29 сорла

← → Сорла
Шч Кш Вр Из Кг Шм Рш           1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

29 сорла (29 август) — григориан кечышот почеш идалыкын 241-ше (кужемдыме ийлаште — 242-шо) кечыже. Идалык пытыме марте 124 кече кодеш.

Йошкар-Олаште ☀️ Кече 4 шагатат 43 минутлан лектеш, 18 шагатат 53 минутлан шинчеш. Кечын кужытшо 🕒 14 шагатат 9 минут.
🌕 Тичмаш тылзе (15.84 тылзе кече).

Пайрем да шарныктарыше кече-влак

•  ООН — Ядерный тергымаш ваштареш шогымо тӱнямбал кече (руш. Международный день действий против ядерных испытаний).
• Пӱкш Спас (Кумшо Спас) (руш. Ореховый Спас).
• Мотоциклын шочмо кечыже (руш. День рождения мотоцикла).
• Исус Христосын кид дене огыл ыштыме сынжым кусарыме пайрем (руш. Праздник перенесения Нерукотворного образа Господа Иисуса Христа).
• Шукырак шудым, шагалрак шинчалым кече (руш. День Больше трав, меньше соли).

Лӱмгече

• Католик лӱм-влак: Сабина, Иоанн.
• Православий лӱм-влак: Александр, Алкивиад, Герасим, Диомид, Еглон, Иаков (Яков), Иоаким, Лаврентий, Мемсамбий, Никодим, Нил, Стаматий, Стефан (Степан), Херимон, Анна.

Эртынчык-влак

Тугак ончо: Категорий:Сорла тылзын 29 кечысе событий-влак

Марий тӱняште

• 1958 ий — Марий республикысе писатель-влакын икымше погынышт эртен.

Тӱня мучко

• 1698 ий — Пётр Кугыжа подданыже-влаклан пондашым нӱжаш да европысо вургемым чияш каласен.
• 1831 ий — англичан физик Майкл Фарадей электромагнитный индукций явленийым почын.
• 1885 ий — Германий гыч Готлиб Даймлер икымше мотоцикллан патентым налын.
• 1949 ий — Казахстанысе Семипалатинск ядерный полигонышто атоныйм бомбын икымше испытанийже эртен. А 52 ий эртымек 28 августышто тиде полигоным петырыме.

Шочыныт

Тугак ончо: Категорий:Сорла тылзын 29 кечынже шочшо-влак

• 1824 ий — Пётр Владимирович Алабин, руш дворян, кугыжаныш да мер пашаеҥ, писатель да журналист, чынле статский ойпуышо, Самара олан вуйлатышыже (1885—1891), Виче, Самара да София ола-влакын чапланыше гражданже.
• 1920 ий — Александр Иванович Кожевников, сарзе вуйлатыше, генерал-полковник. Тудо Оршанке район Сухой Овраг ял гыч. Самырык пагытше Кугу Ачамланде сар дене кылдалтын. Туштак тудо сарзе пашан кӱлешлыкшым умылен да сар деч варат тиде аланыштак тыршаш тӱҥалын. Сарзе шанче кандидат лийын.
• 1940 ий — Ринат Ибрагимович Сафин, совет биатлонист, олимпий чемпион (1972), ныл гана тӱнямбал чемпион, СССР-ын сулло спорт мастерже (1969).
• 1954 ий — Анатолий Сергеевич Ишалин, литератор, туныктыш да кугыжаныш пашаеҥ. Шкеже Пошкырт Эл гыч. 1997-ше ий гыч туныктыш министерствыште пашам ышташ тӱҥалын. Тыгак тудо уста литератор семын палыме. Педагогике шанче кандидат.
• 1956 ий — Вячеслав Тимофеевич Созонов, Марий Элын сулло да калык артистше. У Роҥго кундем Кукмарий ялыште шочын. Ойырен налме профессийже дене шинчымашым Озаҥысе консерваторийыште налын. Паша корныжо Эрик Сапаев лӱмеш опер да балет театр дене кылдалтын.
• 1960 ий — Игорь Иванович Губаев, журналист. Шочмо велже – Пошкырт Элысе Калтаса кундем Кокуш ял. Паша корныжо «Чолман» газет редакций дене кылдалтын. Поэт семынат палыме.
• 1974 ий — Клара Евгеньевна Аникина, Марий Элын сулло артисткыже. Шкеже Пошкырт Эл Пӱрӧ вел гыч. Марий самырык театрыште 1991-ше ийыште Йошкар-Оласе Палантай лÿмеш музык училищышке тунемаш пурымо годсек пашам ышта. Ондак йоча-влаклан шындыме йомак спектакльлаште изирак роль-влакым модын гын, кызыт ме актрисым келге шонымашан драмыштат, весела мыскара спектакльыштат ужына. К. Аникина пашаже да актёр мастарлыкшылан Марий Эл тӱвыра, печать да калык-влак кокласе кыл шотышто министерствын Почётан чап таныкше дене палемдалтын.

Коленыт

Тугак ончо: Категорий:Сорла тылзын 29 кечынже колышо-влак

• 1999 — Владимир Любимов, марий серызе, журналист, кусарыше, СССР серызе-влак ушемын йыжыҥъеҥже (1981), Марий Эл Республикысе тӱвыран сулло пашаеҥже (1998).

Калык пале

• Пуш-влак вӱд ӱмбалне шып шогат — тымык, ӱшык шыже да леве телылан.
• Кӱдырчан йӱр леве шыжым шижтара.
• Спас пайрем. Тиде кече деч вара пӱкшым погаш лиеш, маныныт. Тыгак тавым эрыктеныт. Касвелеш ӱдырамаш-влак укиндым кӱэштыныт.

Палемдымаш