17 сорла

17 сорла (17 август) — григориан кечышот почеш идалыкын 229-ше (кужемдыме ийлаште — 230-шо) кечыже. Идалык пытыме марте 136 кече кодеш.

Пайрем да шарныктарыше кече-влак

• Суртдымо чонан-влакын тӱнямбал кечышт (руш. Всемирный день бездомных животных).
• Шем пырыслан тауштымо кече (руш. День благодарности чёрным котам).
• Помыжалтше шайтанын кечыже (руш. День проснувшихся улиток).
• Чаравуян шоҥшын кечыже (руш. День лысых ёжиков).

Лӱмгече

• Католик лӱм-влак: Амор, Клара.
• Православий лӱм-влак: Андрей, Антонин, Димитрий, Дионисий (Дионис, Денис), Ексакустодиан, Елевферий (Елеферий, Алферий, Алфер), Иамвлих (Иамблих, Ямблих, Амблих), Иоанн (Иван), Константин, Максимилиан, Мартиниан (Мартьян), Михаил, Симеон, Фафуил, Дария (Дарья), Евдокия (Авдотья, Ия).

Эртынчык-влак

Тугак ончо: Категорий:Сорла тылзын 17 кечысе событий-влак

• 1896 ий — Клондайкыште историйыште кумдан палыме черетан «шӧртньӧ лихорадка» тӱҥалын.
• 1928 ий — Моско олаште «Динамо» стадионным почыныт.
• 1977 ий — Совет Ушемысе «Арктика» атом ледокол йӱдвел полюсыш миен шуын.
• 1981 ий — Республикысе тӱс сымыктыш тоштер почылтын.

Шочыныт

Тугак ончо: Категорий:Сорла тылзын 17 кечынже шочшо-влак

• 1929 — Пауль Кокла, тӱнямбал кӱкшытыштӧ кумдан палыме шанчыеҥ, философий доктор, финно-угор ушемын почётан еҥже. Эстонийысе Кярдла олаште шочын. Тудо марий йылмым шымлымыж дене кугу чапым сулен. Германийысе, Финлядийысе да Венгрийысе икмыняр университетлаште «Финно-угор тӱнясе калыкын йылмышт» предметым вӱден. Ятыр пашаже швед, эстон, венгр, фин йылмышке кусаралтын. 1990-ше ий гыч Пауль Кокла «Советское финно-угорведение» журналын тӱн редакторжылан тырша.
• 1930 ий — Николай Гурьянович Михеев, Россий Федерацийын сулло юристше. Марий Тӱрек кундем Руш-Шолнер ялыште шочын. Паша корныжо тӱҥ шотышто Йошкар-Оласе суд дене кылдалтын: ончыч судья, вара вуйлатышат лийын. 1975-1992-шо ийлаште Марий Элысе юстиций министрын алмаштышыже лийын.
• 1949 ий — Галина Семёновна Крылова, марий йылмызе, шанчызе, туныктышо, филологий шанче кандидат (1988), доцент, «Россий Федерацийын кӱшыл профессионал туныктышын почётан пашаеҥже».
• 1951 ий — Николай Никитьевич Волков, кугыжаныш да ял озанлык пашаеҥ, Марий Эл Республикысе ялозанлыкын сулло пашаеҥже. Киров велыште шочын. Паша корныжо Медведево районысо ял озанлык ушемыште тӱҥалын. Умбакыже министерствыштат икмыняр ий пашам ыштен. Кызыт гын Николай Никитьевич Россельхознадзорын Марий Элысе филиалжым вуйлата.
• 1959 ий — Марина Копылова, руш серызе, почеламутчо, журналист, Россий Cерызе-влак ушемын йыжъеҥже (2003).
• 1974 ий — Жанна Витальевна Шутылева, тӱвыра пашаеҥ. Шочмо-кушмо верже – Йошкар-Ола. 1990-ше ий гыч тудо «Улыбка» ансамбль вуйлатышылан тыршаш тӱҥалын, а тачысе кечылан Жанна Витальевнан вуйлатыме коллективше конкурслаште ик гана веле огыл сеҥышыш лектын, лауреат лӱм дене палемдалтын.

Коленыт

Тугак ончо: Категорий:Сорла тылзын 17 кечынже колышо-влак

Калык пале

• Кече могай, ноябрь тылзат тугай.
• Авдотьян кечыже. Ожно калык ты кечын чеснокым да шоганым луктедаш тӱҥалын. А киярым гын, мӧҥгешла, поген пытараш тыршеныт да тетла кияр йыраҥым тӱкален огытыл.
• Тиде кечын игечым ончен, ноябрь могай лийшашым мужедыныт.