Марий Мер Каҥаш

РУВИКИ — эрыкан энциклопедий гыч материал
Марий Мер Каҥаш
Всемарийский совет
Мары халык кӓнгӓш
Маре мер кӓҥӓш
Изображение логотипа
Негызлыме кече 1917 ий 15—25 июль
Ушнышо-влак чот 45
Марий Мер Каҥаш председательже — Оньыжа Эдуард Васильевич Александров
Рӱдер Йошкар-Ола, Гагарин пр., 8

Марий Мер Каҥаш (руш. Всемарийский совет; курыкмар. Мары халык кӓнгӓш; йӱдв.-касв. мар. Маре мер кӓҥӓш) — марий калыкын регион-влак кокласе мер толкынжын вуйлатыше органже.

Марий калыкын регион-влак кокласе мер толкынжо («Марий калык толкын») йыжъеҥлык деч посна тӱшка (массовый) мер ушемлан шотлалтеш. Тудын тӱҥ шонымашыже-влак: марий тӱвыра ден йылмым арален кодымаш, нуным вияҥдымаш да кучылтмаш; тӱвырам да йылмым, калыкле шкеумылымашым (самосознанийым) арален кодымо негызеш марий калыкым иктыш ушымаш. Толкынын эреак пашам ыштыше вуйлатыше органже семын ныл ийлан ик гана эртарыме Марий калык погын ончылно иктешлымашым ыштыше сайлыме коллегиальный структур — Марий Мер Каҥаш — улеш. Марий Мер Каҥашын йыжъеҥже-влакым Марий калык погынын делегатше-влак кокла гыч, ныл ийлан, вес погын марте, ойырат.

Марий Мер Каҥашым оньыжа вуйлата. Председательын ныл алмаштышыже уло. Марий Мер Каҥашын погынымашыже-влак пленум  (руш.) (мар. семын ик ийлан кок але шукырак гана эртаралтыт. Марий Мер Каҥашын вуйверже Мер Каҥашын эреак пашам ыштыше органже улеш да тудын йыжъеҥже-влак кокла гыч сайлалтеш.

Марий калыкын мер толкынжын шке эмблемыже, тистыже да гимнже уло.

XX курым тӱҥалтыште эртыше Марий калык погын-влакым шуйышо семын Марий Мер каҥаш шкенжым «Марий ушем» организаций дене иктӧр шотла.

Марий калыкын XII Погынжо 2024 ий 31 октябрь гыч 2 ноябрь марте Йошкар-Олаште эртен[1]. Российын 19 регионжо гыч 427 делегатым сайлыме.

Марий калык погын-влак

Марий калык погын[2]:

  1. Марий калыкын Пӱтынь российысе погынжо — 1917 ий 15—25 июль, Пӱрӧ (кызыт Башкортостан Республик)[3];
  2. Марий калыкын Пӱтынь российысе погынжо — 1918 ий 6—14 июнь, Озаҥ[4];
  3. Марий калыкын Пӱтынь российысе погынжо — 1992 ий 30—31 октябрь[5];
  4. Марий калыкын Пӱтынь российысе погынжо — 1996 ий 18—19 октябрь[6];
  5. Марий калыкын Пӱтынь российысе погынжо — 2002 ий 26 апрель, Йошкар-Ола[7];
  6. Марий калыкын Пӱтынь российысе погынжо — 2004 ий 27 март[8];
  7. Марий калыкын Пӱтынь российысе погынжо — 2008 ий 16—19 апрель, Йошкар-Ола[9];
  8. Марий калык погын — 2012 ий 18—21 апрель, Йошкар-Ола[10];
  9. Марий калык погын — 2016 ий 14—16 апрель, Йошкар-Ола[11];
  10. Марий калык погын — 2020 ий 1—3 октябрь, Йошкар-Ола[12];
  11. Марий калыкын Пӱтынь российысе погынжо — 2024 ий 31 октябрь — 2 ноябрь, Йошкар-Ола[1]..

Председатель-влак (оньыжа)

Палемдымаш

  1. ↑ 1 2 Кидшер (2024-10-10), Более 430 делегатов примут участие во Всероссийском Съезде марийского народа, <https://kidsher.ru/ru/news/50881/>. Тергыме: 16 вӱдшор 2026. 
  2. ↑ Марий калык погын-влак – Съезды народы мари (руш.). web.archive.org. Тергыме кече: 16 вӱдшор 2026.
  3. ↑ Новости: 100 лет первому Съезду марийского народа (руш.). edu.mari.ru. Тергыме кече: 16 вӱдшор 2026.
  4. ↑ 100 лет Марий Эл. Второй Всероссийский Съезд Мари (г. Казань, 6-14 июня 1918 года) (руш.). web.archive.org. Тергыме кече: 16 вӱдшор 2026.
  5. ↑ Национальные съезды: исторический экскурс (руш.). mariuver.eu. Тергыме кече: 16 вӱдшор 2026.
  6. ↑ В лабиринтах съездов народа мари (руш.). mariuver.eu. Тергыме кече: 16 вӱдшор 2026.
  7. ↑ Республика Марий Эл. Шестой внеочередной чрезвычайный съезд народа мари предложил Президенту Марий Эл Леониду Маркелову добровольно уйти в отставку (руш.). regnum.ru. Тергыме кече: 16 вӱдшор 2026.
  8. ↑ Съезд народа мари — Марий калык погын (руш.). web.archive.org. Тергыме кече: 16 вӱдшор 2026.
  9. ↑ VIII Съезд марийского народа (руш.). web.archive.org. Тергыме кече: 16 вӱдшор 2026.
  10. ↑ IX Съезд народа мари открылся с запозданием, но на марийском языке и с привлечением жрецов МТР (руш.). finugor.ru. Тергыме кече: 16 вӱдшор 2026.
  11. ↑ X Марий калык погын — X Съезд народа мари (руш.). web.archive.org. Тергыме кече: 16 вӱдшор 2026.
  12. ↑ Съезд марийского народа проходит в Йошкар-Оле (руш.). Кидшер (2 шыжа 2020). Тергыме кече: 16 вӱдшор 2026. Архивлыме 22 пургыж 2022 ий.

Кылвер-влак

"https://mhr.ruwiki.ru/w/index.php?title=Марий_Мер_Каҥаш&oldid=1229049" гыч налме