16 сорла

← → Сорла
Шч Кш Вр Из Кг Шм Рш           1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

16 сорла (16 август) — григориан кечышот почеш идалыкын 228-ше (кужемдыме ийлаште — 229-ше) кечыже. Идалык пытыме марте 137 кече кодеш.

Йошкар-Олаште ☀️ Кече 4 шагатат 14 минутлан лектеш, 19 шагатат 22 минутлан шинчеш. Кечын кужытшо 🕒 15 шагатат 8 минут.
🌒 Кушшо тылзе (2.84 тылзе кече).

Пайрем да шарныктарыше кече-влак

•  Россий — Эҥыж варене кече (руш. День малинового варенья).
• Антон Вихровей (руш. Антон Вихровей).
• Шке кид дене ыштыме ӧрыктарымашын кечыже (руш. День чуда своими руками).
• Ромын кечыже (руш. День рома).
• Мыскарам каласкалыме кече (руш. День рассказывания анекдотов).

Лӱмгече

• Католик лӱм-влак: Диомед, Лаврентий, Лорикат, Серена.
• Православий лӱм-влак: Антоний (Антон), Вячеслав, Далмат (Далматий), Иоанн (Иван), Исаакий (Исаак, Исак, Исакий), Косма (Коэма, Козьма, Кузьма), Николай, Ражден, Фавст (Фауст), Саломия.

Эртынчык-влак

Тугак ончо: Категорий:Сорла тылзын 16 кечысе событий-влак

• 1941 — Совет Ушем кӱшыл погын ставкын 270-ше №-ан кӱштыкшӧ лектын. Тудын почеш, немыч-влаклан шкевуя пленыш логалше-влак Родиным ужалыше-влак радамыш пурат.
• 1960 — Астронавтик академийым почмо.

Шочыныт

Тугак ончо: Категорий:Сорла тылзын 16 кечынже шочшо-влак

• 1919 — Михаил Михайлович Кологривов, Совет Ушемын Талешкыже. Провой кундем Кокшайск селан талешкыже подвигше-влак дене Александр Невский, Йошкар Шӱдыр, Ленин, Йошкар Знамя орден-влакым сулен.
• 1948 — Николай Иванович Зайцев, мер пашаеҥ. Киров вел Малмыж кундем Кошай ялыште шочын. Тыгак тудо мӱкшым сайын ончышо специалист семын чапланен. Марий калыкын мер толкыныштат шуаралтын: 4 ий марий калык погынын чолга еҥже лийын.
• 1946 — Галина Леонидовна Сорокина, тӱвыра пашаеҥ. Провой кундем Кокшамар селаште шочын. Шочмо кундемыштыже ялысе книгагудын вуйлатышыжлан тыршен. 14 ий сельсовет вуйлатышыланат шоген. Калыкыште, мер пашаште кугу пагалымашым сулен.
• 1953 — Антонида Гурьевна Эшкинина, туныктыш пашаеҥ, Россий Федераций тӱвыран сулло пашаеҥже. Волжск район Пезмучаш ялыште шочын. Йошкар-Оласе сем училищым тунем лекмек, 1-ше №-ан школ-интернатыште йоча-влакым виолончель дене шокташ туныкташ тӱналын. Вара завучлан тыршен. 30 ий ончыч виолончелист-влак ансамбльым чумырен да шкежак тудым вуйлатен.
• 1960 — Эрнст Алексеевич Петров (Эрик Петров), марий серызе, поэт, журналист. Ятыр книган авторжо.
• 1982 — Александр Витальевич Илларионов, марий шанчызе, йылмызе, филологий шанче кандидат (2008).
• 1985 — Алина Альбертовна Прокопьева, спортсмен. Алина Альбертовна Морко кундем Арын селаште шочын, куштылго атлетике дене спорт мастер, Российын тӱнямбал классан спорт мастерже. Ятыр спорт таҥасымаште шкенжым чолган ончыктен, ик гана веле огыл Российын чапшым тӱрлӧ таҥасымаште арален. Алина Прокопьева Чуваш республикын сборныйын еҥже.

Коленыт

Тугак ончо: Категорий:Сорла тылзын 16 кечынже колышо-влак

• 1941 — Василий Павлович Куликов, совет озанлык, кугыжаныш да политике пашаеҥ.

Калык пале

• Йӱр кужун йӱреш — курезым ида вучо.
• Йӱр тӱҥалеш гын, шым арня гыч гына пытышаш.
• Антонын кечыже. Тыгай калык палым эскереныт: мардеж чот пуалеш гын, шушаш теле йӱштӧ лиеш. Антон кечын пӧртыштӧ, кудывечыште шӱкым эрыктен огытыл, тыге маныныт: «Тиде кечын суртыштет ару гын, идалык мучко оксакалтат яра лиеш».

Палемдымаш