30 сорла
|
||||||||||||||||||||||||||||||||||||||||||||||||||
| 2026 ий | ||||||||||||||||||||||||||||||||||||||||||||||||||
30 сорла (30 август) — григориан кечышот почеш идалыкын 242-шо (кужемдыме ийлаште — 243-шо) кечыже. Идалык пытыме марте 123 кече кодеш.
Йошкар-Олаште ☀️ Кече 4 шагатат 45 минутлан лектеш, 18 шагатат 50 минутлан шинчеш. Кечын кужытшо 🕒 14 шагатат 4 минут.
🌕 Тичмаш тылзе (16.84 тылзе кече).
Пайрем да шарныктарыше кече-влак
ООН — Виешлен йомдарыме еҥ-влакын тӱнямбал кечышт (руш. Международный день жертв насильственных исчезновений).
Казахстан — Казахстан Республикын конституций кечыже (руш. День Конституции Казахстан).- Электирке пылесосын шочмо кечыже (руш. День рождения электрического пылесоса).
- Татарстан Республикын кечыже (руш. День Республики Татарстан).
- Каберне Совиньон аракан тӱнямбал кечыже (руш. Международный день вина Каберне Совиньон).
- Компакт-кассетын шочмо кечыже (руш. День рождения компакт-кассеты).
- Дальнобойщикын кечыже (руш. День дальнобойщика) — сорла тылзын пытартыш шуматкечын палемдалтеш.
Лӱмгече
- Православий лӱм-влак: Алексий, Алипий, Димитрий, Евтихиан, Илья, Иулиания, Киприан, Корнут, Коронат, Левкий, Мирон, Павел, Патрокл, Пимен, Стратон, Филипп, Фирс, Юлиана.
Эртынчык-влак
Тугак ончо: Категорий:Сорла тылзын 30 кечысе событий-влак
- 1700 ий — Россий ден Швеций коклаште Йӱдвел сар тӱҥалын, а 21 ий эртымек тиде кечынак ты сар пытыме нерген вашкелшыкыш кидым пыштыме.
- 1703 ий — Петербург олан историйыштыже икымше гана вӱд ташлымаш – наводнений – лийын.
- 1918 ий — Фанни Каплан Владимир Ильич Ленин ӱмбак лӱен да нелын сусыртен.
Шочыныт
Тугак ончо: Категорий:Сорла тылзын 30 кечынже шочшо-влак
- 1948 ий — Галина Николаевна Швецова, туныктыш, администраций да кугыжаныш пашаеҥ, Марий Эл Республикысе туныктышын сулло пашаеҥже. Волжск олаште шочын. Марий кугыжаныш пединститутым тунем лекмеке, министр-влак погынысо архив пӧлкан изирак пашаеҥже лийын. Но паша корныжо икмыняр жап гыч пединститутышко куснен, вара туныктыш институтышто шуйнен. 2001—2017 ийлаште Галина Николаевна Марий Эл туныктыш министрлан тыршен. Профессор. Педагогике туныктыш шанче академийын академикше.
- 1952 ий — Владимир Григорьевич Наводнов, совет да российысе шанчызе, кӱшыл шинчымашын сайлыкшым аклымаште специалист.
- 1960 ий — Вениамин Викентьевич Мамуткин, архитектор. Паша корныжо «Марийскгражданпроект» ушемыште тӱҥалын, умбакыже уста архитектор «Артель» ушемым почын да шкеак вуйлаташ шогалын. 4 ий Йошкар-Олан тӱҥ архитекторжо сомылым шуктен шоген. Йошкар-Оласе эмлыме верын хирургий корпус, Яков Эшпай лӱмеш тоштер проект-влакын авторжо. Венгрийысе Залаэгерсег оласе этнографий тоштерыште «Марий илем» комплексым шыҥдарымылан тудо кугыжаныш премий дене палемдалтын.
- 1961 ий — Северьян Александрович ден Юрий Александрович Морозовмыт, туныктыш пашаеҥ-влак. Кужэҥер кундем Нурсолаште шочыныт. Северьян Александрович 1989-ше ий гыч Конганур кыдалаш школышто туныктышылан тыршаш тӱҥалын: 6 ий вуйлатышыже лийын. Юрий Александровичат сай туныктышо семын кугу пагалымашым сулен. Коктынат тале спорт организатор, мер пашаеҥ семын палыме улыт.
- 1975 ий — Эльвира Аркадьевна Ендылетова, журналист да поэтессе. Марий Тӱрек кундем Марий Купто ялыште шочын. 1997-ше ий годсек тудо «Кугарня» газет редакцийыште пашам ышта. Газетым лудшо-влаклан Эльвира Терентьева семын палыме. Поэзийым йӧратыше йолташыже-влакым почеламут сборник денат куандарен. Марий Элын сулло журналистше.
Коленыт
Тугак ончо: Категорий:Сорла тылзын 30 кечынже колышо-влак
Калык пале
- Эрдене тӱтыран да лупсан гын, кечывалым игече сай лийшаш.
- Эр ӱжара йошкарге — мардежан игечылан.
- Миронын кечыже. Тыгай калык палым эскереныт: эрдене тӱтыра чот шарлен гын, игече ояр лиеш. Тыгак тиде кечын тулык вате-влаклан полшаш тыршеныт.