Навозов, Фёдор Дмитриевич

РУВИКИ — эрыкан энциклопедий гыч материал
Фёдор Дмитриевич Навозов
Навозов, Фёдор Дмитриевич.jpg
Флаг
ВКП(б) Марий обкомын икымше секретарьже
1942 ий 30 апрель — 1945 ий 9 июль
Ончычсо пашаеҥ Вениамин Михайлович Кушнарёв
Алмаштыше Иван Терентьевич Колоколкин
Шочын 19 пеледыш 1910(1910-06-19)
Колен 18 сорла 1986(1986-08-18) (76 ий)
Тойымо вер У шӱгарла (Смоленск)
Партий КПСС

Фёдор Дмитриевич Навозов (19 пеледыш 1910, Елшанка[d], Петровск уезд[d], Саратов губерний[d], Россий империй — 18 сорла 1986, Смоленск, Смоленск область, РСФСР[d], СССР) — совет партий пашаеҥ, КПСС Марий обкомын икымше секретарьже (1942—1945).

Илыш корныжо

1910 ий 19 июньышто Саратов губернийын Петровск уездысе Елшанка ялыште (кызыт Пенза областьысе Лопатино район) шочын[1]. Латкуд ияш гыч ялозанлык артельыште пашам ыштен. Волостьысо комсомол комитетын секретарьже, а вара — Оренбург (Чкалов) областьын ВКП(б) Краснохолмск райкомын секретарьже, икымше секретарьже лийын (1937—1939). 1939 ийыште пашаш Свердловскыш кусарыме, ВКП(б) Свердловск обкомын кокымшо секретарьже должностьым айлен[2].

1942 ий 30 апрельыште ВКП(б) Марий обкомын X-шо пленумыштыжо обкомын икымше секретарьжылан сайлалтын. 1945 ий июль тылзыште ВКП(б) Марий обком пленумын пунчалже дене должность гыч кораҥдалтын[3].

1945 ий гыч Саратов областьысе ВКП(б) Пугачёвысо райкомын икымше секретарьже, вара — Печора кӱртньыгорно (Архангельск кундемысе Котлас ола, 1949—1959) политике пӧлкан, тунемме тӧнеж-влакын пӧлка вуйлатышыже лийын[3].

1959 ий гыч Смоленскыште илен, Калинин кӱртньыгорно  (руш.) (мар. тунемме тӧнеж-влакым вуйлатен. 1963 ийыште КПСС Смоленск ялысе обкомын идеологий пӧлка вуйлатышын алмаштышыжлан пашам ышташ тӱҥалын. Ялозанлык обкомым пытарыме деч вара КПСС Смоленск обкомын парткомиссий йыжыҥъеҥже лийын. 1966 ийыште Смоленск кундемысе СССР Министр-влак Каҥаш пеленысе Юмыйӱла паша шотышто Каҥашын ӱшанъеҥжылан тыршаш тӱҥалын. Ты должностьышто 1977 ийыште пенсийыш лекмешкыже пашам ыштен[2].

Медаль-влак дене суапландаралтын[2].

1986 ий 18 августышто колен, Смоленскысе У шӱгарлаште тойымо[3].

Палемдымаш

  1. ↑ Справочник по истории Коммунистической партии и Советского Союза 1898 - 1991. www.knowbysight.info. Тергыме кече: 13 шорыкйол 2026.
  2. ↑ 1 2 3 Навозов Фёдор Дмитриевич (руш.). smolnecropol.ru. Тергыме кече: 13 шорыкйол 2026.
  3. ↑ 1 2 3 Навозов Фёдор Дмитриевич, <https://marihistory.ru/2011-01-01-20-08-55/23220-navozov-fedor-dmitrievich.html>. Тергыме: 13 шорыкйол 2026. 

Литератур

  • Навозов Фёдор Дмитриевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 250. — 2032 экз. — ISBN 5-87898-357-0.
  • Навозов Фёдор Дмитриевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 563. — 872 с. — 3505 экз. — ISBN 978-5-94950-049-1.

Кылвер-влак

"https://mhr.ruwiki.ru/w/index.php?title=Навозов,_Фёдор_Дмитриевич&oldid=1233304" гыч налме