11 сорла

←
→
Сорла
← →Сорла
	2026 ий

11 сорла (11 август) — григориан кечышот почеш идалыкын 223-шо (кужемдыме ийлаште — 224-ше) кечыже. Идалык пытыме марте 142 кече кодеш.

Йошкар-Олаште ☀️ Кече 4 шагатат 3 минутлан лектеш, 19 шагатат 33 минутлан шинчеш. Кечын кужытшо 🕒 15 шагатат 30 минут.
🌘 Шоҥго тылзе (27.37 тылзе кече).

Пайрем да шарныктарыше кече-влак

Калинник (руш. Калинник).
Никола Чудотворецын роштожо (руш. Рождество святителя Николая Чудотворца).
Ӱдыр ден эрге икшыве-влакын кечышт (руш. День сына и дочери).
Ошмаште модмо кече (руш. День игры на песке).
Шӱкшак кочкыш кече (руш. День мусорной еды).
Ошпоҥгын кечыже (руш. День белого гриба).
Таза шӱмын тӱнямбал кечыже (руш. Мeждунapoдный дeнь здopoвoгo cepдцa).
Вурс тӱмырын тӱнямбал кечыже (руш. Всемирный день стального барабана).
Юж шар дене чоҥештылме кече (руш. Дeнь пoлётa нa вoздушнoм шapикe).

Лӱмгече

Католик лӱм-влак: Клара, Сусанна.
Православий лӱм-влак: Александр, Алексий (Алексей), Анатолий, Василиск (Василий), Вениамин (Веньямин), Вирий, Евстафий, Каллиник (Калиник, Каленик, Калин, Калина), Константин, Косма (Коэма, Козьма, Кузьма), Мамант (Мамонт), Михаил, Николай, Пахомий (Пахом), Роман, Серафим, Феогност, Феодосий (Федосий, Федос, Федосей), Серафима, Феодота, Феодотия (Федотья).

Эртынчык-влак

Тугак ончо: Категорий:Сорла тылзын 11 кечысе событий-влак

1959 ий — Москошто «Шереметьево» аэропортым почыныт.
1973 ий — «Семнадцать мгновений весны» кинофильмым ончкташ тӱҥалыныт.
1979 ий — Днепродзержинск ола воктене южышто кок самолёт керылтын. Иктыштыже «Пахтакор» футбол команде лийын.

Шочыныт

Тугак ончо: Категорий:Сорла тылзын 11 кечынже шочшо-влак

1899 ий — Генрих Станиславович Эймонтов, польшысо да руш совет кугыжаныш лӱдыкшыдымылык орган-влакын пашаеҥже, административ пашаеҥ.
1943 ий — Зосим Петрович Мартьянов, журналист да спорт энтузиаст. Киномеханиклан тунем лекмек, армийыте службым эртен. 2 ий профессийже дене пашам ыштыме деч вара «Мариэнерго» ушемыште шуаралтын. А 1994-ше ий гыч курыкмарий районысо «Жерӓ» газет редакцийыште пашам ышташ тӱҥалын. Зосим Петрович спортыштат кугу чапым сулен. Телымсе полиатлон дене индеш гана Марий Элын чемпионжо лӱмым налын. Спорт мастер кандидат.
1952 ий — Владимир Ильич Ястребов, футболист. Татарстан республик Зеленодольск олаште шочын. 7 ий тудо Йошкар-Оласе «Дружба» командын нападающийже лийын. Историйыште эн сай бомбардирлан шотлалтеш – 82 голым пуртен. Йошкар-Оласе «Аяр» командылан модмыж годым ветеран-влак кокласе Совет Ушем кубокын финалистше лийын.
1954 ий — Альбертина Иванова, марий серызе, поэт, кусарыше, СССР Серызе-влак ушемын йыжыҥъеҥже (1983), Марий Эл Республикысе сымыктышын сулло пашаеҥже (1998), Олык Ипай лӱмеш Марий комсомол премийын лауреатше (1988).
1961 ий — Людмила Яковлевна Осинкина. Паша корныжо Звенигово районысо Чакмарий школ дене кылдалтын. Тӱҥ образованийын почетан пашаеҥже.

Коленыт

Тугак ончо: Категорий:Сорла тылзын 11 кечынже колышо-влак

1997 ий — Никифор Николаевич Марков — Кугу Ачамланде сарын салтакше, Совет Ушемын Талешкыже, Степь фронт 46 армийын 236-шо стрелок дивизийын 496-шо посна разведротын разведчикше, изирак сержант.
2010 ий — Иван Степанович Галкин, марий йылмызе, серызе, почеламутчо, филологий шанче кандидат (1958), филологий шанче доктор (1968), профессор (1970), Финн-угор ушемын йотэлысе йыжъеҥже (1973), Марий АССР-ысе шанчын сулло пашаеҥже (1975), РСФСР-ысе шанчын сулло пашаеҥже (1981), МарКУ-н почётный профессоржо (1996), Марий Эл Республикысе М.Н. Янтемир лӱмеш Кугыжаныш премийын лауреатше (колымыжо деч вара) (2011).

Калык пале

Пӱкш ден саска шуко — йӱштӧ телылан.
Кава ояр гын, куван кеҥеж кукшо да шурно лектышан лийшаш.
Поланын пайремже. Ожно тиде кечын полан гыч тӱрлӧ йӱышым ямдыленыт. Когыльымат кӱэштыныт. Тыгак эрден эрак игечым эскереныт: калык ой почеш ты кечын шыже шкеж нерген путырак шижтара.