Терроризмын жертвыжым шарныме да уштымо тӱнямбалсе кече
| Терроризмын жертвыжым шарныме да уштымо тӱнямбалсе кече | |
|---|---|
 | |
| Тӱрлылык | Тӱнямбал |
| Ышталтын | 2017 ий |
| Палемдат | Россий |
| Кече | 21 Сорла |
| Пайремлымаш | 21 сорла |
Терроризмын жертвыжым шарныме да уштымо тӱнямбалсе кече (англ. International Day of Remembrance of and Tribute to the Victims of Terrorism) — ООН-ын Генерал Ассамблейже 2017 ий декабрьыште тӧнежлыме нерген увертарен[1].
Терроризмын жертвыжым шарныме да уштымо тӱнямбалысе кече ий еда 21 августышто палемдалтеш.
Пайремын тӱҥ шонымашыже — колышо-влакым пагален шарнаш да илаш кодшо-влаклан шке праваштым арален, шот дене илаш полшаш.
Австралийысе экономике да тыныслык институтын шымлымыж почеш 2022 ийыште Мландыште 3,9 тӱж. теракт лийын, тышан 6,7 тӱж. еҥын илышыже кӱрылтын[1].
Историй
Генеральный Ассамблей 21 августым Терроризмын жертвыжым шарныме да уштымо тӱнямбалсе кече семын ик шонымаш дене увертарен: колышо-влакым пагален шарнаш, илаш кодшо-влаклан шке праваштым аралаш да шот дене илаш полшаш. 2017 ийыште гына террорист актлан кӧра вич эллаште чыла колышо-влакын ныл ужашышт гыч кумытшо вич элаште лийын: Афганистаныште, Иракыште, Нигерийыште, Сомалиште да Сирийыште[2]. ООН-ын йодмыж почеш, тиде кече терроризмеш эмганыше-влак полышым налыт да шке праваштым аралат[3]. Чаманен каласыман, тыгай эҥгекыш логалше-влак чыла эллаштак огыл кокла жапыште да кужу жап чытыме орлык деч полышым иксемын налын огыт керт.
Тӱнямбал калык терроризмым титакла гынат, тушан эмганыше, колышо-влакын лишыл еҥыштлан, нунын йӱкыштым колышт манын, йодмашыштым шуктышт, а правашт аралалтше манын, кучедалаш перна. Орлыкыш логалше шуко еҥже лач кугыжанышын полышыжлан кӧра гына угыч йолымбак шогал кертеш, шке сусыржым, уш-акылжым эмлен, тыгак окса йодышым шотыш конден кертеш.
2023 ийыште терроризм жертвым шарныме да уштымо кече — мероприятий-влак
21 августышто пӱтынь тӱня мучко лекций, семинар да терроризм ваштареш кучедалше йыргешке ӱстел-влак эртат, туштыжо эҥгекыш логалше-влаклан полышым пуымо йодыш нӧлталтеш. Официал еҥ-влак тиде шотыштак ыштыме пашашт нерген отчётым ыштат. Тыгак колышо ден илен лекше-влак дене пырля улшо-влак ончерым эртарат, калык дене мутланат.
Тылеч посна ООН-ын официал YouTube-каналыште «Наследие: обретение надежды и построение лучшего будущего» кином ончыктат. Тушто терроризмын жертвыже-влак каласкалат: кузе нунын илышышт вашталтын, ты осал пашан кужу жап пытыдыме кышаже-влакым ончыктат.
Российыште
Терроризмын жертвыже-влак Российыште полыш деч посна огыт код. Нунын правашт «Терроризм ваштареш кучедалме нерген» федерал тӧртыкыште аралалтеш. Закон терактеш лийше мораль да материал эҥгек акым шотыш налын, окса дене полша. Тиде преступникын да тудын лишыл родо-тукымжын погышт шотеш ышталтеш. Тидын годым зиян акым пӧртылташ кеч-могай жапыштат лиеш — тыгай осал пашан жап чекше уке. Террор актым чарен шогалташ тӧчымӧ годым лийше эҥгекым кугыжаныш шке компенсироватла.
Тыгак ончо
- Икымше тӱнямбал сарыште колышо-влакым шарныме кече
- ООН-ын тӱнямбал кечыже
Палемдымаш
- ↑ 1,0 1,1 21 августа — Международный день памяти и поминовения жертв терроризма: история и значение, 2023-08-20, <https://iz.ru/1561058/2023-08-20/21-avgusta-mezhdunarodnyi-den-pamiati-i-pominoveniia-zhertv-terrorizma-istoriia-i-znachenie>. Проверено 10 вӱдшор 2024..
- ↑ UN to mark International Day of Remembrance for victims of terror on Tuesday
- ↑ International Day of Remembrance and Tribute to the Victims of Terrorism, 21 August