5 сорла

←
→
Сорла
← →Сорла
	2026 ий

5 сорла (5 август) — григориан кечышот почеш идалыкын 217-ше (кужемдыме ийлаште — 218-ше) кечыже. Идалык пытыме марте 148 кече кодеш.

Йошкар-Олаште ☀️ Кече 3 шагатат 50 минутлан лектеш, 19 шагатат 46 минутлан шинчеш. Кечын кужытшо 🕒 15 шагатат 56 минут.
🌗 Пытартыш чырык (21.37 тылзе кече).

Пайрем да шарныктарыше кече-влак

Светофорын тӱнямбал кечыже (руш. Международный день светофора).
Иран — Айдемын праваж шотышто ислам кече (руш. Исламский день прав человека)
Колумбий — Боготысо карнавал (руш. Кapнaвaл Бoгoты)
Вийналтше штопорын кечыже (руш. День распрямившегося штопора).
Кавадӱрым ончыштмо кече (руш. День разглядывания горизонта).
Почаевысе Шочынава юмоҥан пайремже (руш. Праздник Почаевской иконы Божией Матери).

Лӱмгече

Православий лӱм-влак: Андрей, Аполлинарий (Аполлон, Аполинарий), Аполлоний, Виталиан (Виталий), Трофим, Феодор (Фёдор), Феофил (Фефил), Анна.

Эртынчык-влак

Тугак ончо: Категорий:Сорла тылзын 5 кечысе событий-влак

1941 ий — Одессым фашист-влак деч аралымаш тӱҥалын.
1975 ий — Тюмень-Сургут кӱртньыгорным почыныт. Тиде касвел Сибирьын ик эн тӱҥ корныжо.
1996 ий — Борис Ельцинын кӱштыкшӧ почеш кугыжаныш кучемын у символжым пеҥгыдемдыме.

Шочыныт

Тугак ончо: Категорий:Сорла тылзын 5 кечынже шочшо-влак

1864 ий — Евгений Николаевич Чириков, руш серызе, драматург да публицист.
1917 ий — Геннадий Васильевич Средин, совет сарзе пашаеҥ, политпашаеҥ. В. И. Ленин лӱмеш Сарзе-политике академийын начальникше (1981—1987), генерал-полковник (04.11.1973). СССР Кӱшыл Каҥашын 7-8-ше созывласе депутатше. УССР Кӱшыл Каҥашын 9-10-шо созывласе депутатше. 1971—1976 ийлаште УССР КП ЦК йыжыҥъеҥыш кандидат. Профессор.
1928 ий — Раиса Михайловна Вшивцева, туныктыш пашаеҥ, Марий Эл Республикын сулло туныктышыжо. Марий Турек районысо Кушко-Билямор ялыште шочын. Марий кугыжаныш педагогике институтым тунем лекмек, Алексеевскысе кандашияш школын завучшо лийын. Вара Шернурысо кыдалаш школышко куснен да 26 ий тыштак тыршен. Уло вий-куатшым да ӱмыржым йоча-влакым туныктымылан пӧлеклен. Тидын деч посна Раиса Михайловна 1970—1974 ийлаште Совет Ушем кӱшыл погынын депутатше лийын.
1946 ий — Викентий Иванович Пичушкин, партий да профсоюз пашаеҥ. Паша корныжо Курыкмарий кундемысе комитетыште тӱҥалын, вара областьысе профсоюз ушемын секретарьже лийын. Икмыняр жап гыч уэш Курыкмарий кундемышке пӧртылын: комитетыштат, ял озанлык пашаштат шуаралтын. 1990-1993-шо ийлаште Марий Эл Республикысе кӱшыл погынын депутатше лийын.
1962 ий — Олег Аркадьевич Толмачёв, спорт пашаеҥ, Марий Эл Республикын сулло тренерже. Киров велыште шочын. Паша корныжо тӱҥ шотышто Марий кугыжаныш педагогике институт дене кылдалтын. Тыште тудо спорт дисциплин кафедрын туныктышыжо лийын. Олег Арсентьевичын тунемшыже-влак кокла гыч шукынжо Россий да тӱнямбал кӱкшытысӧ таҥасымаште сеҥыше радамыш лектыныт.
1966 ий — Ирина Леонидовна Казанцева, Шернур кундемысе муниципал образований вуйлатышын алмаштышыже. Кугыжаныш Погын, тӱвыра министрствын чап грамотыжо дене палемдалтын.
1976 ий — Александр Геннадьевич Акшиков, шанче пашаеҥ. Шернур кундем Орехово ял гыч. В. М. Васильев лӱмеш Йылмым, сылнымутым да историйым шымлыше марий институтын пашаеҥже.
1965 ий — Лилия Аркадьевна Алексеева, тӱвыра пашаеҥ. Уста пашажлан Марий Эл Республикысе тӱвыран сулло пашаеҥже чаплӱм дене палемдалтын.
1961 ий — Инна Геннадьевна Чеснокова, туныктыш пашаеҥ. Паша корныжо Марий педагогике институт дене кылдалтын. Марий кугыжаныш университетын филологий да журналистик факультет деканын алмаштышыже. Руш да йотэл литератур кафедрын доцентше.

Коленыт

Тугак ончо: Категорий:Сорла тылзын 5 кечынже колышо-влак

Калык пале

Трофимын кечыже. Кугу тӱткышым тиде кечын полан кушкыллан ойыреныт. Полангичке дене тӱрлӧ йӱышым шолтеныт: поснак полан аракам ямдылаш тыршеныт.
Марий калык гын тыгай калык палым эскерен: йырваш полан пуш шарла гын – игече трук вашталтеш.