22 сорла

22 сорла (22 август) — григориан кечышот почеш идалыкын 234-ше (кужемдыме ийлаште — 235-ше) кечыже. Идалык пытыме марте 131 кече кодеш.

Пайрем да шарныктарыше кече-влак

•  Россий — Россий Федерацийысе кугыжаныш флагын кечыже (руш. День Государственного флага Российской Федерации).
• Коми Республикын кечыже (руш. День Республики Коми).
• Шонанпылыште мунчалтыме кече (руш. День катания по радуге).

Лӱмгече

• Православий лӱм-влак: Алексий (Алексей), Антоний (Антон), Григорий, Димитрий (Дмитрий), Иаков (Яков), Иоанн (Иван), Иулиан (Юлиан, Ульин), Леонтий (Леонт), Лонгин, Макарий (Макар), Маркиан, Матфий (Матфей, Матвей), Пётр, Псой, Самуил (Самойло, Самойла), Фока, Фотий (Фотин, Фот, Фотей, Фатёй), Ирина, Мария.

Эртынчык-влак

Тугак ончо: Категорий:Сорла тылзын 22 кечысе событий-влак

• 1922 ий — Зальцбургышто театр сымыктышын фестивальже эртен.
• 1941 ий — Совет Ушем аралымаш комитетын 562-шо №-ан кӱштыкшӧ лектын. Тиде кӱштык почеш кажне салтаклан кечылан ик гана 100 грамм арака пуалтеш.
• 2004 ий — Владимир Путин льготный оксам тӱлымӧ шотышто икмыняр кӱштыкыш кидшым пыштен. Нуно туныктыш системым, инвалид ден ветеран-влакын окса кугытыштым авалтен.

Шочыныт

Тугак ончо: Категорий:Сорла тылзын 22 кечынже шочшо-влак

• Иван Иванович Анциферов, гвардийын генерал-майоржо (1896-1978). Иван Иванович Икымше тӱнямбал, Граждан да Кугу Авамланде сарыште лийын. Йошкар-Олан почетан гражданинже. Йошкар Знамя орденын кавалерже, Йошкар Шӱдыр, Ленин, Кутозовын 2 степенян, Суворов лӱмеш 2 степенян, Богдан Хмельницкий лӱмеш 2 степенян орден-влак дене суапландаралтын. Иван Анциферовын лӱмжым Йошкар-Олан уремжылан пуымо.
• Карлыган кыдалаш школын вуйлатышыже лийын. Тудын 17 ий тыршыме жапыште школ пелен калык семӱзгар-влак оркестр чумырген, тыгак йоча-влаклан кеҥежым канаш лагерь пашам ыштен.
• 1936 ий — Галина Михайловна Камских, туныктышо. Тудо Марий Тӱрек кундем Китня могырышто шочын-кушкын. 32 ий наре тудо Шернур кыдалаш школын тӱҥалтыш класслажым туныктен. А уста туныктышым Россий Федерацийын сулло туныктышыжо чап лӱм дене палемденыт.
• 1931 ий — Александр Иванович Шаров, механизатор, Россий Федерацийын сулло чоҥышыжо. Оршанке кундемысе Шарово ялыште шочын. 35 ий тудо Марстройтрест ушемыште бульдозеристлан пашам ыштен. Суапле пашажлан «Знак Почёта» орден дене палемдалтын.
• 1938 ий — Анатолий Константинович Ермаков, уста пашазе, Россий Федерацийын сулло механизаторжо. У Торъял кундемыште шочын. Паша ӱмыржӧ «Йошкар кече» да «Авангард» колхозла дене кылдалтын. «Авангардыште» гын 22 ий механизаторлан пашам ыштен да паша ударник лийын, соцтаҥасымаштат ятыр гана сеҥышыш лектын. Суапле пашажлан Ленин да Йошкар Знамя Паша орден-влак дене палемдалтын.
• 1957 ий — Ольга Васильевна Бирючёва, Марий Эл Республикын сулло журналистше. Одо Элыште шочын. Ленинградысе кугыжаныш университетым тунем лекмек, Йошкар-Оласе «Марийская правда» газет редакцийыште тыршаш тӱҥалын. Пашаже-влак тӱҥ шотышто калык илышкыл аралтыш дене кылдалтше улыт. 1999-ше ийыште Ольга Васильевна Марий Эл президентын «Шӧртньӧ перо» премийым сеҥен налын.
• Игорь Владимирович Бушуев, сӱретче. Тудо Йошкар-Олаште шочын-кушкын. Ятыр кумдан палыме сӱретын авторжо.

Коленыт

Тугак ончо: Категорий:Сорла тылзын 22 кечынже колышо-влак

Калык пале

• Матфейын кечыже. Ты кечын озавате-влак вӱташ лектын ушкалым йыштак лӱштеныт, тыгодым тетла нигӧ тидым ужшаш огыл улмаш. Уке гын, шинча возеш манын шоненыт.