21 сорла
|
||||||||||||||||||||||||||||||||||||||||||||||||||
| 2026 ий | ||||||||||||||||||||||||||||||||||||||||||||||||||
21 сорла (21 август) — григориан кечышот почеш идалыкын 233-шо (кужемдыме ийлаште — 234-ше) кечыже. Идалык пытыме марте 132 кече кодеш.
Йошкар-Олаште ☀️ Кече 4 шагатат 25 минутлан лектеш, 19 шагатат 11 минутлан шинчеш. Кечын кужытшо 🕒 14 шагатат 46 минут.
🌓 Икымше чырык (7.84 тылзе кече).
Пайрем да шарныктарыше кече-влак
ООН — Терроризмын жертвыжым шарныме да уштымо тӱнямбалсе кече (руш. Международный день памяти и поминовения жертв терроризма).
Россий — Офицерын кечыже (руш. День офицера).- Ветрогон Мирон (руш. Мирон Ветрогон).
- Тошто бурдюкын пайремже (руш. Праздник старых бурдюков).
- Спумони кече (руш. День спумони).
Лӱмгече
- Православий лӱм-влак: Анастасий (Анастас, Настас, Настасий), Герман, Григорий, Елевферий (Елеферий, Алферий, Алфер), Емилиан (Емельян, Емилий, Эмилиан, Эмилий), Зосима, Иосиф, Кассиан (Касьян), Леонид, Мирон (Мироний), Моисей, Никодим, Николай, Савватий (Савватей), Стиракий, Триандафил, Феодор (Фёдор).
Эртынчык-влак
Тугак ончо: Категорий:Сорла тылзын 21 кечысе событий-влак
- 1911 ий — Лувр тоштер гыч «Джоконда» сӱретым шолыштыныт.
- 1957 ий — совет учёный-влакын ыштыме Р-7 континент кокласе баллистик ракетым икымше гана южыш колтымо.
- 1991 ий — ГКЧП-ын августыысо путчшо порволен. Москва гыч войска-влакым мӧҥгеш луктыныт. Горбачёв, рӱдӧ олаш пӧртылмекше, чыла заговорщик-влакым арестоватлаш кӱштыкым луктын.
Шочыныт
Тугак ончо: Категорий:Сорла тылзын 21 кечынже шочшо-влак
- 1916 ий — Вера Евгеньевна Смирнова, марий мурызо да актриса, Марий Эл Республикын Калык артистше. Шкеже тудо Провой кундем Кожласола ял гыч. 1936-шо ий гыч тудо Искандаров лӱмеш капеллыште мураш тӱҥалын. Кугу Ачамланде сар годым филармонийын бригадыж дене пырля фронтлаште концертым ончыктен коштын. Марий профессионал вокал искусствым негызлымаште Вера Смирнован надырже моткоч кугу.
- 1935 ий — Роберт Венедиктович Кашутин, кӱсле мастар (1935—2006). Юлъялысе школышто мастерскойым почын, кÿслем ышташ тÿҥалын. Тидын деч посна моло семÿзгарымат ыштен.
- 1953 ий — Александр Александрович Попов, шанче электротехник, Марий Эл Республикысе шанчын сулло пашаеҥже, профессор. Шкеже Комсомольск-на-Амуре олаште шочын-кушкын. Паша корныжо Сибирьысе физик-техник институтышто тӱҥалын, вара Совет Ушем шанче академийын Сибирьысе пӧлкаштыже шуйнен. 1988-ше ийыште Александр Александрович Йошкар-Олашке толын да Марий кугыжаныш техник университетыште туныктышылан пашам ышташ тӱҥалын. Кӱшыл математикым да электродинамикым шымлымаште кугу специалист.
- 1952 ий — Эльвира Ивановна Костина, почто кыл организатор, Марий Эл Республикын сулло связистше. 1981-ше ий гыч тудо «Союзпечать» агенствын пашаеҥже лийын. Марий Элысе федерал почто кыл кучемышке куснен да вуйлатыше марте шуын.
- 1964 ий — Лидия Никаноровна Смирнова, тӱвыра да мер пашаеҥ. Тудо Курыкмарий кундемын шочшыжо. 2006-шо ий гыч Курыкмарий кундемысе тӱвыра пӧлкан вуйлатышыжлын тыршен, вара муниципал пашаш куснен. Мер илышыштат Лидия Никаноровна кугу пагалымашым сулен: Мер Каҥашын чолга еҥже. Паша корныжо Тимофей Евсеев лӱмеш кугыжаныш тоштер, «Сосновый бор» санаторий дене кылдалтын.
Коленыт
Тугак ончо: Категорий:Сорла тылзын 21 кечынже колышо-влак
Калык пале
- Мардеж поснак виян гын, куван кеҥеж марте йӱштӧ лийшаш.
- Миронын кечыже. Калык ой почеш, тиде кечын мардеж путырак талышна. Тӱтан мардеж лиеш гын, йӱштӧ шыжым вучыман.