23 сорла
|
||||||||||||||||||||||||||||||||||||||||||||||||||
| 2026 ий | ||||||||||||||||||||||||||||||||||||||||||||||||||
23 сорла (23 август) — григориан кечышот почеш идалыкын 235-ше (кужемдыме ийлаште — 236-шо) кечыже. Идалык пытыме марте 130 кече кодеш.
Йошкар-Олаште ☀️ Кече 4 шагатат 29 минутлан лектеш, 19 шагатат 6 минутлан шинчеш. Кечын кужытшо 🕒 14 шагатат 37 минут.
🌓 Икымше чырык (9.84 тылзе кече).
Пайрем да шарныктарыше кече-влак
ООН — Еҥым кулыш савырымашым пытарыме да нуным шарныме тӱнямбал кече (руш. Международный день памяти жертв работорговли и её ликвидации).
Россий — Сарзе чап кече. Курск кредалмаште совет войска немыч армийым шалатен (1943 ий).- Лаврентийын кечыже (руш. Лаврентьев день).
- Шулдо авиабилетын кечыже (руш. День недорогих авиабилетов).
- Трайын чоҥештылме кечыже (руш. День полета божьих коровок).
Лӱмгече
- Православий лӱм-влак: Агапит, Афанасий, Вячеслав, Ирон, Лаврентий, Роман, Савва, Сикст, Феликиссим.
Эртынчык-влак
Тугак ончо: Категорий:Сорла тылзын 23 кечысе событий-влак
- ий — Руш спортсмен Онисим Панкратов Харбин олаште шке велопробегшым мучашлен.
- 1935 ий — Кремль вуйысо кок вуян арсланым Йошкар шӱдырлан вашталтеныт.
- 1939 ий — Совет Ушем да Германий икте-весе ӱмбак ынышт керылт манын Молотов ден Рибентроп вашкелшыкым пеҥгыдемденыт.
Шочыныт
Тугак ончо: Категорий:Сорла тылзын 23 кечынже шочшо-влак
- 1920 ий — Степан Прокопьевич Булыгин, партий да печать пашаеҥ, журналист. Шкеже У Торъял кундемысе Шуймучаш ял гыч. Ончыч Куженер кундемысе «Ӱжара» газет редакторлан тыршен, вара райсовет исполкомын вуйлатышыже, КПСС райкомын икымше секретарьже лийын. Журналист семын «Марий коммуна» газет редакцийыште пашам ыштен. Республикысе печать кучемын вуйлатышыжлан тыршен. Кӱшыл погынын депутатше лийын.
- 1925 ий — Михаил Григорьевич Байков, туныктышо, печать да партий пашаеҥ, РСФСР-ысе да МАССР-ысе тӱвыран сулло пашаеҥже. Поранча кундемысе Памашъял гыч. Паша корныжо школышто тӱҥалын, вара Шернур районысо «Коммунар» газетын, тыгак «Марий коммуна» газетын редакторжо лийын. Марий республик кӱшыл погынын депутатше, президиум вуйлатышын алмаштышыжлан тыршен.
- 1931 ий — Борис Михайлович Смоленцев, ялозанлык пашаеҥ, Марий республикын сулло зоотехникше. Шернур кундемыште шочын. Паша корныжо колхоз да совхоз-влак дене кылдалтын. «Аврора» колхоз вуйлатышылан, «За мир» колхозын зоотехникшылан тыршен. Вара Медведево кундемысе «Большевик» совхозышто тыршен, 30 ий утла «Нива» совхоз вуйлатышылан пашам ыштен. Суапле пашажлан Йошкар Знамя Паша орден дене палемдалтын.
- 1953 ий — Вера Васильевна Тукманова, администраций пашаеҥ. Шкеже Курыкмарий кундем Коротни ял гыч. Паша корныжо Йошкар-Оласе ола округ администрацийын Семёновкысо кучемже дене кылдалтын.
- 1963 ий — Александр Варсонофьевич Павлов, мер пашаеҥ да амалкалче. Килемар кундем Алёшкино ялыште шочын-кушкын. Паша корныжо Ардысе сельпо ушем дене кылдалтын. Мер пашаштат кугу пагалымашым сулен: 8-ше марий погынын делегатше лийын.
- 1979 ий — Валентина Александровна Квасова, спортсменка, Тӱнямбал классан Россий спорт мастер. Маскасола кундем Юбилейный посёлкышто шочын. 16 ияшыже годымак вольный борьба деке шӱмаҥын. Юниор-влак кокласе танасымаште гын Россий, Европын да тӱнямбал чемпионко лӱмым сулен. 2001-ше ийыште Россий чемпионатын ший призёржо лийын.
- 1986 ий — Вера Владимировна Горохова, журналист, мыскараче. Вера Советский район Кельмаксола ялыште шочын-кушкын. Ятыр ий тудо «Марий Эл ТВ», кызыт «МЭТР» телекомпанийыште корреспондентлан пашам ышта. Марий Элысе тÿвыра министерствын почётан грамотыжо, «Калык верч тыршымаш» медаль да моло чап танык дене палемдалтын. Вячеслав Абукаев-Эмгак лÿмеш сылнымут премийын лауреатше.
Коленыт
Тугак ончо: Категорий:Сорла тылзын 23 кечынже колышо-влак
- 2007 ий — Евгений Стариков, руш серызе, почеламутчо, Марий Эл Республикысе тӱвыран сулло пашаеҥже (1986), Юлсер Олан почётан гражданинже (1996), Россий Федерацийысе тӱвыран сулло пашаеҥже (1997), Россий Серызе-влак ушемын йыжъеҥже (2005).