13 сорла
|
||||||||||||||||||||||||||||||||||||||||||||||||||
| 2026 ий | ||||||||||||||||||||||||||||||||||||||||||||||||||
13 сорла (13 август) — григориан кечышот почеш идалыкын 225-ше (кужемдыме ийлаште — 226-шо) кечыже. Идалык пытыме марте 140 кече кодеш.
Йошкар-Олаште ☀️ Кече 4 шагатат 7 минутлан лектеш, 19 шагатат 29 минутлан шинчеш. Кечын кужытшо 🕒 15 шагатат 21 минут.
🌘 Шоҥго тылзе (29.37 тылзе кече).
Пайрем да шарныктарыше кече-влак
— Шолагайын тӱнямбал кечыже (руш. Международный день левшей).- Вашлиймаш кече (руш. День встреч).
- Одоким кече (руш. Евдокимов день).
- Йӱкланыше ракывотын кечыже (руш. День шумящих ракушек).
Лӱмгече
- Католик лӱм-влак: Ипполит, Понтиан.
- Православий лӱм-влак: Антоний (Антон), Арсений, Василий, Вениамин, Владимир, Геласий (Галасий), Георгий (Егор, Егорий), Дионисий, Евдоким (Авдоким), Иоанн (Иван), Иосиф (Иосип, Осип, Есип), Константин, Максим, Николай, Сергий (Сергей), Стефан (Степан), Юрий, Анна, Елисавета (Елизавета), Иулитта (Юлитта Улита).
Эртынчык-влак
Тугак ончо: Категорий:Сорла тылзын 13 кечысе событий-влак
Марий тӱняште
- 1940 ий — Оршанка, У Торъял, Шернур лесничестве-влакым ыштыме.
Тӱня мучко
- 1828 ий — Лондонышто телевидений дене тӱрлӧ чиян икымше передачым ончыктеныт.
- 1961 ий — ФРГ ден ГДР коклаште пырдыжым чоҥаш тӱҥалыныт. Тиде шылын куржшо-влак деч арала манын шоненыт. Историйыште тиде сооружений Берлин пырдыж лӱмым налын.
Шочыныт
Тугак ончо: Категорий:Сорла тылзын 13 кечынже шочшо-влак
- 1874 ий — Андрей Петрович Тольский, чодыра озанлык шотышто руш совет шанчыеҥ, теоретик, Российын кукшо кумдыкыштыжо чодырам куштышо пионер, чодырасе кушкыл да метеорологий шотышто пашаеҥ. Туныктышо, профессор. Марий АССР-ын шанчын сулло пашаеҥже.
- 1943 ий — Анна Александровна Парандайкина, Марий Эл Республикысе торгайымаш сомылын сулло пашаеҥже. Кужэҥер кундем Нурсола гыч. Москосо торгайымаш техникумым тунем лекмек, Йошкар-Оласе кевыт-влак секцийын вуйлатышыже лийын. 1984—1989 ийлаште Совет Ушем кӱшыл погынын депутатше лийын.
- 1954 ий — Александр Алексеевич Аганин, математик, физик да математик шанче доктор. Провой кундем Красногорский посёлкышто шочын. Паша корныжо Озаҥысе пединститутышто тӱҥалын, вара шанче рӱдерысе машина чоҥымо да механик институтышко куснен. Тудо икымше газ пульсаций моделированийым ыштен, тидын дене тудо кугу чапым сулен.
Коленыт
Тугак ончо: Категорий:Сорла тылзын 13 кечынже колышо-влак
- 1955 — Аптулай Пасет, марий серызе, почеламутчо, прозаик, журналист, 1941–1945 ийласе Кугу Ачамланде сарын участникше.
- 1987 — Дмитрий Гаврилович Салтыков, совет юрист, административный вуйлатыше, мер-политике пашаеҥ. Марий АССР Кӱшыл Каҥашын 3-шо созыв Президиумын Председательжын алмаштышыже (1951—1955). Марий кундемысе профушем Каҥашын председательже (1948—1952), Марий АССР адвокат коллегий Президиумын председательже (1960—1965). Кугу Ачамланде сарын участникше. ВКП(б)-ын йыжыҥъеҥже.
Калык пале
- Вараксим-влак шукын чоҥештылыт гын, шыже ондак толеш.
- Чыве-шамыч чыве вӱта деч тораште коштыт гын, игече локтылалтшаш.
- Евдокимын кечыже. Ты кечын ожно реве гыч тӱрлӧ кочкышым ямдыленыт: когыльымат кӱэштыныт, пурамат шолтеныт.