Громов, Алексей Николаевич

Алексей Николаевич Громов
Алексей Николаевич Громов
Шочмо кече	15 сорла 1911
Шочмо вер	Кукмарий, Вӱрзым уезд, Виче губерний, Россий империй;
Колымо кече	28 пеледыш 1987 (75 ий)
Колымо вер	Советский, Марий Автоном Совет Социализм Республик, РСФСР[d], СССР;
Пурымаш	СССР
Войскан родшо	пехото[d]
Службо жап	1941—1944
Званий
Часть	1185-ше сп, 356-шо сд
Кредалмаш/сар	Кугу Ачамланде сар;
Отставкыште	колхоз председатель, сельсовет председатель

Алексей Николаевич Громов (15 сорла 1911, Кукмарий, Вӱрзым уезд, Виче губерний, Россий империй — 28 пеледыш 1987, Советский, Марий Автоном Совет Социализм Республик, РСФСР^[d], СССР) — Кугу Ачамланде сарын салтакше, изирак лейтенант^[1], Совет Ушемын Талешкыже.

Илыш корныжо

1911 ий 15 августышто Виче губерний, Уржум уезд, Коҥганур волость Ӱлыл Кукмарий ялын^[2] кресаньык ешеш шочын. Мари. Шымияш школ деч вара, колхозышто пашам ыштен.

1941 ий декабрьыште Йошкар Армийыш налыныт.

1942 ий январь гыч Кугу Ачамланде сарын салтакше. 1943 ийыште изирак лейтенант-влаклан курсым тунем лектын.

1185-ше лӱйкалыше полкын взвод командирже (356-шо стрелковый дивизий, 61-ше армий, Рӱдӧ фронт). Изирак лейтенант Громов А. Н. Днепрым вончымо годым ойыртемалтын. 1943 ий 28 сентябрьыште Новосёлко села воктене (Репкин р-н. Чернигов кундем) А. Н. Громовын вуйлатыме взвод ик эн ончыч пурла серышке куснен, Брагинка эҥер деке лекмеке, тудын гоч вончен, тушман дене кредалмашке пижын. Рото командир колымеке, А. Н. Громов командованийым шке ӱмбакыже налын. Рото, ончык эртен да тушманым эҥер деч чактарен. Вашпижмаште А. Н. Громов нелын сусырген, но рото дене умбакыже командоватлен.

СССР Кӱшыл Совет Президиумын 1944 ий 15 январьысе «Йошкар Армийын генерал, офицер, сержант да рядовой-влаклан Совет Ушемын Талешкыже лӱмым пуымо нерген» пунчалже почеш «Днепрым форсироватлыме годым командованийын кӱштымыжым сайын шуктымылан да тыгодым лӱддымылыкым да патырлыкым ончыктымылан», изирак лейтенант Алексей Николаевич Громовлан Совет Ушемын Талешкыже лӱмым пуаш, Ленин орден да «Шӧртньӧ шӱдыр» медальым (3586 №) кучыктымо.

1944 ийыште комиссий сар паша гыч кораҥден. Шочмо ялыш пӧртылын, колхоз вуйлатышылан пашам ыштен, вара — ялсовет вуйлатышылан.

1987 ий 28 июньышто Марий АССР Советский посёкышто колен.

Марий АССР, Совет районысо Шанер ял шӱгарлаште тойымо.

Суаптарже-влак

«Шӧртньӧ Шӱдыр» медаль;
Ленин орден;
I степенян Ачамланде сар орден.
1941—1945 ийласе Кугу Ачамланде сарыште Германийым сеҥымылан" медаль;
«1941-1945 ийласе Кугу Ачамланде сарыште сеҥымашлан коло ий темме лӱмеш» лӱмгече медаль;
«1941-1945 ийласе Кугу Ачамланде сарыште Сеҥымашын кумло ий темме лӱмеш» лӱмгече медаль;
«1941-1945 ийласе Кугу Ачамланде сарыште Сеҥымашлан нылле ий темме лӱмеш» лумгече медаль;
«1941-1945-ше ийласе Кугу Ачамланде сар жапыште пашам чаплын ыштымылан»" медаль.

Шарныктыш

Российысе Сарзе-историй обществе Громов нерген шарныктыш оҥам Совет районын Кукмарий кыдалаш школ пырдыжыште вераҥден.
Талешкын бюстшым У Торъял селаште шындыме.
Талешкын лӱмжӧ дене ола сынан Советский посёлкын ик уремжым лӱмденыт.

Палемдымаш

↑ Звание указано на момент присвоения звания Героя Советского Союза.
↑ ныне д. Кукмарь, Советский район, Марий Эл.

Литератур

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — С. 379. — 911 с. — 100 000 экз. — ISBN отс., Рег. № в РКП 87-95382.
Громов Алексей Николаевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 321. — 872 с. — 3505 экз. — ISBN 978-5-94950-049-1.
Громов Алексей Николаевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 66—68. — 374 с. — 500 экз. — ISBN 978-5-94950-070-5.
Мочаев В. А. Громов Алексей Николаевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 113. — 606 с. — 1500 экз. — ISBN 978-5-905314-35-3.

Кылвер-влак

Алексей Николаевич Громов (руш.). Сайт «Герои страны».

[1] Звание указано на момент присвоения звания Героя Советского Союза.

[2] ныне д. Кукмарь, Советский район, Марий Эл.

[1]

[2]