25 сорла

25 сорла (25 август) — григориан кечышот почеш идалыкын 237-ше (кужемдыме ийлаште — 238-ше) кечыже. Идалык пытыме марте 128 кече кодеш.

Пайрем да шарныктарыше кече-влак

•  Россий — Шахтёрын кечыже (руш. День шахтёра).
• Консерве банкын шочмо кечыже (руш. День рождения консервной банки).
• Пушеҥгылашке кӱзымӧ кече (руш. День лазанья по деревьям).
• Поветенный Фома (руш. Фотя Поветенный).
• Шупшалалт сӧрасена кече (руш. День Поцелуемся и помиримся).
• Секонд-хенд гыч налме чиемын кечыже (руш. День гардероба секонд-хенд).

Лӱмгече

• Александр, Капитон, Фотий.

Эртынчык-влак

Тугак ончо: Категорий:Сорла тылзын 25 кечысе событий-влак

• 1917 ий — «Ӱжара» газет лекташ тӱҥалын.
• 1479 ий — Москосо Кремльын Успений черкыжлан шнуй шӱлышым пуртеныт.
• 1930 ий — «Георгий Седов» лӱман ледокол Йӱдвел мландын касвел серышкыже миен шуын.
• 1997 ий — «Культура» кугыжаныш телеканалым почыныт.

Шочыныт

Тугак ончо: Категорий:Сорла тылзын 25 кечынже шочшо-влак

• 1888 ий — Василий Петрович Мосолов, марий шанчызе, агроном, растениовод, ялозанлык шанче доктор (1935), профессор (1925), академик ВАСХНИЛ (1935), ВАСХНИЛ-ын вице-президентше (1939 — 1951), марий-влак кокла гыч икымше академик, мер пашаеҥ.
• 1914 ий — Анатолий Березин, марий серызе, туныктышо, I степенян Ачамланде сар орденын кавалерже, 1941–1945 ийласе Кугу Ачамланде сарын участникше.
• 1936 ий — Валентин Иванович Анцыгин, йӧнозанлык вуйлатыше. Шкеже Угарман вел гыч, но паша вержым марий кундемыште муын: ятыр ий Йошкар-Оласе полурпроводник прибор заводышто контролёрлан тыршен. 1981-2000-шӧ ийлаште «Фарбиомаш» ушемын вуйлатышыже лийын. Тудын пашажым кӱкшын акленыт: «Знак Почёта» орден да кугыжаныш чап танык дене палемденыт.
• 1938 ий — Борис Алексеевич Александров, режиссёр, онаеҥ да спорт пашаеҥ. Тудын шочмо верже – Свердловск вел Красноуфим кундемысе Тавра ял. Тӱвыра пашаштат кугу пагалымашым сулен: тудым талантан режиссёр семын палат.
• 1946 ий — Екатерина Ивановна Ярденко, режиссёр. 20 ий утла тиде талантан режиссёр Республикысе курчак театрыште пашам ыштен. Суапле пашажлан Марий республикысе сымыктышын сулло пашаеҥже лӱм дене палемдалтын.
• 1939 ий — Валентина Николаевна Добрынина, тӱвыра да мер пашаеҥ, Марий Эл Республикысе тӱвыран сулло пашаеҥже. Шочынжо тудо пошкудо Татарстан Республик Элнет ялыште. Валентина Николаевна кумдан чапланыше «Вис-вис» вокал ансамбльым чумырен. Оршанка кундем кӧргысӧ мер пашаштат тиде чолга ӱдырамашын надырже моткоч кугу: кундемысо «Мари ушемын» вуйлатышыжланат шогалын.

Коленыт

Тугак ончо: Категорий:Сорла тылзын 25 кечынже колышо-влак

Калык пале

• Фотийын кечыже. Ожнысек ты кечын имне кичкыме ӱзгарым тергеныт да ачаленыт. Игече ояр шога гын, чодыраште ош поҥго сайын кушкеш.