14 сорла

14 сорла (14 август) — григориан кечышот почеш идалыкын 226-шо (кужемдыме ийлаште — 227-ше) кечыже. Идалык пытыме марте 139 кече кодеш.

Пайрем да шарныктарыше кече-влак

• — Шыҥшальын тӱнямбал кечыже (руш. Международный день ящерицы).
• Мӱй Спас (Изи Спас) (руш. Медовый Спас).

Лӱмгече

• Православий лӱм-влак: Авим, Александр, Алим, Антонин, Аттий (Аттик), Гурий (Гурьян, Гур), Димитрий, Евклей, Евсевон (Евсевий, Евсей, Авсей, Асей), Елеазар (Елизар, Елиезер), Катун, Киндей, Кириак (Кирьяк), Кирик, Леонтий (Леонт), Маркелл (Маркел), Минеон, Минсифей, Папа (Папий, Паппа, Паппий), Полиевкт (Полиект, Полуект, Полуэкт), Тимофей, Феодор (Фёдор), Елеса, Саломия, Соломония, София.

Эртынчык-влак

Тугак ончо: Категорий:Сорла тылзын 14 кечысе событий-влак

• 1457 ий — «Псалтирь» лӱман икымше книга лектын.
• 1775 ий — Ектерина Кокымшо кугыжан кӱштыкшӧ почеш Запорожская Сечь мланде Российлан куснен.
• 1986 ий — КПСС ЦК-ан кӱштыкшӧ почеш Сибирьысе эҥер-влакын йогыныштым вашталтыме сомылым чарен шогалтыме.

Шочыныт

Тугак ончо: Категорий:Сорла тылзын 14 кечынже шочшо-влак

• 1933 ий — Виктор Васильевич Васильев, туныктыш пашаеҥ, химий шанче кандидат. Моркысо педучилищым тунем лекмек, ты районысак Себеусад да Кугу Кожлаял школлаште туныктышлан пашам ыштен. Вара паша корныжо Марий кугыжаныш педагогик интститутышто шуйнен, а 1972-1999-ше ийлаште Виктор Васильевич Марий кугыжаныш университетыште тыршен: химий кафедрым вуйлатен. 20 утла шанче пашан авторжо.
• 1954 ий — Геннадий Юревич Ярыгин, футбол арбитр да организатор. Марий кугыжаныш педагогик институтышто спорт дисциплин кафедрыште пашам ыштымыж годым «Буревестник» студент командым чумырен. Тиде команда Россий кӱкшытысӧ модмаштат ик гана веле огыл сеҥыше радамыш лектын, а Марий Элын чемпионжо лӱмым 4 гана сулен. 70-ше ийлаште Геннадий Юрьевич судья семынат тыршаш тӱҥалын, 2 ий Россий чемпионатын кӱшыл лигыжын тӱҥ судьяже лийын. 1990-2005-ше ийлаште Марий Элысе футбол федераций президиумын чолга еҥже лийын.
• 1954 ий — Александр Васильевич Преподобный, полиций пашаеҥ. Шочын-кушкын тудо Украин велыште. Ынде ятыр ий тудо криминал полиций вуйлатышылан пашам ышта, тыгодымак элкӧргӧ министрын икымше алмаштышыже сомылым шукта.
• 1980 ий — Александр Веткин, марий эстрада мурызо. Шкеже тудо Курыкмарий кундем Яшмолкино ял гыч. Саша тӱвыра аланыште тырша. Солист семынат чапланен.

Коленыт

Тугак ончо: Категорий:Сорла тылзын 14 кечынже колышо-влак

• 2004 ий — Алексей Авипов, марий серызе, журналист, Марий Эл Республикын сулло журналистше (1993).

Калык пале

• Мардеж тале гын, теле луман лиеш.
• Мӱкш илян кече. Тиде пайрем, мӱкш ешын мӱйым поген шуктымыжым ончыкта. Мӱкш илян дечын вара, кеҥеж мучашлалтын, шыже велышке кусна маныныт. Пӱтым кучышо-влаклан таче мӱйым кочкаш лиеш. Тиде кечын, эн нужна, йорлыжат мӱйым тамлышаш.
• Ты кече мӱй дене чот кылдалтын. Изижге-кугужге мӱйым кочкыныт. Но южо кундемлаште маке кушкылланат кугу тӱткышым ойыреныт. Маке нӧшмӧ дене тӱрлӧ кочкышым ямдыленыт.

Палемдымаш