Пӱчын кечыже
| Пӱчын кечыже | |
|---|---|
 | |
| Тӱрлылык | Профессиональ пайрем |
| Ышталтын | 1932 ийыште |
| Палемдат | Ненец автоном округ, Коми Республике |
| Пайремлымаш | 2 сорла |
Пӱчын кечыже — Ненец автоном округышто да Коми кундемыште пӱчым ончышо-влакын профессионал пайремышт. 2 августышто, Илян кече дене ик жапыштак палемдалтеш. Пӱчын кечыжым пайремлымаш пӱчӧ-влакын кеҥежымсе кӱтӱш коштмым чараш да теле жапысе верлашке куснен каяш кӱлмӧ дене иктеш толеш.
Историй
1932 ий гыч пайрем августысо икымше рушарнян палемдалтын. 1958 ий гыч 1994 ий марте пайремым Пӱчым ончышын кечыже маныныт (Ямал-Ненец автоном округышто кызытат тыгак ойлат). Пӱчын кечыжым пайремлыме официал кече — 2007 ий 2 августышто пеҥгыдемдалтын[1].
Пайрем
Пайремын ятыр ий эртаралтмыж пайремлык вержат пеҥгыдын йӱлаш пурен. Пӱчын кечыже пайремын пеш кӱлешан ужашыже — икымше пел ийыште ыштен шогымо пашам иктешлымаш, посна кампанийын лектышыже, кугурак пӱчӧ да шӧрым кочшымат аралымаш. Пӱчын кечыж годым пӱчым ончышо-влак тыгак кугыжаныш кучем орган-влакын икымше еҥышт дене вашлийыт. Южгунам Пӱчын кечыжлан вес пайремат увертаралтеш (сӱан, лӱмгече, кугуракым чеслымаш да т.м.).
Пайрем кечын пӱчым ончышо-влакын илемлаштышт калыкле спорт таҥасымаш-влак эртат — йӱдвел кучедалмаш, кычкыме пӱчӧ дене, калыкле кучедалмаш дене таҥасымаш, тыгак мурен-куштышо тӱвыра еҥ-шамычын концертышт, ярминга эртат, пайрем ӱстелым погат. Тыгак пӱчӧ-влакын да нуным ончышо оза-влакын тазалыкыштым тергыме паша шукталтеш[2].
Тыгак ончо
Палемдымаш
- ↑ Закон НАО от 14 декабря 2007 года N 170-оз О традиционном празднике — День Оленя. Тергыме кече: 20 шорыкйол 2015. Архивлыме 20 шорыкйол 2015 ий.
- ↑ Жители тундры отмечают День оленя. Тергыме кече: 20 шорыкйол 2015. Архивлыме 20 шорыкйол 2015 ий.
Литератур
- Ненецкий автономный округ. Энциклопедический словарь / Л. Ю. Корепанова (гл. ред.). — М.: Аванта+, 2001. — 304 с. — ISBN 5-8483-0040-2.