15 сорла

← → Сорла
Шч Кш Вр Из Кг Шм Рш           1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

15 сорла (15 август) — григориан кечышот почеш идалыкын 227-ше (кужемдыме ийлаште — 228-ше) кечыже. Идалык пытыме марте 138 кече кодеш.

Йошкар-Олаште ☀️ Кече 4 шагатат 11 минутлан лектеш, 19 шагатат 24 минутлан шинчеш. Кечын кужытшо 🕒 15 шагатат 13 минут.
🌑 У тылзе (1.84 тылзе кече).

Пайрем да шарныктарыше кече-влак

•  Россий — Археологын кечыже (руш. День археолога).
•  Россий — Авиачоҥышын кечыже (руш. День авиастроителя).
•  Йӱдвел Корей,  Кечывалвел Корей — Эрыкан лийыме кече.
• Алло телефон саламлымашын шочмо кечыже (руш. День рождения телефонного приветствия Алло).
• Виктор Цойым шарныме кече (руш. День памяти Виктора Цоя).
• Мария ӱдырын нӧлтмыжӧ (руш. Вознесение Девы Марии).
• Тыва Республикын кечыже (руш. День Республики Тыва).
• Шере киярын кечыже (руш. Праздник сладких огурцов).

Лӱмгече

Православий лӱм-влак: Авив, Бон, Василий, Гамалиил, Гонорат, Екзуперанций, Иоанн (Иван), Калюмниоз, Кастел, Кирилл (Кирил), Мавр, Немезий, Никодим, Олимпий (Олимп), Олимпан, Платон, Примитиво, Роман, Симфоний, Стефан (Степан), Тарасий, Теодол, Тертуллин, Фавст (Фауст), Феодор (Фёдор), Фока (Фокей, Фокан, Фок), Екзуперия, Люцилла.

Эртынчык-влак

Тугак ончо: Категорий:Сорла тылзын 15 кечысе событий-влак

Марий тӱняште

• 1936 — Звенигово чодыра озанлыкым ыштыме.
• 1960 — Йошкар-Оласе телевидений студий пашам ышташ тӱҥалын.

Тӱня мучко

• 1723 — руш император-влакын кеҥежымсе резиденцийыштым – Петергофым — почыныт.
• 1877 — изобретатель Томас Эдисон телефон дене мутланаш тӱҥалашлан «Алло» (Hello) шомакым темлен.
• 1914 — Панам канал гоч икымше пуш ийын эртен.

Шочыныт

Тугак ончо: Категорий:Сорла тылзын 15 кечынже шочшо-влак

• 1911 — Алексей Николаевич Громов, Кугу Ачамланде сарын салтакше, младший лейтенант, Совет Ушемын Талешкыже. Сар деч вара шочмо кундемыштыже тыршен, колхоз, сельсовет председатель лийын. Тудын лÿмжым Советский посёлкын ик уремже нумалеш.
• 1920 — Виктор Иванович Лобанов, совет сар авиацийын пашаеҥже. Кугу Ачамланде сарын салтакше: лётчик-инструктор, Закавказье фронтышто Кировабадысе сар-авиаций училищын звено командирже. Марий АССР-ысе Йошкар-Оласе иктыш ушнымо авиаций отрядын командирже (1961—1984), авиаций полковник. РСФСР транспортын сулло пашаеҥже (1980). Ленин орденын кавалерже (1973).
• 1940 — Борис Михайлович Новиков, тазалык аралтыш пашаеҥ, медицине шанче кандидат, Россий Федерацийын сулло эмлызыже. Озаҥ олаште шочын. Шочмо оласе мединститутым тунем лекмек, Йошкар-Оласе медучилищыш туныктышылан пашам ышташ толын. Вара эмлыме верыште, Марий кугыжаныш университетыште, институтышто тыршен. 16 ий оласе эмлыме верын хирургий пӧлкажым вуйлатен.
• 1940 — Владислав Шуматович Конышев, краевед, журналист. Шкеже Кужэҥер кундем, Кугу Нольдӱр ял гыч. Паша корныжым Шернур районысо санэпидстанций дене кылден. Владислав Шуматович спортсмен-влак нерген «Сернурские самоцветы» книгам луктын.
• 1947 — Римма Аркадьевна Мороз, вольык ончышо специалист. Советский район Кӧрдемтӱр ялыште шочын. 1969-ше ий гыч тудо шочмо районысо Киров лӱмеш колхозын шӧр-ужалымаш фермым вуйлатен. Совет Ушем кӱшыл погынын депутатше лийын. Суапле пашажлан 2-шо да 3-шо степенян Паша чап орден дене палемдалтын.
• 1962 — Любовь Вадимовна Смирнова, журналист. Шкеже Карелий кундем гыч. 1999 ийыште тудо Килемар районысо «Восход» газет редакцийыште пашам ышташ тӱҥалын да ты пашаж дене кугу пагалымашым сулен. «Марий Элын шӧртньӧ перожо» премий дене палемдалтын.
• 1966 — Сергей Дмитриевич Петров, тӱвыра да мер пашаеҥ. Угарман кундемыште шочын. Паша корныжо шочмо кундемысе тӱвыра пӧрт дене кылдалтын.
• 1976 — Пётр Николаевич Журавлёв, кугыжаныш пашаеҥ. Тудо Йошкар-Олаште шочын-кушкын. Паша корныжо туныктыш министерствын самырык-влакын пашашт шотышто пӧлка дене кылдалтын. Мер пашаштат кугу пагалымашым сулен.
• 1980 — Антон Олегович Котяков, россий кугыжаныш пашаеҥ, экономист.

Коленыт

Тугак ончо: Категорий:Сорла тылзын 15 кечынже колышо-влак

• 2005 — Иван Григорьевич Дружинин, совет да российысе ялозанлык пашаеҥ, юрист. Марий «Свинопром» сӧснам куштымо совхоз-влак трестын директоржо (1977—1983). Ленин орденын кавалерже (1971).

Калык пале

• Кастене йӱр йӱреш гын, эрдене поҥго шочеш.
• Игече могай лиеш – сентябрь мучко тугаяк шогышаш.
• Степанын кечыже. Кугу тӱткышым имне-влаклан ойыреныт: нуным памаш деке конденыт да вӱдым йӱктеныт, но ончыч вӱдыш ший оксам кудалтеныт. Тиде окса тукым гыч тукымыш куснен: тудын дене нимогай сатумат налын огытыл.

Палемдымаш