26 сорла

26 сорла (26 август) — григориан кечышот почеш идалыкын 238-ше (кужемдыме ийлаште — 239-ше) кечыже. Идалык пытыме марте 127 кече кодеш.

Пайрем да шарныктарыше кече-влак

•  Абхазий — Эрыкан лийме кече (руш. День независимости).
•  Кечывалвел Осетий — Эрыкан лийме кече (руш. День независимости).
• Шондан кагазын кечыже (руш. День туалетной бумаги).
• Пий кече (руш. День собак).
• Латкумшо пырысын пайремже (руш. Праздник тринадцатой кошки).

Лӱмгече

• Авундий, Алексий, Василий, Иаков, Иоанн, Иоасаф, Ипполит, Ириней, Константин, Максим, Николай, Парамон, Серафим, Серид, Тихон, Евдокия, Конкордия, Ксения.

Эртынчык-влак

Тугак ончо: Категорий:Сорла тылзын 26 кечысе событий-влак

• 1382 ий — татар хан Тохтамыш Моском руалтен налын да йӱлалтен.
• 1735 ий — Кечывалвел Уралыште Оренбург ола-крепостьлан негызым пыштыме.
• 2008 ий — Россий Федерацийын президентше Абхазийын да Кечывалвел Осетийын посна кугыжаныш семын эрыкан улмыштым пеҥгыдемден.

Шочыныт

Тугак ончо: Категорий:Сорла тылзын 26 кечынже шочшо-влак

• 1890 ий — Иван Никитич Яналов, тазалык аралтыш пашаеҥ да поэт. Марий Тӱрек кундем Марий Китне ял гыч. Ятыр жап Хлебниково селаште фельдшерлан пашам ыштен. «Сугыньо памаш», «Илыше ватым тойымо» поэма-влакым да ятыр почеламутым возен.
• 1927 ий — Геннадий Егошин, руш серызе, журналист.
• 1949 ий — Юрий Валерьевич Алексеев, артист, тӱвыра да кугыжаныш пашаеҥ, Марий Эл Республикын сулло артистше. Морко кундемын талантан эргыже ойырен налме профессийже ден шинчымашым Луначарский лӱмеш театр сымыкытыш институтышто поген. Марий кугыжаныш драмтеатрыште ятыр ий актёрлан тыршен, вара телевиденийышке куснен, но 1977-ше ий гыч уэш Шкетан лӱмеш театрын сценыштыже модаш тӱҥалын. 1993-шо ийыште кугыжаныш пашашке куснен: Марий Эл виктерын сымыктыш да тӱвыра шотышто пӧлкан консультантше лийын. Кызытат Юрий Валерьевичым театрын сценыштыже ужаш лиеш.
• 1975 ий — Анджела Николаевна Мамаева, марий актриса.
• 1974 ий — Татьяна Витальевна Умурбаева, марий мурызо. Шкеже Пошкырт вел Илишевский кундем гыч. Ончыч паша корныжо Марий кугыжаныш филармонийыште шуйнен. Вара Татьяна журналистик сомылым ойырен. Кызытат журналист пашам шуктмо деч посна тудо сценыштат калыкым куандара.

Коленыт

Тугак ончо: Категорий:Сорла тылзын 26 кечынже колышо-влак

Калык пале

• Тихонын кечыже. Ожно тиде кечын кресаньык-влак вӱташтым, сарайыштым, нӧрепыштым тергеныт. Шушаш телылан ямдылалтыныт. Чодыраште поҥго шуко гын – вес ийыште кинде лектыш сай лийшаш.
• Игече шокшо шога гын, теле йӱштӧ лиеш.