24 сорла

←
→
Сорла
← →Сорла
	2026 ий

24 сорла (24 август) — григориан кечышот почеш идалыкын 236-шо (кужемдыме ийлаште — 237-ше) кечыже. Идалык пытыме марте 129 кече кодеш.

Йошкар-Олаште ☀️ Кече 4 шагатат 32 минутлан лектеш, 19 шагатат 4 минутлан шинчеш. Кечын кужытшо 🕒 14 шагатат 32 минут.
🌔 Ешаралт толшо тылзе (10.84 тылзе кече).

Пайрем да шарныктарыше кече-влак

Шудо каваныште пӧрдалме кече (руш. День валяния в стоге сена).
Коловрат Евпатий (руш. Евпатий Коловрат).
Вафле кече (руш. День вафель).
Персик когыльын кечыже (руш. День персикового пирога).
Шнуй Варфоломейын кечыже (руш. День святого Варфоломея).
Ӧрыктарыше семын тӱнямбал кечыже (руш. Международный день странной музыки).

Лӱмгече

Православий лӱм-влак: Александр, Василий, Гавиний (Габиний), Гаиан, Гаий, Донат, Евпл (Еупл), Зинон (Зенон), Клавдий, Куфий, Макарий (Макар), Максим, Марк (Марко), Мартин (Мартын), Неофит, Нифонт (Нифантий), Пассарион, Феодор (Фёдор), Мария (Марья), Препедигна, Сосанна.

Эртынчык-влак

Тугак ончо: Категорий:Сорла тылзын 24 кечысе событий-влак

Мемнан эрын 79-ше ийыште Везувий вулкан «помыжалтмылан» кӧра Помпей да Геркуланум ола-влак пытеныт.
1853 ий — ияторийыште икымше гана чипс манме кочкышым ыштен луктыныт.
1991 ий — Украина шке независимостьшо нерген увертарен. Тушто таче моткоч кугу пайрем палемдалтеш.
1930 ий — Йошкар-Оласе медтехникумым почмо нерген кӱштык лектын.

Шочыныт

Тугак ончо: Категорий:Сорла тылзын 24 кечынже шочшо-влак

1924 ий — Виктор Тимофеевич Белоусов, совет да российысе юрист. Йошкар-Ола прокурорын полышкалышыже, прокурорын сомылжым шуктышо (1951—1955), Марий АССР / Марий Эл Прокуратурын пӧлка начальникше (1955—1988, 1989—1997), юстицийын кугурак ойпуышыжо. РСФСР-ын сулло юристше (1975). Кугу Ачамланде сарын салтакше.
1940 ий — Юрий Семёнович Егошин, инженер, Россий Федерацийын сулло машина чоҥышыжо. Йошкар-Олаште шочын. Ӱмыржӧ мучко Марий машина чоҥышо заводышто тыршен. Суапле пашажлан ятыр кугыжаныш чап танык дене палемдалтын.
Яков Яныбаевич Яндыганов, шанчызе, географий шанче доктор, профессор. Пошкырт Республик Калтаса кундем гыч. Географийым шымлымаште кугу специалист.
1949 ий — Павел Иванович Сергеев, тазалык аралтыш пашаеҥ. Тудо Йошкар-Олаште шочын-кушкын. Кӱшыл шинчымашым Озаҥысе мединститутышто налын. Паша корныжо кугыжаныш санитар эпидем надзор да республикысе СПИД-рӱдер дене кылдалтын. Марий Элын сулло врачше.
1964 ий — Андрей Юрьевич Колесников, журналист да спорт пашаеҥ. Марий кугыжаныш университетым тунем лекме деч вара Йошкар-Оласе 11 №-ан школышто историй предметым вӱдаш тӱҥалын. Вара «Молодёжный курьер» газет редакцийыш куснен, а 1996—2001-ше ийлаште «Радио М» каналыште футбол спорт нерген передачым вӱден. 1994-ше ий гыч республикысе футбол федерацийын секретарьжылан тыршаш тӱҥалын.
1969 ий — Радик Константинович Пайдемиров, тӱвыра пашаеҥ да музыкант. Юлсер кундем Чодраял гыч. Паша корныжо Оршанке кундемысе музык школ дене кылдалтын. Тыгак тудо джазым возышо талантан семмастар семын палыме.

Коленыт

Тугак ончо: Категорий:Сорла тылзын 24 кечынже колышо-влак

2002 ий — Юрий Артамонов, марий серызе, журналист, туныктышо, кусарыше, СССР Серызе-влак ушемын йыжъеҥже (1980), Олык Ипай лӱмеш Марий комсомол премийын лауреатше (1978).
2015 ий — Борис Николаевич Родионов, совет да российысе шанчызе, технике шанче доктор, Мландыпаша (землеустройство) инженерым ямдылыше Москосо институтын аэрофотогеодезий кафедрыжын профессоржо.

Калык пале

Волгыжмо годым йӱр йӱреш – арня мучко ночко игечым вучыман.
Евпатий Коловратын кечыже. Ты кече ожнысек лӱдыкшӧ кечылан шотлалтын. Калык ой почеш, купыш кошташ ок лий, кӧ купышто ош имньым ужеш – тудо вашке илыш дене чеверласа. Тыгак тиде кечын ожно шорыкым тӱредаш тӱҥалыныт.