Стариков, Евгений Степанович
| Евгений Степанович Стариков | |
|---|---|
| Евгений Стариков | |
 | |
| Шочмо годсо лӱм | Евгений Степанович Стариков |
| Шочмо кече | 1936 ий 17 кылме |
| Шочмо вер | РСФСР, Татар АССР, Нурлат кундем, Ходяшево ял |
| Колымо кече | 2007 ий 23 сорла (70 ий) |
| Колымо вер | Юлсер-Ола |
| Гражданлык |
 СССР Россий |
| Паша сомыл | серызе, почеламутчо |
| Награде да премий |
|
Евгений Стариков (Евгений Степанович Стариков) (17 кылме 1936, Ходяшево[d], Нурлат район[d], Татар Автоном Совет Социалистик Республик, РСФСР[d], СССР — 23 сорла 2007, Волжск, Марий Эл Республик, Россий) — совет да россий тӱвыра пашаеҥ, композитор, литератор, 2005 ий гыч Россий Серызе-влак ушемын йыжъеҥже. Марий АССР / Марий Эл Волжск оласе йоча музык школын директоржо (1963—2007). Марий Эл Волжск оласе гимн семын авторжо (2002). Россий Федераций тӱвыран сулло пашаеҥже (1997). Марий Эл Республикысе тӱвыран сулло пашаеҥже (1986), Марий Эл Волжск олан почётан гражданинже (1996).
Илыш корныжо
Евгений Стариков 1936 ийын кылме тылзын 17-ше кечынже РСФСР, Татар АССР, Нурлат кундем, Ходяшево ялеш шочын. 1944 ийыште Стариковмыт еш МАССР-ысе Юлсер-Олаш куснен.
1955 ийыште Юлсер-Оласе 4-ше №-ан кыдалаш школым пытарыме деч вара Совет Армийыш налыныт. Украинысе Днепропетровск область Павлодар оласе лётный училищыште служитлен.
1958 ийыште Йошкар-Оласе музык училищыш пурен. 1961 ийыште училищым пытарымек, Юлсер-Оласе музык школышто баян дене туныктышылан ыштен, 1963 гыч 2007 ий марте ты школын директоржо лийын. 1971 ийыште Н.К. Крупская лӱмеш Марий педагогике институтым пытарен.
Почеламутым школышто тунеммыж годым возаш тӱҥалын. 1976 ий гыч «Волжская правда» газетыште почеламут ден мыскара ойлымашлам савыкташ тӱҥалын. Чылаже 30 наре ойлымашым да 100 утла почеламут ден пародийым савыктен. Республикысе савыктышлаште: «Молодой коммунист», «Марийская правда» газетлаште, «Пачемыш», «Ончыко» журналлаште да тӱрлӧ сборниклаште эреак савыкталтын. 50 наре мурым возен.
2000 ийыште почеламутшо-влак «Радуга над Волжском» сборникыште савыкталтыныт. 2001 ийыште «Серпантин» икымше почеламут да пародий-влак книгаже лектын. Вара «Берёзовый край», «Симфония любви» да «Надо просто жить» сборник-влак лийыныт.
Ик жапыштак семым возен. Икмыняр гимным: «Ариада» хоккей клубын, Волжскысо журналист-влакын, пенсионер партийын – гимныштым серен.
Тӱҥ произведенийже-влак
- Счет 4:0 : рассказ // Дружба. Йошкар-Ола, 1982.С. 128—129.
- Сюрприз : рассказ // Дружба. Йошкар-Ола, 1983. С. 79—81.
- Стихи // Радуга над Волжском. Волжск, 2000. С. 3—26 ; 2005. С. 3—16.
- Серпантин : стихи. Волжск, 2001. 68 с.
- Симфония любви : рассказы. Волжск, 2004. 72 с.
- Хобби : рассказ // Русское слово Марий Эл. Йошкар-Ола, 2004. С. 201—203.
- Надо просто жить : стихи. Волжск, 2005. 48 с.
- Стихи // Зеленая лампа. Йошкар-Ола, 2006. С. 60—69.
Марлаш кусарыме произведенийже
- Ужнемак ыле : почеламут / Э. Анисимов кусарен // Ончыко. 1991. № 6. С. 102.
Илышыже да творчествыже нерген литератур
- Швецова О. Люди, познавшие материнскую любовь [о семье Стариковых] // Наш город. 2003. 27 нояб.
- Краткая биогр. справка // Русское елово Марий Эл. Йошкар-Ола, 2004. C. 201.
- Калинкин Г. «Симфония любви» // Волжская правда. 2004. 30 дек.
- Калинкин Г. В полку писателей прибыло // Волжская правда. 2006. 16 марта.
- Калинкин Г. Для искусства возраст — не помеха // Мар. бумажник. 2006. 24 нояб.
- МБЭ. Йошкар-Ола, 2007. С. 346.
Чап
- СССР Тӱвыра министерствын «За отличную работу» чап тамгаже (1983).
- Марий Эл Республикысе тӱвыран сулло пашаеҥже (1986).
- Юлсер Олан почётан гражданинже (1996).
- Россий Федерацийысе тӱвыран сулло пашаеҥже (1997).
- Марий Эл Республик Виктерын Чапкагазше (2003).
- Россий Серызе-влак ушемын йыжъеҥже (2005).