александр, Алексий, Аркадий, Василий, Владимир, Елевферий, Лукий, Маркелл, Матфей (Матвей), Михей, Николай, Симеон, Урсикий, Феодор (Фёдор), Феодосий, Ева, Евдокия.

Эртынчык-влак

Тугак ончо: Категорий:Сорла тылзын 27 кечысе событий-влак

• 1940 ий — Америкыште тӱрлӧ тӱсан телевиденийын кузе пашам ыштымыже нерген палдареныт.
• 1955 ий — Английыште Гиннес рекорд книган икымше экземплярже лектын.
• 1966 ий — Англий гыч Френсис Чичэстер тӱня мучко пуш дене савырнаш путешествийыш лектын.
• 1971 ий — «Марийская правда» газетым «Знак Почёта» орден дене палемденыт.

Шочыныт

Тугак ончо: Категорий:Сорла тылзын 27 кечынже шочшо-влак

• 1853 ий — Александр Никитич Филиппов, российысе юрист, Моско университетын сулло профессоржо, Юрьев университетын профессоржо да ректоржо.
• 1903 ий — Элнет Сергей, марий серызе, журналист, литератор, мер пашаеҥ.
• 1913 ий — Николай Кириллович Кокорин, лётчик. Марий Тӱрек кундемысе Лом ялыште шочын. Тудо южышто неле пилотаж фигурым икымше гана ыштен. Рушлаже ты фигурым «Мёртвая петля» маныт. Мемнан кундемын шочшыжо тӱнямбалне тыгай фигурым ыштыше икымше лийын.
• 1923 ий — Степанов Михаил Степанович,марий самодеятельный семлызе, МАССР-ысе тӱвыран сулло пашаеҥже, Йошкар Тисте орденын кавалерже, 1941–1945 ийласе Кугу Ачамланде сарын участникше.
• 1937 ий — Василий Регеж-Горохов, марий серызе, поэт, драматург, прозаик, кусарыше, актёр, СССР Серызе-влак ушемын йыжыҥъеҥже (1975), Марий АССР-ын сулло артистше (1977), Марий АССР-ысе Кугыжаныш премийын лауреатше (1978), Марий АССР-ын Калык артистше (1980), Россий Федерацийын сулло артистше (1988), Марий Эл Республикын Калык серызыже (2007).
• 1953 ий — Иван Германович Хлебников, партий да кугыжаныш вуйлатыше, Марий Эл Республикысе ялозанлыкын сулло пашаеҥже. Ончыч У Торъял, вара Шернур кундемласе комитетлаште шуаралтын, 1990-ше ий гыч кугыжаныш пашашке куснен. 5 ий Марий Эл виктер вуйлатышын алмаштышыже да тыгодымак ялозанлык министр лийын. 2005—2013 ийлаште Марий кугыжаныш университетыште проректор сомылым шуктен. Ятыр шанче пашан авторжо. Ялозанлык шанче кандидат.
• 1954 ий — Николай Иванович Васин, тазалык аралтыш пашаеҥ, Россий Федерацийын сулло эмлызыже. Брянск велыште шочын, Марий Элыште шке суапле пашаж дене кугу пагалымашым сулен. Паша корныжо Йошкар-Оласе эмлыме вер дене кылдалтын: тыште тудо тӱҥ эмлызе мартеат кушкын. Ятыр изобретенийын авторжо, кудышт кокла гыч «Надежда» аппаратшым палемдыман – тидланже тудо кугыжаныш премий денат палемдалтын. Медицине шанче кандидат.
• 1967 ий — Валерий Николаевич Максимов, йылмызе, шанчызе, туныктышо, филологий шанче кандидат (1998), доцент (2001).
• 1989 ий — Вадим Александрович Протасов (Санюн Вадик), «Марий Эл Радион» ончычсо вӱдышыжӧ, сарзе еҥ. Вадим Протасов Киров вел Пыжанъю кундемыште шочын-кушкын. Шинчымашым Вӱлеҥер школышто поген. Латик классым тунем лекмек, Йошкар-Олашке толын. Марий кугыжаныш университетыште "журналист" специальностьым налын, тыгак сымыктыш да тӱвыра колледжын театральный отделенийыште режиссёрлан заочно тунемын.

Коленыт

Тугак ончо: Категорий:Сорла тылзын 27 кечынже колышо-влак

• 2005 ий — Василий Павлов, марий мурызо, Марий Эл Республикын сулло артистше (2000).

Калык пале

• Тӱтан нӧлталалтеш гын, лавыртышан сентябрьлан.
• Сад-пакчаште умыр мардеж пуалеш — кукшо шыже толшаш.
• Михейын кечыже. Ожно тиде кече каменщик-влакын кугу пайремыштлан шотлалтын: поснак коҥгам оптышо-влакым саламленыт. Нунылан поро шомакым каласеныт, уке гын, коҥга оптышо ӱчымат ыштен кертеш маныныт.