10 сорла
| ← сорла → | ||||||
| Шч | Кш | Вр | Из | Кг | Шм | Рш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
| 2025 ий | ||||||
10 сорла (10 август) — григориан кечышот почеш идалыкын 222-шо (кужемдыме ийлаште — 223-шо) кечыже. Идалык пытыме марте 143 кече кодеш.
Пайрем да шарныктарыше кече-влак
— Биодезельын тӱнямбал кечыже (руш. Международный день биодизеля)[1].
Россий — Физкультурникын кечыже (руш. День физкультурника) — сорла тылзын 2-шо шуматкечын палемдалтеш.
Эквадор — Эрыкан лийыме кече (руш. День Независимости).- Смоленскысе Шочынава юмоҥалан вуйсавыме кече (руш. День почитания Смоленской иконы Божией Матери).
- Йогыланыме кече (руш. День лени).
Лӱмгече
- Танле (православный) лӱм-влак: Акакий, Арефа, Василий, Доримедонт, Евстафий, Евфимий, Иоанн (Иван), Иулиан, Моисей, Никанор, Николай, Павел, Пармен, Питирим, Прохор, Сергий (Сергей), Тимон, Анастасия, Антонина, Дросида, Елена, Ирина, Мавра.
Эртынчык-влак
Тугак ончо: Категорий:Сорла тылзын 10 кечысе событий-влак
Марий тӱняште
- 1858 ий — Провой кундем Сидельниково ялым негызлыме.
Тӱня мучко
- 1500 ий — Диегу Диаш Мадагаскар отром почын.
- 1524 ий — Новодевичий монастырьым почымо.
- 1792 ий — Парижыште калык восстаний лийын.
Шочыныт
Тугак ончо: Категорий:Сорла тылзын 10 кечынже шочшо-влак
- 1935 ий — Геннадий Сергеевич Ощепков, туныктыш пашаеҥ, Россий Федерацийысе кӱшыл школын сулло пашаеҥже шочын. Ончыч кугыжаныш комитетыште пашам ыштен, вара Марий политехник институтышко вончен да ректор сомылым шукташ тӱналын. 32 ий вуйлатыме жапыште тиде тӧнеж кӱшыл шинчымашым пуышо 100 эн сай тӧнеж радамыш пурен. Профессор. Йошкар-Олан почётан гражданинже.
- 1949 ий — Надежда Николаевна Зайцева, муниципал пашаеҥ, Марий Эл Республикын сулло чоҥышыжо. 3 ий Медведевысе райисполком вуйлатышын алмаштышыже сомылым шуктымо деч вара, Йошкар-Оласе администрацийыш куснен да 13 ий вуйлатышын алмаштышыже лийын. Экономика шанче кандидат.
- 1950 ий — Владимир Иванович Сидоров – кугыжаныш вуйлатыше, Россий Федерацийын сулло экономистше. У Торъял кундем Пектубай селаште шочын. Ончычсо паша корныжо Йошкар-Оласе Ленин райисполком финанс пӧлка дене, финанс министерстве дене кылдалтын. Россий Федерацийын 3-шо классан кугыжаныш советникше.
- 1959 ий — Хайдар Харисович Баляев, Марий Эл Республикысе тӱвыран сулло пашаеҥже палемда. Татарстан республик Балахна олаште шочын-кушкын. Ынде ятыр ий Йошкар-Оласе Сеҥымашын XXX идалыкше лӱмеш тӱвыра полатыште пашам ышта. Суапле пашажлан Олык Ипай лӱмеш кугыжаныш премий денат палемдалтын.
- 1965 ий — Татьяна Денисова, марий мурызо, Марий Эл Республикын сулло артистше. Морко кундем Масканур ялеш шочын.
- 1973 ий — Константин Анатольевич Иванов, марий балет артист, балет туныктышо, балетмейстер, мер пашаеҥ, Марий Эл Республикын сулло артистше (1998), Россий Федерацийын сулло артистше (2001), Марий Эл Республикын Калык артистше (2004), Марий Эл Республикысе И.С. Палантай лӱмеш Кугыжаныш премийын лауреатше (2005), Эрик Сапаев лӱмеш Марий кугыжаныш опер да балет театрын сылныквуйжо, Марий Эл Республикын Тӱвыра, савыктыш да калык паша шотышто министрже (2017).
Коленыт
Тугак ончо: Категорий:Сорла тылзын 10 кечынже колышо-влак
Калык пале
- Йӱдым шӱдыр-влак чот чӱчкат а эрдене кавам пыл авалта – кечывалым кӱдырчан лийын кертеш.
- Прохорын кечыже. Ты кечын ужалме-налме пашам шукташ тыршен огытыл. Кӱшӧ грушым погеныт. Тыгак ты кечын апшат-влак шке пайремыштым эртареныт.