2 сорла

←
→
Сорла
← →Сорла
	2026 ий

2 сорла (2 август) — григориан кечышот почеш идалыкын 214-ше (кужемдыме ийлаште — 215-ше) кечыже. Идалык пытыме марте 151 кече кодеш.

Йошкар-Олаште ☀️ Кече 3 шагатат 44 минутлан лектеш, 19 шагатат 52 минутлан шинчеш. Кечын кужытшо 🕒 16 шагатат 8 минут.
🌖 Катыкем толшо тылзе (18.37 тылзе кече).

Пайрем да шарныктарыше кече-влак

Россий, Казахстан, Белоруссий — Юж-десант войскан кечыже (руш. День Воздушно-десантных войск).
Россий — Илян кече (руш. Ильин день).
Россий, Эвенкий — Эвенк пӱртӱсын кечыже (руш. День Эвенкийской природы).
Россий, Пӱчын кечыже (руш. День Оленя).
Азербайджан — Кугыжаныш кино кече (руш. День национального кино Азербайджана).
Гайане — Эрык кече (руш. День свободы).
Коста-Рика — Суксо Ӱдыр кече (руш. День Богоматери ангелов).
Йӱдвел Македоний — Республик кече (руш. День республики).
Сербий — Авиаций кече (руш. День авиации).
Сыран тӱнямбал кечыже (руш. Международный день пива) — августын 1-ше кугарнянже.
Тӧрзалондемыште шинчыме кече (руш. День сидения на подоконниках).
Перунын кечыже (руш. Перунов день).

Лӱмгече

Католик лӱм-влак: Август, Евсевий.
Православий лӱм-влак: Аарон, Аврамий (Авраам, Авраамий), Александр, Алексий, Афанасий (Афанас, Апанас, Опанас), Георгий, Евфимий, Илия (Илья), Иоанн (Иван), Кассиан (Касьян), Константин, Косма, Леонтий (Леонт), Николай, Пётр, Савва, Сергий, Тихон, Феодор.

Эртынчык-влак

Тугак ончо: Категорий:Сорла тылзын 2 кечысе событий-влак

1930 ий — Москосо сарзе округын ученийыштыже икымше юж десант парашют дене тӧрштен.
1933 ий — Беломор-Балтийский каналым почмо.

Шочыныт

Тугак ончо: Категорий:Сорла тылзын 2 кечынже шочшо-влак

1929 ий — Александр Яковлевич Полянин, туныктыш пашаеҥ, Марий Эл Республикын сулло шанчыеҥже. 1960-шо ий гыч тудо Марий кугыжаныш техник университетыште туныктышылан тыршаш тӱҥалын: тыглай туныктышо гыч проректор марте шуын. 4 ий вӱд ресурс кафедрым вуйлатен.
1936 ий — Пётр Андреевич Апакаев, марий серызе, туныктышо, кусарыше, шанчызе, профессор (1993), педагогик шанче доктор (1999), Марий АССР-ын сулло туныктышыжо (1963), МССР-ысе шанчын сулло пашаеҥже (1991), Пошкырт Элысе Яныш Ялкайн лӱмеш премийын лауреатше (2003).
1948 ий — Владимир Владимирович Глушков, ял озанлык пашаеҥ. Ятыр ий уста специалист Шернур кундемысе администрацийысе ял озанлык кучемын тӱҥ агрономжылан тыршен. Ял озанлык шанче кандидат. Шуктен шогымо пашажлан кугыжаныш премий дене палемдалтын.
1964 ий — Евгений Семёнович Ямаев, спортсмен. Поранча кундем Олор ялыште шочын. Параньгасе йоча спорт школышто ынде ятыр ий тренерлан пашам ышта. Тыгак Евгений Семёнович чыла пашалан мастар семын чапланен.
1954 ий — Алевтина Фёдоровна Осипова, актриса, Марий Эл Республикын сулло артистше. Шкеже Провой кундем Дубровка ял гыч. Тудын паша корныжо Йошкар-Оласе курчак театр дене кылдалтын. Тыште тудо шке йӱкшӧ дене тӱрлӧ образ-влакым чоҥен.
1950 ий — Илья Васильевич Ёлкин, мыскараче (2016 ийыште ӱмыр лугыч лийын). У Торъял кундем Васташуй ялеш ( кызыт тудо Советский районышко пура) шочын. Илья Васильевич хоровой общество пелен баянист-хоровик-влакым ямдылыше индеш тылзаш курсыт тунем лектын, тылеч вара 27 ий тӱвыра аланыште тыршен. Клуб гыч кайымеке, мыскарам возаш кумыл лектын. Мыскара-влакым чумырен, икмыняр книгаже лектын.

Коленыт

Тугак ончо: Категорий:Сорла тылзын 2 кечынже колышо-влак

1967 — Смирнов Кавырля, марий серызе, журналист, 1941–1945 ийласе Кугу Ачамланде сарын участникше.

Калык пале

Илян кече. Тиде кече дене шуко оҥай йӱла кылдалтын: южо кундемлаште у кинде мелнам кӱэштыныт, у пареҥгым кочкыныт. Вес оҥай йӱла нерген шагал кӧ пала: тиде кечын пӧрт гыч пырысым, кудывече гыч пийым поктен лукташ тыршеныт, уке гын, волгенче пера манын шоненыт.
Марий калыкат Илян кечым кумдан палемда. Ожно лач тиде кече деч вара гына чодырасе емыжым погеныт. Нурысо киндат шуын, ынде шӱшкашат лиеш. Ятыр кундемлаште тиде кечын калык шӱгарлашке коштеш, тошто еҥ-влакым шарналта.