Кожевников, Александр Иванович

Александр Иванович Кожевников
Шочмо кече	29 сорла 1920(1920-08-29)
Шочмо вер	Кукшо Корем, Марково ял илем[d], Ӧрша кундем, Марий автоном вел
Колымо кече	25 пеледыш 1995(1995-06-25) (74 ий)
Колымо вер	Киев, Украине
Званий
Награде да премий

Александр Иванович Кожевников (1920 ий 29 август, Кукшо Корем ял, кызыт Марий Эл Республик Оршанке районын, Россий Федераций — 1995 ий, Киев ола) — сарзе деятель, Сухопутный сарзывийын Василевский лӱмеш юж ваштареш аралалтме сарзе академийын начальникше, артиллерий генерал-полковник (5.05.1980). 1981–1986-шо ийлаште КПУ-н Ревизий Комиссийжын членже. УССР Кӱшыл Каҥашын 10-шо созывшын депутатше. Сарзе шанче кандидат (1979).

Биографий

Кресаньык ешеш шочын.

1937 ийыште Кузнецовысо педагогике училищым тунем пытарен. 1937–1939 ийлаште — Марий АССР Кукшо Корем селасе тӱҥалтыш школышто туныктышо.

1939 ий гыч — Йошкар Армийыште. 1941 ийыште Горькийысе зенит артиллерий сарзе училищым тунем пытарен.

1941 ий гыч Кугу Ачамланде сарын участникше. 3-шо Ударле армий-ын ПВО-жын 1622-шо артиллерий полкышто зенитке батарейын командиржылан, полк командирын алмаштышыжлан, 1944 ий гыч — 3-шо Ударле армийын Артиллерий командующийын управленийжын Юж ваштареш аралалтме пӧлкан начальникшылан служитлен.

1942 ий гыч ВКП(б) член.

1950 ийыште Фрунзе лӱмеш сарзе академийым тунем пытарен. Сарзе-командный должностьлаште лийын. 1963–1969 ийлаште — армийын Юж ваштареш аралалтме сарзывийжын начальникше.

1969–1972 ийлаште — Белорус военный округын Юж ваштареш аралалтме сарзывийжын начальникше. 1972–1977-ше ийлаште — Германийыште Совет сарзывий тӱшкан Юж ваштареш аралалтме сарзывийын начальникше.

1977–1983-шо ийлаште — Киев олаште Сухопутный сарзывийын Василевский лӱмеш Юж ваштареш аралалтме сарзе акдемийын начальникше.

Вара — Киев олаште пенсийыште, туштак колен. Киевыште Лукьяновысо шӱгарлаште тойымо.

Званий

• артиллерийын генерал-майоржо (29.04.1970)
• артиллерийын генерал-лейтенантше(28.10.1976)
• артиллерийын генерал-полковникше (05.05.1980)
• генерал-полковник (26.04.1984 )

Награде

• кок Йошкар Тисте орден (3.11.1943, 25.11.1944)
• I степенян кок Отечественный сар орден. (18.05.1945, 6.04.1985)
• Йошкар Шӱдыр орден
• III-ше степенян «СССР Сарвийыште Шочмо Эллан служитлымылан» орден. (1965)
• медаль-влак

Литератур

• Колесников А. Ю. Кожевников Александр Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 173—174. — 2032 экз. — ISBN 5-87898-357-0.
• Кожевников Александр Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 432. — 872 с. — 3505 экз. — ISBN 978-5-94950-049-1.
• Колесников А. Ю. Кожевников Александр Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 206. — 606 с. — 1500 экз. — ISBN 978-5-905314-35-3.