26 сорла

←
→
Сорла
← →Сорла
	2026 ий

26 сорла (26 август) — григориан кечышот почеш идалыкын 238-ше (кужемдыме ийлаште — 239-ше) кечыже. Идалык пытыме марте 127 кече кодеш.

Йошкар-Олаште ☀️ Кече 4 шагатат 36 минутлан лектеш, 19 шагатат 0 минутлан шинчеш. Кечын кужытшо 🕒 14 шагатат 23 минут.
🌔 Ешаралт толшо тылзе (12.84 тылзе кече).

Пайрем да шарныктарыше кече-влак

Абхазий — Эрыкан лийме кече (руш. День независимости).
Кечывалвел Осетий — Эрыкан лийме кече (руш. День независимости).
Шондан кагазын кечыже (руш. День туалетной бумаги).
Пий кече (руш. День собак).
Латкумшо пырысын пайремже (руш. Праздник тринадцатой кошки).

Лӱмгече

Авундий, Алексий, Василий, Иаков, Иоанн, Иоасаф, Ипполит, Ириней, Константин, Максим, Николай, Парамон, Серафим, Серид, Тихон, Евдокия, Конкордия, Ксения.

Эртынчык-влак

Тугак ончо: Категорий:Сорла тылзын 26 кечысе событий-влак

1382 ий — татар хан Тохтамыш Моском руалтен налын да йӱлалтен.
1735 ий — Кечывалвел Уралыште Оренбург ола-крепостьлан негызым пыштыме.
2008 ий — Россий Федерацийын президентше Абхазийын да Кечывалвел Осетийын посна кугыжаныш семын эрыкан улмыштым пеҥгыдемден.

Шочыныт

Тугак ончо: Категорий:Сорла тылзын 26 кечынже шочшо-влак

1890 ий — Иван Никитич Яналов, тазалык аралтыш пашаеҥ да поэт. Марий Тӱрек кундем Марий Китне ял гыч. Ятыр жап Хлебниково селаште фельдшерлан пашам ыштен. «Сугыньо памаш», «Илыше ватым тойымо» поэме-влакын да ятыр почеламутын авторжо.
1925 ий — Александр Васильевич Бяков, совет туныктышо да калык туныктымо пашан чолга еҥже. Марий АССР-ысе Советский район калык туныктымо пӧлкан (РОНО-н) вуйлатышыже (1960—1972, 1978—1985), Советский КПСС райкомын секретарьже (1972—1978). Марий АССР школын сулло туныктышыжо (1983). Кугу Ачамланде сарын салтакше. Октябрь Революций орденын кавалерже (1986).
1927 ий — Геннадий Егошин, руш серызе, журналист.
1937 ий — Михаил Егорович Царегородцев, совет да российысе предприятийым чоҥышо, «Сибцветметавтоматика» НПО-н генеральный директоржо (Красноярск).
1949 ий — Юрий Валерьевич Алексеев, артист, тӱвыра да кугыжаныш пашаеҥ, Марий Эл Республикын сулло артистше. Морко кундемын талантан эргыже ойырен налме профессийже ден шинчымашым Луначарский лӱмеш театр сымыкытыш институтышто поген. Марий кугыжаныш драмтеатрыште ятыр ий актёрлан тыршен, вара телевиденийышке куснен, но 1977-ше ий гыч уэш Шкетан лӱмеш театрын сценыштыже модаш тӱҥалын. 1993-шо ийыште кугыжаныш пашашке куснен: Марий Эл виктерын сымыктыш да тӱвыра шотышто пӧлкан консультантше лийын. Кызытат Юрий Валерьевичым театрын сценыштыже ужаш лиеш.
1974 ий — Татьяна Витальевна Умурбаева, марий мурызо. Шкеже Пошкырт вел Илишевский кундем гыч. Ончыч паша корныжо Марий кугыжаныш филармонийыште шуйнен. Вара Татьяна журналистике сомылым ойырен. Кызытат журналист пашам шуктымо деч посна тудо сценыштат калыкым куандара.
1975 ий — Анджела Николаевна Мамаева, марий актриса, Марий Эл Республикын сулло артисткыже, Олык Ипай лÿмеш кугыжаныш премийын лауреатше. Паша корныжо Марий самырык театр дене кылдалтын.

Коленыт

Тугак ончо: Категорий:Сорла тылзын 26 кечынже колышо-влак

1913 ий — Стефан Кирович Кузнецов, руш историк, археолог, этнограф, педагог, библиограф, библиофил; статысе ойпуышо (советник). Руш историйысе географийлан негызым пыштыше-влак кокла гыч иктыже.

Калык пале

Кече мыняр йӱран — теле тунар луман лийшаш.
Игече шокшо шога гын, теле йӱштӧ лиеш.
Тихонын кечыже. Ожно тиде кечын кресаньык-влак вӱташтым, сарайыштым, нӧрепыштым тергеныт. Шушаш телылан ямдылалтыныт. Чодыраште поҥго шуко гын – вес ийыште кинде лектыш сай лийшаш.